ဟာလန်း

January 6, 2022

တိုက်စစ်မှူး ဟာလန်း၏ အနာဂတ်နှင့်ပတ်သက်ပြီး ဆွေးနွေးမည်ဟု ဒေါ့မွန်အတည်ပြု

တိုက်စစ်မှူးဟာလန်းရဲ့ အနာဂတ်နဲ့ပတ်သက်ပြီး လာမယ့်တစ်ပတ်အတွင်းမှာ ဆွေးနွေးဆုံးဖြတ် သွားမယ်လို့ ဒေါ့မွန်အသင်းက အတည်ပြုသွားပါတယ်။ 

ဟာလန်းဟာ အခုနှစ်ရာသီအကုန်မှာ ဒေါ့မွန်နဲ့ စာချုပ်သက်တမ်း ကုန်ဆုံးမှာဖြစ်ပေမယ့် လျော်ကြေးပေါင် ၆၄ သန်းပေးမှ ထွက်ခွာခွင့်ရရှိမှာပါ။ 

ဒေါ့မွန်အတွက် စုစုပေါင်း ၇၄ ပွဲမှာ ၇၆ ဂိုးသွင်းထားတဲ့ စွမ်းဆောင်ရည်ကြောင့် ထိပ်တန်အသင်းတွေက  စာချုပ်ပါလျော်ကြေးအတိုင်း ပေးချေပြီး ခေါ်ယူဖို့ အဆင်သင့်ရှိနေပါတယ်။ 

“အခြေအနေက ရာသီကုန်လို့ စာချုပ်သက်တမ်းကုန်ဆုံးသွားရင် သူထွက်ခွာနိုင်တာကတော့ ရှင်းပါတယ်။ လာမယ့်ရက်သတ္တပတ် အနည်းငယ်အတွင်းမှာ သူနဲ့စားပွဲဝိုင်းမှာထိုင်ပြီး သေချာ ဆွေးနွေးသွားမှာပါ” လို့ ဒေါ့မွန်အသင်းရဲ့ ဘောလုံးအကြီးအကဲဖြစ်သူ ဆက်ဘက်စ်တီယန်ခါးလ်က ပြောပါတယ်။ 

ဟာလန်းကိုခေါ်ယူဖို့ မန်စီးတီးက ရေပန်းအစားဆုံးဖြစ်နေပြီး ဖာရန်တောရက်စ်ကို ရောင်းချခဲ့တဲ့ ပေါင် ၅၅ သန်းနဲ့ ကမ်းလှမ်းသွားဖို့ အဆင့်ရှိနေတယ်လို့ဆိုပါတယ်။ အလားတူ ဘာစီလိုနာဥက္ကဋ္ဌ လာပေါ်တေးကလည်း ဟာလန်းကိုခေါ်ယူမယ်လို့ ပြောခဲ့ဖူးပါတယ်။ 

2 weeks Ago

December 22, 2021

ဟာလန်းနှင့် အမ်ဘာပေတို့ စဉ်ဆက်မပြတ်ကြိုးစားရန်လိုကြောင်း စီရော်နယ်ဒို အကြံပြု

မျိုးဆက်သစ်လူငယ်တွေအနေနဲ့ စဉ်ဆက်မပြတ်ကြိုးစားဖို့လိုကြောင်း မန်ယူနိုက်တက်တိုက်စစ်မှူး စီရော်နယ်ဒိုက ပြောသွားပါတယ်။ 

ဒေါ့မွန်တိုက်စစ်မှူး ဟာလန်းရဲ့ အနာဂတ်နဲ့ပတ်သက်ပြီး စီရော်နယ်ဒိုက မှတ်ချက်ပေးရာမှာ စဉ်ဆက်မပြတ် ကြိုးစားကြဖို့ လိုတယ်လို့ အကြံပေးခဲ့တာပါ။ 

လက်ရှိမျိုးဆက်သစ်က စားသမားတွေကို တွေ့မြင်နေရတာက စိတ်လှုပ်ရှားစရာကောင်းပြီး ဘယ်သူက အကောင်းဆုံးဖြစ်မယ်ဆိုတာ ခန့်မှန်းဖို့ ခက်ခဲတယ်လို့ စီရော်နယ်ဒိုက ပြောပါတယ်။

“မျိုးဆက်သစ် ကစားသမားတွေကို မြင်တွေ့ရတာက စိတ်လှုပ်ရှားစရာကောင်းပြီး ဟာလန်းနဲ့ အမ်ဘာပေတို့လို ကစားသမားတွေ ထွက်ပေါ်လာခဲ့ပါတယ်။ တချို့ကတော့ တစ်ရာသီ နှစ်ရာသီလောက်ပဲ ခြေစွမ်းပြနိုင်ကြတယ်။ တကယ်စစ်မှန်ပြီး ခမ်းနားတဲ့ ကစားသမားတွေကတော့ ခြေစွမ်းကောင်းကို ဆက်ထိန်းနိုင်ကြတာပါ။ ဒီလိုလုပ်နိုင်ဖို့က ခက်ပါတယ်။ ပြင်းထန်တဲ့ ကြိုးပမ်းမှုတွေ လိုတယ်။ စိတ်ပိုင်းဖြတ်မှုတွေ အများကြီး လိုတယ်” လို့ ရော်နယ်ဒိုက ပြောပါတယ်။ 

မန်ယူနိုက်တက်နဲ့လည်း သတင်းထွက်နေတဲ့ ဒေါ့မွန်တိုက်စစ်မှူး ဟာလန်းကတော့ ရော်နယ်ဒိုက အားလုံးအတွက် စံပြပုဂ္ဂိုလ်ဖြစ်တယ်လို့ ချီးကျူးဖူးပါတယ်။

4 weeks Ago
More News
Up