ဟာရီကိန်းမုန်တိုင်း

October 10, 2022

နီကာရာဂွါနိုင်ငံကို ဟာရီကိန်းမုန်တိုင်း ဝင်ရောက်တိုက်ခတ်

ဟာရီကိန်း ဂျူလီယာဟာ နီကာရာဂွါနိုင်ငံကို အောက်တိုဘာလ ၉ ရက်က ဝင်ရောက်တိုက်ခတ်ခဲ့ပြီး အမြင့်ဆုံး လေတိုက်နှုန်း တစ်နာရီလျှင် ၈၅ မိုင် ထိ တိုက်ခဲ့ပါတယ်။

 မုန်တိုင်းဒီရေလှိုင်းတွေ ကုန်းပေါ် တက်လာခဲ့တယ်လို့ အမေရိကန်အမျိုးသား ဟာရီကိန်း စင်တာက ပြောကြားလိုက်ပြီး လာမယ့်ရက်တွေမှာ ဒေသအနှံ့အန္တရာယ်ရှိတဲ့ ရာသီဥတု သတိပေးချက်တွေ ထုတ်ပြန်ခဲ့ပါတယ်။

မုန်တိုင်းဟာ လာဂူနာဒေ ပါလက်စ် အနားကနေ တနင်္ဂနွေနေ့ အစောပိုင်းက ကုန်းတွင်းပိုင်းကို ဝင်ခဲ့တယ်လို့ NHC က ပြောပါတယ်။

ဟာရီကိန်းမုန်တိုင်းဟာ တနင်္လာနေ့ညမှာ နီကာရာဂွါကနေ ပစိဖိတ်အရှေ့ခြမ်းကိုဖြတ်ရင်း တဖြည်းဖြည်း အားပျော့လာမယ်လို့ မျှော်လင့် ထားပါတယ်။

တနင်္လာနေ့နဲ့ တနင်္လာနေ့ညတွေမှာ ဟွန်ဒူးရပ်စ်၊ အယ်လ်ဆာဗေးဒေါနဲ့ ဂွါတီမာလာနိုင်ငံတွေရဲ့ ပစိဖိတ်ကမ်းရိုးတန်းအနား ဒါမှမဟုတ် ပစိဖိတ်ကမ်းရိုးတန်းတစ်လျှောက် ရွေ့လျားဖို့ ခန့်မှန်း ထားတယ်လို့ NHC က ပြောပါတယ်။

2 months Ago

June 2, 2022

မက္ကဆီကိုတွင် ဟာရီကိန်းမုန်တိုင်းတိုက်ခတ်မှုကြောင့် သေဆုံးသူ ၁၁ ဦးရှိလာ

မက္ကဆီကိုနိုင်ငံမှာ အဂါစာဟာရီကိန်း  မုန်တိုင်းကြောင့် သေဆုံးသူ ၁၁ ဦးအထိ မြင့်တက်လာပြီး ၃၃ ဦး ပျောက်ဆုံးနေပါတယ်။

မိုးသည်းထန်စွာ ဆက်လက်ရွာသွန်းနေပြီး ထောင်နဲ့ချီတဲ့ လူတွေအပေါ် သက်ရောက်မှုရှိလိမ့်မယ်လို့ အာဏာပိုင်တွေက ဇွန် ၁ ရက်မှာ ပြောပါတယ်။

ဝါဟာကာ့ကမ်းခြေကို ဟာရီကိန်းမုန်တိုင်းရိုက်ခတ်လာလို့ ပင်လယ်ကမ်းခြေတွေကို ဆက်သွယ်ပေးထားတဲ့  အဝေးပြေးလမ်းမကြီးဟာ  မေ ၃၀ ရက်ကတည်းက ပြတ်တောက်ခဲ့ရပြီး ဇွန် ၁ ရက်နေ့မှာတော့ ပြန်ဖွင့်ခဲ့ပါတယ်။

နိုင်ငံခြားခရီးသွားလုပ်ငန်းအတွက် ဆွဲဆောင်မှုရှိတဲ့ နေရာတခုဖြစ်တဲ့ နိုင်ငံတွင်းက တခုတည်းသော ဝတ်လစ်စလစ်ကမ်းခြေဖြစ်တဲ့ ဇစ်ပိုလိုက် ကမ်းခြေဟာ ပြင်းထန်စွာ ထိခိုက်ခဲ့ပါတယ်။ 

ပျက်စီးနေတဲ့ ပလပ်ပါလို့ခေါ်တဲ့ မက္ကဆီကန်ရိုးရာ ထန်းလက်မိုးတဲတွေ၊ စားသောက်ဆိုင်တွေ၊ ဈေးဆိုင်တွေနဲ့ သူတို့ဆိုင်ခန်းတွေက သဲတွေကို ဝန်ထမ်းတွေက ဖယ်ရှားရှင်းလင်းနေကြရပါတယ်။

ဒေသခံတွေနဲ့ သောင်တင်နေတဲ့ ခရီးသွားတချို့ဟာ စားနပ်ရိက္ခာနဲ့ ရေပြတ်လပ်မှုတွေကို ရင်ဆိုင်နေရဆဲဖြစ်ပြီး လောင်စာဆီ၊ လျှပ်စစ်မီးနဲ့ ဆက်သွယ်ရေးဝန်ဆောင်မှုတွေလည်း ပြတ်တောက်နေဆဲ ဖြစ်ပါတယ်။

မြစ်ချောင်းတွေ ရေလျှံတက်မှုကြောင့် လူမနေတော့တဲ့ အိမ်ပေါင်းများစွာ ပျက်စီးခဲ့ရပြီး တချို့ဒေသခံတွေဟာ သူတို့ရဲ့ ကျန်ရှိပစ္စည်းတွေကို လာရောက်သိမ်းဆည်းနေကြပါတယ်။

6 months Ago
More News
Up