တိုက်စစ်မှူး ဟာဇက် ဝတ်ဆင်ခဲ့တဲ့ ကျောနံပါတ် ၁၀ ကို ပြောင်းလဲဝတ်ဆင်မယ်လို့ ချဲလ်ဆီးကွင်းလယ်လူ ဝီလီယံက အတည်ပြုလိုက်ပါတယ်။ ချဲလ်ဆီးအသင်းမှာ ကျောနံပါတ် ၁၀ ဝတ်ဆင်ခဲ့တဲ့ ဟာဇက်က ရီးရဲလ်မက်ဒရစ် အသင်းဆီကို ပေါင်သန်း ၁၅၀ ခန့်နဲ့ ပြောင်းရွှေ့ခဲ့တာကြောင့် ကျောနံပါတ် ၁၀ ဂျာစီ လစ်လပ်နေတာပါ။ လက်ရှိအချိန်မှာ အဲဒီ နံပါတ် ၁၀ ကို ပြောင်းလဲဝတ်ဆင်တော့မှာဖြစ်ပြီး ကလပ်အသင်းနဲ့လည်း ပြောဆိုခဲ့ပြီးဖြစ်တယ်လို့ ဝီလီယံက ဆိုပါတယ်။ ကျောနံပါတ် ၁၀ ဂျာစီ ဝတ်ဆင်ကစားရတာကို အမြဲတမ်း နှစ်သက်ပြီး ကလေးဘဝကတည်းက နံပါတ် ၁၀ ကိုပဲ ဝတ်ဆင်ခဲ့တာဖြစ်သလို ကိုရင်သီယန် အသင်းမှာတုန်းကလည်း နံပါတ် ၁၀ ပဲ ဝတ်ဆင်ခဲ့တယ်လို့ ဝီလီယံက ပြောပါတယ်။ အသက် ၃၀ ရှိ ဘရာဇီးကွင်းလယ်လူ ဝီလီယံဟာ ပြီးခဲ့တဲ့ ကိုပါအမေရိကဖလားပြိုင်ပွဲမှာ နေမာ ဒဏ်ရာရသွားတာကြောင့် ကျောနံပါတ် ၁၀ ဝတ်ဆင်ကစားခွင့် ရခဲ့ပါတယ်။

ရီးရဲလ်မက်ဒရစ်အသင်းက ကမ္ဘာ့ဖလား ပြီးဆုံးချိန်မှာ စတင်ချိတ်ဆက်လာတာကို သိခဲ့ပေမယ့်လည်း ချဲလ်ဆီးအသင်းမှာပဲ ဆက်ရှိနေဖို့ ဆုံးဖြတ်ခဲ့တာဖြစ်တယ်လို့ မက်ဒရစ်ပရိသတ်တွေနဲ့ မိတ်ဆက်ပွဲ အခမ်းအနားမှာ ဟာဇက်က ပြောလိုက်ပါတယ်။ ဟာဇက်ရဲ့ မိတ်ဆက်ပွဲကို ပရိသတ် ၅ ထောင်ကျော် လာရောက်ခဲ့ကြပြီး ရီးရဲလ်မက်ဒရစ်အသင်းကို အခုအချိန်မှာ ရောက်ရှိခဲ့တာဟာ အချိန်ကောင်းတခုဖြစ်ကြောင်း ဟာသနှော ပြောသွားပါတယ်။ ဟာဇက်ဟာ ရီးရဲလ်မက်ဒရစ်အသင်းနဲ့ ၅ နှစ်စာချုပ် ချုပ်ဆိုခဲ့ပြီး တပတ်လုပ်ခ ပေါင် ၄ သိန်း ရမှာဖြစ်သလို ဂန္ထဝင်ကျောနံပါတ် ၇ ကို ဝတ်ဆင်ကစားမှာလည်း ဖြစ်ပါတယ်။ ရီးရဲလ်ဥက္ကဋ္ဌ ပီရက်ဇ်ကတော့ ဟာဇက် အသင်းကို ရောက်လာလို့ ဝမ်းသာကြောင်း၊ သူ့ကိုခေါ်ယူဖို့ဟာ အသင်းရဲ့ အိပ်မက်တခု ဖြစ်တာကြောင့် အကောင်အထည် ဖော်နိုင်ခဲ့ပြီလို့ ပြောလို့ရကြောင်း၊ ပရိသတ်တွေကလည်း ကစားသမားရဲ့နောက်ကနေ အမြဲတမ်း အားပေးနေမှာဖြစ်ကြောင်း ပြောကြားသွားပါတယ်။