ဟာလန်း

A d v e r t i s e m e n t With Us

December 27, 2020

ဒေါ့မွန်အသင်းနှင့် ဖလားများဆွတ်ခူးရန် အာရုံစိုက်ထားကြောင်း ဟာလန်းပြော

ဒေါ့မွန်အသင်းနဲ့ ဆုဖလားတွေကို ဆွတ်ခူးဖို့ဟာ သူ့အိပ်မက်ဖြစ်တယ်လို့ တိုက်စစ်မှူး အာလင်ဟာလန်းက ပြောပါတယ်။  ဟာလန်းဟာ ဇန်နဝါရီလကမှ ဒေါ့မွန်အသင်းကို ရောက်ရှိလာခဲ့တာဖြစ်ပေမယ့် ပြသနေတဲ့ ခြေစွမ်းကြောင့် မန်စီးတီး အပါအဝင် အသင်းကြီးတွေရဲ့စိတ်ဝင်စားမှုကို ရရှိနေသူ ဖြစ်ပါတယ်။  သူဟာ တစ်ချိန်ချိန်မှာ ဒေါ့မွန်အသင်းကနေ သေချာပေါက်ထွက်ခွာသွားမှ ာဖြစ်ပေမယ့် အခုချိန်မှာတော့ အသင်းနဲ့အတူ အောင်မြင်မှုတွေရရှိဖို့ မျှော်လင့်ထားတယ်လို့ နော်ဝေ ကစားသမားက ပြောပါတယ်။ “အခုချိန်မှာ ကျနော့်ဘဝရဲ့ အကြီးမားဆုံးမျှော်လင့်ချက်ကတော့ ဒေါ့မွန်အသင်းနဲ့ ဆုဖလားတစ်ခုခု ဆွတ်ခူးဖို့ဖြစ်ပြီး အဲဒီအတွက်လည်း ကြိုးစားနေပါတယ်။ အသင်းနဲ့ပရိသတ်တွေဟာ အောင်မြင်မှုနဲ့ထိုက်တန်မှုရှိတာကြောင့် ဒီလိုဖြစ်ဖို့ အစွမ်းကုန်ကြိုးစားသွားပါ့မယ်။ အသင်းက ကျနော့်ကိုခေါ်ဖို့ ငွေကြေးများစွာ သုံးစွဲခဲ့ရတာဖြစ်ပြီး ပရိသတ်တွေအနေနဲ့လည်း ကျနော့်ရဲ့ပေးဆပ်မှုကို ၁၀၀ ရာခိုင်နှုန်း မျှော်လင့်နိုင်ပါတယ်။ ဒေါ့မွန်အသင်းဟာ ကျနော့်အတွက် အကြီးမားဆုံးအိပ်မက်ပါ။ ဒီအသင်းနဲ့ ဆုဖလားတစ်ခုခု ဆွတ်ခူးဖို့အတွက် ကျနော် အလုပ်လုပ်နေပါတယ်” လို့ လူငယ်တိုက်စစ်မှူးက ပြောပါတယ်။ ဟာလန်းဟာ လေ့ကျင့်ရေးကွင်းမှာ တံကောက်ကြောဒဏ်ရာရရှိခဲ့တာကြောင့် လက်ရှိအချိန်မှာ ပုံမှန်ကြံ့ခိုင်မှုရရှိရေးအတွက် ရုန်းကန်နေရသူ ဖြစ်ပါတယ်။  ဒါဟာ တိုက်စစ်မှူးတွေအတွက် ဆိုးရွားတဲ့စိန်ခေါ်မှုတစ်ခု ဖြစ်ပေမယ့် ဟာလန်းကတော့ ဒဏ်ရာက သက်သာလာရင် ပိုကောင်းတဲ့ ကစားသမား ဖြစ်လာဖို့အတွက် မျှော်လင့်ထားပါတယ်။ “ကျနော်က အမြဲတမ်း ပိုပိုပြီးလိုချင်နေတတ်တဲ့သူပါ။ ကျနော် ၄ ဂိုး သွင်းနိုင်တယ်ထားပါ။ ဒါပေမဲ့ ကျနော် ၆ ဂိုးသွင်းဖို့ကို စိတ်ကူးကြည့်နေမိပါတယ်။ အဲဒီလိုဆို ဘယ်လောက်ကောင်းလိုက်မလဲပေါ့၊ ဒါဟာ ကျနော် လိုချင်နေတဲ့ဟာဖြစ်ပါတယ်” လို့အသက် ၂၀ အရွယ် ကစားသမားက ပြောပါတယ်။ ဒေါ့မွန်အသင်းဟာ လက်ရှိအချိန်မှာ ဆောင်းရာသီ အားလပ်ရက်ရရှိနေတာဖြစ်ပြီ လာမယ့် ဇန်နဝါရီ ၃ ရက်နေ့မှာ ဝုဖ်ဘတ်အသင်းနဲ့ ရင်ဆိုင်ရမှာ ဖြစ်ပါတယ်။  ဒီပွဲမှာ ဟာလန်း ပြန်လည်ပါဝင်နိုင်မယ်လို့ မျှော်လင့်ထားပြီး နည်းပြဟောင်း လူစီယန်ဖက်ရီ နေရာကို အစားဝင်လာတဲ့  ဒီဒင်တာဇစ်နဲ့ လက်တွဲရမှာ ဖြစ်ပါတယ်။
1 month Ago

