ဟားခါး လူနေအိမ်ထက်ဝက် ပြောင်းရွှေ့ရမည်ဟု ချင်းလူမှုရေးဝန်ကြီးပြော

August 7, 2015

ဟားခါး လူနေအိမ်ထက်ဝက် ပြောင်းရွှေ့ရမည်ဟု ချင်းလူမှုရေးဝန်ကြီးပြော

ပြီးခဲ့တဲ့ဇူလိုင်လက မိုးသည်းထန်စွာရွာသွန်ခဲ့ပြီး မြေပြိုမှုတွေ ဖြစ်ပွားခဲ့တာကြောင့် ဟားခါး မြို့ လူနေအိမ်ထက်ဝက်လောက် ပြောင်းရွှေ့ရမယ်လို့ ချင်းပြည်နယ် လူမှုရေးဝန်ကြီး ဒေါက်တာဘမောင်က ဒီဗွီဘီကို ပြောပါတယ်။ ရပ်ကွက်တွေ ပြန်လည်နေရာချဖို့အတွက် အစိုးရက လုပ်ဆောင်နေသလို အနည်းဆုံး ၆ လလောက်  အချိန်ယူရမယ်လို့လည်း ဝန်ကြီးက ပြောပါတယ်။ ဟားခါးမြို့ပေါ်ရပ်ကွက်တွေဖြစ်တဲ့ ပြည်တော်သာ၊ မြို့ဟောင်း၊ ဈေးသစ်၊ ကျော်ဘုတ် စတဲ့ ရပ်ကွက်တွေက အိမ်ခြေ ၆၀၀ ကျော် ပျက်စီးသွားသလို မြို့နားရွာတွေဖြစ်တဲ့ ခွာဘဲ၊ ဘဲအိုသဲ၊ မဲန်နူး စတဲ့ရွာတွေက အိမ်ခြေပေါင်း ၁၀၀ ကျော် ပျက်စီးသွားတယ်လို့ ဟားခါးကူညီကယ်ဆယ်ရေး ကော်မတီက ပြောပါတယ်။ အဲ့ဒီပျက်စီးမှုတွေထဲမှာတော့ စာသင်ကျောင်း ၄ ကျောင်း ပါဝင်တယ်လို့ သိရပါတယ်။ လက်ရှိမှာတော့ နေအိမ်ပျက်စီးသွားသူတွေနဲ့ စိုးရိမ်ရတဲ့ နေအိမ်တွေကို စွန့်ခွာလာတဲ့ ဒုက္ခသည်တွေကတော့ မြို့ပေါ်က ဒုက္ခသည်စခန်းတွေမှာ နေထိုင်နေကြပါတယ်။ သတင်းဓာတ်ပုံ - သူရိန်၊ ဖိုးကျော်  
6 years Ago
Up