သြစတြေးလျအစိုးရ

A d v e r t i s e m e n t With Us

November 13, 2020

သြစတြေးလျအစိုးရက ပြည်ပတွင်ပိတ်မိနေသည့်နိုင်ငံသားများကို ဦးစားပေးပြန်ခေါ်မည်

သြစတြေးလျအစိုးရအနေနဲ့ ပြည်ပမှာ ပိတ်မိနေတဲ့ မိခင်နိုင်ငံသားတွေ ခေါ်ယူရေးကို ဦးစားပေးမှာမို့  နိုင်ငံခြားသားကျောင်းသားတွေကို ပြန်လာခွင့်ပြုမှာ မဟုတ်ဘူးလို့ ဝန်ကြီးချုပ် စကော့မော်ရစ်ဆင်က ပြောပါတယ်။  ကိုဗစ်-၁၉ ပျံ့နှံ့မှုနှုန်းနှေးသွားစေဖို့  မတ်လကတည်းက သြစတြေးလျဟာ နိုင်ငံသား မဟုတ်သူတွေနဲ့ အမြဲနေထိုင်ခွင့်ရသူတွေကို ဝင်ရောက်ခွင့် ပိတ်ပင်ခဲ့ပါတယ်။  တချိန်တည်းဆိုသလို သြစတြေးလျတက္ကသိုလ် နဲ့ CSL လီမိတက်တို့ ပူးတွဲ ဖော်စပ်တဲ့ ကိုဗစ်-၁၉  ကာကွယ်ဆေး ကနဦးအဆင့်က ဘေးကင်းပြီး ပဋိပစ္စည်း တုံ့ပြန်မှုကို ထုတ်လုပ်ပေး တယ်လို့ ကျန်းမာရေးဝန်ကြီးက နိုဝင်ဘာလ ၁၃ ရက်မှာပဲ ပြောဆိုပါတယ်။  သြစတြေးလျဟာ ကွင်းစလန်တက္ကသိုလ်က ထုတ်ဖော်တဲ့ အလားအလာရှိ ကာကွယ်ဆေး အလုံးရေ ၅၁ သန်း ဝယ်ယူဖို့  သဘောတူထားတယ်လို့ ရိုက်တာက တင်ပြထားပါတယ်။
4 months Ago

August 20, 2020

နိုင်ငံသား ၂၅ သန်းအတွက် ကိုဗစ်-၁၉ ကာကွယ်ဆေး သြစတြေးလျအစိုးရ အခမဲ့ဖြန့်ဝေမည်

သြစတြေးလျလူဦးရေ ၂၅ သန်းလုံးကို ကိုဗစ်-၁၉ ကာကွယ်ဆေး အခမဲ့ဖြန့်ဝေသွားဖို့  သြစတြေးလျအစိုးရက စီစဉ်နေပါတယ်။  ဒါပေမဲ့ ကာကွယ်ဆေးထိုးပေးမယ့် လူစာရင်းကို ဆေးဘက်ဆိုင်ရာအဖွဲ့က ဆုံးဖြတ်သွားမှာ ပါ။ သြဂုတ် ၁၉ ရက်က  ကိုရိုနာဗိုင်းရပ်စ်ကူးစက်မှု အများဆုံး ဗစ်တိုးရီးယားပြည်နယ်မှာ အသစ်ကူးစက်သူတွေ လျော့ကျခဲ့ပြီး အစိုးရကလည်း ဗြိတိန်ဆေးကုမ္ပဏီ အက်စ်ထရာ ဇန်နက်ကာဆီကနေ ကာကွယ်ဆေးဝယ်ဖို့ လက်မှတ်ရေးထိုးခဲ့ပါတယ်။ “ကာကွယ်ဆေးစမ်းသပ်မှု အောင်မြင်မယ့် အနေအထားရှိရင်  ရှေ့နှစ်အစောပိုင်းမှာ ကာကွယ်ဆေးရဖို့ မျှော်လင့်ပါတယ်။ အဲဒီအချိန်ထက် ပိုစောရင် သိပ်ကောင်းတယ်” လို့ ဝန်ကြီးချုပ် စကော့မော်ရစ်ဆင်က ပြောဆိုပါတယ်။   ကာကွယ်ဆေးထုတ်လုပ်တဲ့ စမ်းသပ်မှုကနေ အခုထိ ရလဒ်ကောင်းမွန်တယ်လို့ ပြီးခဲ့တဲ့ လကပဲ အက်စ်ထရာဇန်နက်ကာ ကုမ္ပဏီက ပြောဆိုခဲ့ပါတယ်။  ကုမ္ပဏီရဲ့ကာကွယ်ဆေး လူသားစမ်းသပ်မှုကို အတိုင်းအတာကြီးကြီးမားမားနဲ့ လုပ်ဆောင်နေပြီး ကာကွယ်ဆေးပြိုင်ပွဲမှာ ရှေ့က ဦးဆောင်နေတယ်လို့ ကျယ်ကျယ်ပြန့်ပြန့် ရှုမြင်နေပါတယ်။ 
6 months Ago
Up