December 2, 2020

ချန်ပီယံလိဂ် သွင်းဂိုးအများဆုံး မှတ်တမ်းကို ဟာလန်း ကျော်ဖြတ်နိုင်မည်ဟု ဆိုးလ်ရှား ခန့်မှန်း

တိုက်စစ်မှူးဟာလန်းက မိမိရဲ့ ချန်ပီယံလိဂ်သွင်းဂိုးအများဆုံး နော်ဝေ ကစားသမား မှတ်တမ်းကို ချိုးဖျက်နိုင်မှာ သေချာတယ်လို့ နည်းပြဆိုးလ်ရှားက ပြောပါတယ်။  ဆိုးလ်ရှားဟာ နော်ဝေ ကစားသမားတစ်ဦးအနေနဲ့ ချန်ပီယံလိဂ်ပြိုင်ပွဲမှာ သွင်းဂိုး ၂၀ နဲ့ ဂိုးအများဆုံး သွင်းယူထားတာပါ။  ဒေါ့မွန်တိုက်စစ်မှူး ဟာလန်းက ချန်ပီယံလိဂ်သွင်းဂိုး ၁၆ ဂိုးသွင်းထားပြီး ဆိုးလ်ရှားရဲ့ သွင်းဂိုး ၂၀ မှတ်တမ်းကို ကျော်ဖြတ်နိုင်ဖို့ နီးစပ်နေတာပါ။  ပီအက်စ်ဂျီနဲ့ မကစားခင် ပွဲကြိုသတင်းစာရှင်းလင်းပွဲမှာတော့ ခြေစွမ်းပြနေတဲ့ ဟာလန်းအပေါ် နည်းပြဆိုးလ်ရှားက ဂုဏ်ယူကြောင်း ပြောခဲ့ပြီး သူ့ရဲ့ ချန်ပီယံလိဂ်သွင်းဂိုး မှတ်တမ်းကိုလည်း ကျော်ဖြတ်နိုင်မှာ သေချာကြောင်း သုံးသပ်ခဲ့တာပါ။  ဟာလန်းက သူ့ရဲ့ ကစားသမားဘဝ အစကတည်းက ခမ်းနားတဲ့ခြေစွမ်းနဲ့ စတင်နိုင်ခဲ့ပြီး မိုလ်ဒီမှာကတည်းက ဟာလန်းနဲ့အတူ တသင်းတည်းမှာ ရှိခဲ့သလို သူ့ရဲ့ အလားအလားကောင်းတွေကို မြင်ခဲ့ရတာက ဂုဏ်ယူစရာ ဖြစ်တယ်လို့ နည်းပြဆိုးလ်ရှားက ပြောပါတယ်။ ဟာလန်းဟာ ၁၄ ဂိုးစီ သွင်းထားတဲ့ ဘရာဇီးတိုက်စစ်မှူး ရိုနာဒို၊ ဒေးဗစ်ဗီလာ၊ ကလိုဆေး တို့ရဲ့ ချန်ပီယံလိဂ်သွင်း ဂိုးမှတ်တမ်းတွေကို ကျော်ဖြတ်ခဲ့သလို ဇီဒန်းရဲ့ သွင်းဂိုးမှတ်တမ်းကိုလည်း လိုက်မီနိုင်ခဲ့ပြီး ဖြစ်ပါတယ်။
2 months Ago
More News
Up