ဟဇ်ဘိုလာ

December 20, 2018

ဥမင်လိုဏ်ခေါင်းဖြင့် ဟဇ်ဘိုလာက လက်ဘနွန်ကို အန္တရာယ်ပြုနိုင်ဟု အစ္စရေးဝန်ကြီးချုပ် ပြော

ဟဇ်ဘိုလာဟာ ပစ်မှတ်တွေကို အတိအကျ ချိန်ပစ်နိုင်တဲ့ ဒုံးကျည်စက်ရုံတွေ ပိတ်သိမ်းလိုက်ပေမယ့် နယ်စပ်ဖြတ်ကျော် ဥမင်လိုဏ်ခေါင်း ကွန်ရက်တခုနဲ့ လက်ဘနွန်ကို အန္တရာယ်ပြုနိုင်တယ်လို့ အစ္စရေးဝန်ကြီးချုပ် နေတန်ယာဟုက ဒီဇင်ဘာ ၁၉ ရက်မှာ ပြောလိုက်ပါတယ်။ အဲဒီ ဥမင်လိုဏ်ခေါင်းတွေဟာ စစ်ရေးလုပ်ဆောင်ချက်တရပ် ဖြစ်တယ်လို့ သူက ယူဆထားပါတယ်။ ဝန်ကြီးချုပ် အလေးထားပြောဆိုနေတာဟာ ဒီလထဲမှာ တွေ့ရှိခဲ့တဲ့ ဥမင်လိုဏ်ခေါင်းလေးခု ဖြစ်ပါတယ်။ အဲဒါတွေရှိနေတာကို ကုလသမဂ္ဂ ငြိမ်းချမ်းရေးတပ်ဖွဲ့ဝင်တွေကလည်း အတည်ပြုပါတယ်။ အဲဒီ ဥမင်လိုဏ်ခေါင်းတွေကို အစ္စရေးမြောက်ပိုင်း ရွာတွေကို ကျူးကျော်ဖို့အတွက် အသုံးပြုလိမ့်မယ်လို့ အစ္စရေးက ဆိုပါတယ်။ ဟဇ်ဘိုလာကတော့ ဥမင်လိုဏ်ခေါင်းတွေနဲ့ ပတ်သက်ပြီး မှတ်ချက်တစုံတရာ မပေးပါဘူး။ လက်ဘနွန်ကတော့ ၂၀၀၆ စစ်ပွဲကို အဆုံးသတ်စေခဲ့တဲ့ ကုလသမဂ္ဂ ကတိကဝတ်ကို အပြည့်အဝ ကြိုးပမ်းဖော်ဆောင်နေတယ်လို့ လက်ဘနွန် နိုင်ငံခြားရေးဝန်ကြီးဌာနက ထုတ်ပြန်ပါတယ်။ လက်ဘနွန်ဘက်ခြမ်း နယ်စပ်မှာတော့ စက်မှုပိုင်းဆိုင်ရာ လုပ်ဆောင်မှုတွေ မတွေ့ရသေးဘူးလို့လည်း ထုတ်ပြန်ထားပါတယ်။ ဟဇ်ဘိုလာအနေနဲ့ အစ္စရေး အရပ်သား အခြေခံအဆောက်အအုံတွေကို ထိခိုက်စေမယ့် ပစ်မှတ်ကို အတိအကျထိမှန်စေတဲ့ ဒုံးကျည်မျိုးတွေကို ပြည်တွင်းမှာ ထုတ်လုပ်နိုင်အောင် ကြံဆောင်နေတယ်လို့ အမေရိကန်နဲ့ အစ္စရေးတို့က ယုံကြည်ထားပါတယ်။
2 years Ago

December 11, 2018

ဟဇ်ဘိုလာပြောက်ကျားများ ဖောက်လုပ်ထားသည့် ဥမင်လိုဏ်ခေါင်းများကို အစ္စရေးအစိုးရ ဖြိုဖျက်

အီရန်က ကျောထောက်နောက်ခံ ပေးထားတဲ့ ဟဇ်ဘိုလာ ပြောက်ကျားတွေက လက်ဘနွန်ကနေ အစ္စရေးဘက်ကို ဦးတည်ဖောက်လုပ်ထားတဲ့ ဥမင်လိုဏ်ခေါင်းတွေကို အစ္စရေးအစိုးရက ဆက်ပြီး ဖြိုဖျက်နေပါတယ်။ ဒါကြောင့် လက်ဘနွန်နဲ့ အစ္စရေးနယ်စပ်ကို လက်ဘနွန်စစ်သားတွေနဲ့ ကုလသမဂ္ဂ ငြိမ်းချမ်းရေး တပ်သားတွေက ဒီဇင်ဘာ ၁၀ ရက်နေ့မှာ ကင်းလှည့် စောင့်ကြည့်နေပါတယ်။ ဒီဇင်ဘာ ၈ ရက်နေ့က အစ္စရေးစစ်သားတွေဟာ ဟဇ်ဘိုလာ တက်ကြွလှုပ်ရှားသူတွေလို့ သံသယရှိသူတွေကို ပစ်ခတ်ခဲ့တယ်လို့ အစ္စရေးစစ်တပ်က ပြောပါတယ်။ ဒါဟာ အစ္စရေးက ဥမင်ဖြိုမှု စစ်ဆင်ရေးစပြီး ပထမဆုံး ပစ်ခတ်မှုပါ။ အစ္စရေးနိုင်ငံထဲကို တိုက်ခိုက်ရာမှာ သုံးဖို့ အစ္စရေး-လက်ဘနွန် နယ်စပ်တလွှား ဥမင်တွေ တူးထားတာ ရှာတွေ့ထားတယ်လို့ အစ္စရေးစစ်တပ်က အရင်အပတ်မှာ ပြောပါတယ်။ အဲဒီနောက် မြေတူးစက်တွေ၊ စစ်တပ်တွေနဲ့ ဥမင်ဖျက်ဆီးရေး ပစ္စည်းကိရိယာတွေကို နယ်စပ်ဆီ လွှတ်ခဲ့ပါတယ်။ လက်ဘနွန်အခြေစိုက် ကုလငြိမ်းချမ်းရေးတပ်က နယ်စပ်မျဉ်းမှာ ဥမင်တခု ရှိနေတာကို ဒီဇင်ဘာ ၆ ရက်မှာ အတည်ပြုပြီး အလေးအနက်ထားရမယ့် ဖြစ်ရပ်လို့ ပြောခဲ့ပါတယ်။
2 years Ago
More News
Up