ဟုမ္မလင်း မြသိန်းတန်ဘုန်းကြီးကျောင်း

June 18, 2021

ဟုမ္မလင်း မြသိန်းတန်ဘုန်းကြီးကျောင်းကို စစ်တပ်ကဝင်စီးပြီး ဆန်အိတ် ၁၀၀ ကျော်ယူသွား

စစ်ကိုင်းတိုင်း၊ ဟုမ္မလင်းမြို့၊ မြသိန်းတန်ဘုန်းကြီးကျောင်းကို အကြမ်းဖက်စစ်တပ်က ဇွန်လ ၁၇ ရက်နေ့မှာ ဝင်ရောက်စီးနင်းပြီး ဆန်အိတ် ၁၀၀ ကျော် ယူသွားတယ်လို့ မြို့ခံတွေက ပြောပါတယ်။ 

မြသိန်းတန်ဘုန်းကြီးကျောင်းကို မနေ့ညနေ ၃ နာရီလောက်မှာ အကြမ်းဖက်စစ်တပ်နဲ့  ရဲ အင်အား ၅၀ လောက်နဲ့  ဝင်ရောက်စီးနင်းရှာဖွေခဲ့ ဖြစ်ပါတယ်။

ဟုမ္မလင်း ဒေခံတစ်ဦးက “ အကြမ်းဖက်စစ်တပ်က ဘုန်းကြီးကျောင်းထဲမှာ လက်နက်တွေကိုင်ပြီး ဆရာတော်ကိုရှာဖွေခဲ့တယ်။  ဆရာတော်က မနေ့ကတည်းက ကျောင်းမှာမနေတော့ဘဲ တစ်နေရာကိုရှောင်သွားတယ်။ ကျောင်းမှာရှိတဲ့ ဆန်အိတ် ၁၀၀ ကျော်ကို ယူသွားခဲ့တယ်” လို့ ပြောပါတယ်။

ဟုမ္မလင်းမြို့မှာ ဇွန်လ ၁၆ ရက်ကလည်း နောင်ပုကျစ်တောင်ပေါ် ဘုန်းကြီးကျောင်းက ကျောင်းထိုင်ဆရာတော်အရှင်တေဇနိယကို အကြမ်းဖက်စစ်တပ်က အတင်းအဓမ္မလူဝတ်လဲ ဖမ်းဆီးခဲ့သလို မြို့ခံ  နှစ်ယောက်ကိုလည်း  ဖမ်းဆီးခဲ့ပါတယ်။

7 months Ago
Up