ဟိန္ဒူဘာသာဝင်များ

November 4, 2017

ဟိန္ဒူဘာသာဝင်များ ရေချိုးပွဲတော် ကျင်းပ

ပြည်မြို့က ဟိန္ဒူဘာသာဝင်တွေရဲ့ ရေချိုးပွဲတော်ကို နိုဝင်ဘာ ၄ ရက်နေ့ တန်ဆောင်မုန်းလပြည့်နေ့ညမှာ ဧရာဝတီမြစ်ကမ်းနားဖူးမှာ တည်ရှိတဲ့ ရှရီရာမ်းဂျာနကီ ဘုရားကျောင်းမှာ ရေချိုးပွဲ ကျင်းပခဲ့ကြပါတယ်။ အဲဒီရေချိုးပွဲက လွန်ခဲ့တဲ့နှစ် ၂၀၀ ကျော်လောက်ကတည်းက မြန်မာနိုင်ငံမှာ ကျင်းပလာခဲ့ တာဖြစ်ပြီး မြန်မာတနိုင်ငံလုံးမှာ ပြည်မြို့တမြို့တည်းမှာပဲ ကျင်းပတာဖြစ်ပါတယ်။ ဧရာဝတီမြစ်က ဂင်္ဂါမြစ်နဲ့လည်း အကုန်တူညီနေတာကြောင့် ဧရာဝတီမြစ်ထဲမှာ ရေချိုးကြတာလို့ ဟိန္ဒူဘာသာရေးဆရာ ဦးကံကြီးမောင်က ဒီဗွီဘီ ကို ရှင်းပြပါတယ်။ ဒီပွဲကို မြန်မာနိုင်ငံအနှံအပြားက ဟိန္ဒူဘာသာဝင်တွေ သောင်းချီပြီးလာကြကာ ပွဲတော်ကို ၃  ရက်ကျင်းပပြုလုပ်ကြပါတယ်။ ညဘက်တွေမှာ ဘုရားဝတ်ပြုတာ၊ ဓမ္မတေးတွေ သိဆိုတာ၊ ဖယောင်းတိုင်၊ အမွှေးတိုင်တွေ ကပ်လှူပူဇော်တာတွေပြုလုပ်ခဲ့ကြပြီး ည ၁၂ နာရီကျော်ကနေ နောက်တနေ့ တန်ဆောင်မုန်းလဆုတ် ၁ ရက်နေ့ နေ့လယ် ၁၂ နာရီမတိုင်မီအထိ ရေချိုးတာကို ပြုလုပ်ကြပါတယ်။ အခုရက်က ပြည်မြို့က ရွှေဆန်တော်ဘုရားပွဲတော်နဲ့ အချိန်တပြိုင်တည်း ဖြစ်နေတာကြောင့် ဘုရားပွဲပွဲဈေးတန်း၊ လည်ပတ်ပြီးသူတွေက ဟိန္ဒူဘာသာဝင်တွေရဲ့ ရိုးရာပစ္စည်းတွေ၊ အထိမ်းအမှတ်ပစ္စည်းတွေ၊ ရိုးရာအစားအသောက်တွေရောင်းချတဲ့ ပွဲဈေးတန်းကို ဆက်လက်လည်ပတ်ကြပါတယ်။
4 years Ago

September 4, 2017

စစ်တွေသို့ ထွက်ပြေးလာသည့် ဟိန္ဒူဘာသာဝင်များ အကူအညီလိုအပ်နေ

  အကြမ်းဖက်တိုက်ခိုက်မှုတွေကြောင့် မောင်တော-ဘူးသီးတောင် ဒေသက စစ်တွေကို ထွက်ပြေးတိမ်းရှောင်လာတဲ့ ဟိန္ဒူဘာသာဝင် ၄၀၀ ဝန်းကျင်ရှိနေပါတယ်။ အကြမ်းဖက်မှုတွေကြောင့် ထွက်ပြေးတိမ်းရှောင်လာတဲ့သူတွေကို လက်ရှိမှာ စစ်တွေမြို့ ဆရီ ဆရီမိုဟာဒေဗ့် ဘာရီ (မဟာသီဝ) ဟိန္ဒူဘုရားရှိခိုးကျောင်းမှာခိုလှုံနေပြီး စက်တင်ဘာ ၃ ရက်နေ့ ညနေပိုင်းအထိ ဒုက္ခသည် လူဦးရေစာရင်းတွေကတော့ အိမ်ထောင်စု ၈၅ စု၊ ကျား ၂၃၂ ဦးနဲ့ မ ၂၁၇ ဦး စုစုပေါင်း ၄၄၉ ဦးရှိနေပါတယ်။ လက်တလောစားဝတ်နေရေးတွေကို အလိုတော်ပြည်ဆရာတော်နဲ့ ပြည်နယ်အစိုးရ အပါအဝင် ရခိုင့်လူမှုအဖွဲ့ အစည်းတွေက ကူညီပေးနေတယ်လို့ဆိုပါတယ်။ ဒါပေမယ့် ဒုက္ခသည် လူဦးရေ တိုးလာတာကြောင့် နေရေးထိုင်ရေး၊ အိပ်ဖို့နေရာထိုင်ခင်းတွေ အရေးတကြီးလိုအပ်နေတယ်လို့ ဒုက္ခသည်တွေ ကူညီကယ်ဆယ်ရေးဆောင်ရွက်ပေးနေတဲ့ ဦးဘုလှရွှေက ဒီဗွီဘီကိုပြောပါတယ်။ သတင်း- ဝဏ္ဏခွာညို
4 years Ago
Up