ဟာနန်ဒက်စ်

March 29, 2019

ဘိုင်ယန်အသင်းနှင့် တိုက်ပွဲဝင်ရမည့်အပေါ် ဂုဏ်ယူဟု ကစားသမားသစ် ဟာနန်ဒက်စ် ပြော

ဘိုင်ယန်မြူးနစ်အသင်းနဲ့အတူ ဆုဖလားတွေအားလုံးအတွက် တိုက်ပွဲဝင်ရတော့မယ့်အပေါ် ဂုဏ်ယူကျေနပ်မိတယ်လို့ ကစားသမားသစ် ဟာနန်ဒက်စ်က ပြောကြားလိုက်ပါတယ်။ ဂျာမန်ကလပ် ဘိုင်ယန်မြူးနစ်အသင်းဟာ အက်သလက်တီကို နောက်ခံလူ လူးကပ်စ်ဟာနန်ဒက်စ်ကို ကလပ်စံချိန်တင် ပြောင်းရွှေ့ကြေးဖြစ်တဲ့ ပေါင် ၆၈ သန်းနဲ့ ခေါ်ယူခဲ့တာပါ။ ဘိုင်ယန်အသင်းအနေနဲ့ ဟာနန်ဒက်စ်ကို ၅ နှစ်စာချုပ် ချုပ်ခဲ့ပြီး လာမယ့် ဇူလိုင် ၁ ရက်နေ့ရောက်မှ အသင်းနဲ့ စတင်ပူးပေါင်းမှာ ဖြစ်ပါတယ်။ ဟာနန်ဒက်စ်အနေနဲ့ ရာသီကုန်အထိ အက်သလက်တီကို အသင်းမှာပဲ ဆက်ပြီး ကစားသွားရမှာပါ။ ဘိုင်ယန်အသင်းဟာ ဥရောပရဲ့ အကောင်းဆုံးအသင်းတွေထဲက တသင်းဖြစ်ပြီး ဆုဖလားတွေအတွက် တိုက်ပွဲဝင်ရမယ့်အပေါ် ဂုဏ်ယူမိတယ်လို့ ပြောပါတယ်။ ဒါ့အပြင် အက်သလက်တီကို အသင်းကိုလည်း ကျေးဇူးတင်မိပြီး ရာသီကုန်အထိ အကောင်းဆုံး ပေးဆပ်ကစားသွားမယ်လို့ ဟာနန်ဒက်စ်က ပြောကြားခဲ့ပါတယ်။ ပြင်သစ်နောက်ခံလူ ဟာနန်ဒက်စ်ဟာ ၂၀၁၈ ကမ္ဘာ့ဖလား ရယူခဲ့တဲ့ ပြင်သစ်လက်ရွေးစင်အသင်းမှာလည်း ပါဝင်ခဲ့သူ ဖြစ်ပါတယ်။
3 years Ago

August 6, 2018

ရီးရဲလ်နောက်ခံလူ ဟာနန်ဒက်စ်ကို ဖူလ်ဟမ်အသင်း အငှားခေါ်ယူရန် ပြင်ဆင်

အပြောင်းအရွှေ့ အတော်များများ ပြုလုပ်ထားနိုင်တဲ့ တန်းတက် ဖူလ်ဟမ်အသင်းဟာ ရီးရဲလ်မက်ဒရစ်နောက်ခံလူ သီယိုဟာနန်ဒက်စ်ကို အငှါးစာချုပ်နဲ့ ခေါ်ယူနိုင်ဖို့ ပြင်ဆင်နေပါတယ်။ အက်သလက်တီကိုအသင်းကနေ ၆ နှစ်စာချုပ်နဲ့ ရီးရဲလ်မက်ဒရစ်အသင်းကို ပြောင်းရွှေ့လာခဲ့တဲ့ ဟာနန်ဒက်စ်ဟာ ရီးရဲလ်မက်ဒရစ်အသင်းအတွက် အကောင်းဆုံး ခြေစွမ်းပြနိုင်ခဲ့သူ ဖြစ်ပါတယ်။ ဖူလ်ဟမ်အသင်းဟာ ဆမ်ဒိုးရီးယား ကွင်းလယ်ကစားသမား ပရာရက်ကိုလည်း ခေါ်ယူဖို့ စိတ်ဝင်စားနေသလို တခြားကစားသမား အတော်များများကိုလည်း အပြောင်းအရွှေ့မပိတ်မီ ခေါ်ယူနိုင်ဖို့ စီစဉ်နေပါတယ်။ မီထရိုဗစ်၊ ဖေဘရီစီယို၊ မော်ဆင်၊ ရှာရယ်တို့ကို ခေါ်ယူထားခဲ့တဲ့ ဖူလ်ဟမ်အသင်းဟာ လာမယ့်ရာသီ ပရီးမီးယားလိဂ်မှာ အခြေအနေကောင်းရေး ပြင်ဆင်နေခဲ့တာ ဖြစ်ပါတယ်။ ဒါ့အပြင် ပြင်သစ်လီဂူးကလပ် နိုက်စ်အသင်းက ဂျင်းန်မိုက်ကယ်ဆာရီနဲ့ မာချန်တို့ကိုလည်း ခေါ်ယူထားပါတယ်။
3 years Ago
Up