ဟားမာ့စ်

June 19, 2018

အစ္စရေးစစ်တပ်က ဟားမာ့စ်အဖွဲ့နှင့် ဆက်စပ်နေသည့် ပစ်မှတ် ၉ ခုကို ဗုံးကြဲ

အစ္စရေးစစ်တပ်ဟာ ဂါဇာကမ်းဒေသမြောက်ပိုင်းရှိ ဟားမာ့စ်အဖွဲ့နဲ့ ဆက်စပ်နေတဲ့ ပစ်မှတ် ၉ ခုကို ဇွန်လ ၁၈ ရက်နေ့က ဂျက်လေယာဉ်နဲ့ ဗုံးကြဲတိုက်ခိုက်ခဲ့ပါတယ်။ ဒါကို လက်တုံ့ပြန်တဲ့အနေနဲ့ ဟားမာ့စ်ဘက်က ရော့ကက်ဒုံးကျည် ၃ စင်းနဲ့ ပြန်လည်ပစ်ခတ်ခဲ့ပေမယ့် ဒုံးကျည်တခုဟာ ဂါဇာကမ်းမြောင်နားမှာပဲ ပြုတ်ကျခဲ့တယ်လို့ အစ္စရေးစစ်တပ်က ပြောပါတယ်။ ဒါပေမယ့် လူသေဆုံးထိခိုက်မှုတော့ မရှိဘူးလို့ ဆိုပါတယ်။ ဟားမာ့စ်အဖွဲ့ဟာ အစ္စရေးရဲ့ ပိုင်ဆိုင်မှုတွေကို ဖျက်ဆီးလိုတဲ့ ရည်ရွယ်ချက်နဲ့ ကျောက်မီးသွေးနဲ့ မီးလောင်ဗုံးတွေ ပါဝင်တဲ့ စွန်တွေကို ပြီးခဲ့တဲ့ သီတင်းပတ်တွေကစပြီး နယ်စပ်ကနေ လွှတ်တင်နေတာဖြစ်ပါတယ်။ အစ္စရေးဘက်ကတော့ ဒီလုပ်ရပ်ကို ရပ်တန့်ဖို့ သတိပေးပစ်ခတ်ခဲ့သလို အဲဒီစွန်တွေကို တဲ့တဲ့ချိန်ရွယ်ပြီး ပစ်ခတ်ဖျက်ဆီးနေကြောင်း ရိုက်တာသတင်းမှာ ဖော်ပြထားပါတယ်။
3 years Ago
Up