ဟယ်ရီပေါ်တာ

A d v e r t i s e m e n t With Us

April 2, 2020

ကိုရိုနာဗိုင်းရပ်စ်ကပ်ကာလ ကလေးများအတွက် အခမဲ့ဟယ်ရီပေါ်တာ အွန်လိုင်းစာအုပ်စင်

ဟယ်ရီပေါ်တာစာအုပ်စီးရီးစ်တွေနဲ့ နာမည်ကြီးတဲ့ စာရေးဆရာမ J.K. Rowlings က ကိုရိုနာဗိုင်းရပ်စ်ကပ်ကာလမှာ အိမ်တွင်းနေထိုင်ရတဲ့ ကလေးငယ်တွေအတွက် ရည်ရွယ်ပြီး  'Harry Potter at Home' အမည်နဲ့ အွန်လိုင်းစာအုပ်စင်ကို ဖန်တီးပေးလိုက်ပါတယ်။ အသက် ၅၄ နှစ်အရွယ်ရှိနေပြီဖြစ်တဲ့ စာရေးဆရာမက ဒီအကြောင်းကို သူ့ရဲ့တွစ် တာအင်တာနက် လူမှုကွန်ရက်ပေါ်မှတဆင့် ခုလိုရေးသားဖော်ပြထားခဲ့တာပါ။  “အိမ်ထဲမှာ နေထိုင်ပြီး ကလေးတွေနဲ့အတူ ပြုစုစောင့်ရှောက်နေကြရတဲ့ မိဘတွေ၊ ဆရာဆရာမတွေနဲ့ အထိန်းတွေအနေနဲ့ မှော်ပညာနည်းနည်းတော့ လိုအပ်နိုင်တယ်။ ဒါကြောင့် ကျမ ဒါကို ဖန်တီးပေးလိုက်တာပါ” http://harrypotterathome.com ဝက်ဘ်စာမျက်နှာပေါ်မှာတော့ ပထမဆုံးသော နာမည်ကျော် ဟယ်ရီပေါ်တာစာအုပ်ဖြစ်တဲ့ Harry Potter and the Sorcerer’s Stone အပါအဝင် စာအုပ်ပေါင်းများစွာကို အခမဲ့ ဖတ်ရှုနိုင်မှာဖြစ်ပါတယ်။ နောက်ပြီး တခြားသော မှော်ပညာဆိုင်ရာ စာအုပ်တွေ၊ Tutorial တွေ၊ ဉာဏ်စမ်း ပဟေဠိ ဂိမ်းတွေအပါအဝင် အသံဖိုင်တွေ၊ ဗွီဒီယိုဖိုင်ရင်းမြစ်တွေကို အင်္ဂလိပ်၊ စပိန်၊ ပြင် သစ်၊ အီတလီ၊ ဂျာမန်၊ ဂျပန်ဘာသာစကားတွေနဲ့ပါ လေ့လာနိုင်မှာ ဖြစ်ပါတယ်။ လတ်တလောမှာတော့ ကိုရိုနာဗိုင်းရပ်စ်ကူးစက်ပျံ့နှံ့မှု အန္တရာယ်ကြောင့် ကျောင်း တွေ၊ အလုပ်တွေကို ပိတ်ထားခဲ့ကြရပြီး ကမ္ဘာတလွှား သန်းပေါင်းများစွာသော လူတွေဟာ နေအိမ်တွေထဲမှာ နေထိုင်ပြီး အွန်လိုင်းအသုံးပြုမှုတွေ ပိုမိုများလာနေခဲ့တာ ဖြစ်ပါတယ်။
11 months Ago
Up