သုံးစွဲရန်မသင့်သည့် အလှကုန်ပစ္စည်း ၄ မျိုး FDA ကြေညာ

January 21, 2018

သုံးစွဲရန်မသင့်သည့် အလှကုန်ပစ္စည်း ၃ မျိုး ကြေညာ

  သုံးစွဲရန်မသင့်တဲ့ အလှကုန်ပစ္စည်း ၃ မျိုးကို ကျန်းမာရေးနဲ့ အားကစားဝန်ကြီးဌာနက ဒီနေ့ ကြေညာပါတယ်။ MEIYONG Seaweed Super Whitening Extra Whitening & Face Lift၊ O-White Extra Set Cream Special Formula၊ Dr.YANHEE Skin Care Set စတဲ့ အလှကုန် ပစ္စည်း ၃ မျိုးကို သုံးစွဲဖို့ မသင့်ကြောင်းကြေညာခဲ့တာပါ။ အခု ထုတ်ပြန်တဲ့ အလှကုန် ၃ မျိုးဟာ အစားအသောက်နှင့် ဆေးဝါးကွပ်ကဲရေးဦးစီး ဌာနမှာ မှတ်ပုံတင်ထားတာ မရှိတဲ့အပြင် ကျန်းမာရေးအတွက် ဘေးအန္တရာယ်ဖြစ်စေတဲ့ တားမြစ်ပစ္စည်းတွေ ပါဝင်တဲ့အတွက် သုံးစွဲဖို့ မသင့်ကြောင့် သတိပေးထားပါတယ်။ အဆိပ်သင့်ဓာတုပစ္စည်းတွေဟာ အရေးပြားယားယံ ရောင်ရမ်းတာ၊ အဖြူအနီကွက်တွေ ထွက်ပေါ်တာ၊ အရေးပြားမှတဆင့် ခန္ဓာကိုယ်တွင်းသို့ စုပ်ယူပြီး ထုံကျဉ်တာ၊ ကြွက်သား တခုခါတာ၊ ပင်ပန်းနွမ်းနယ်တာ၊ ခေါင်းကိုက်တာနဲ့ စိတ်ကျရောဂါတွေအပြင် ရေရှည်သုံးစွဲပါက ကျောက်ကပ်ပျက်စီးတာနဲ့ တခြားရောဂါတွေပါ ဖြစ်ပေါ်နိုင်တယ်လို့ ထုတ်ပြန်ထားပါတယ်။ ဆေးဝါးကွပ်ကဲရေးဌာနမှာ မှတ်ပုံမတင်ထားဘဲ သုံးစွဲရန်မသင့်ကြောင်း ကြေညာထားတဲ့ အလှကုန်ပစ္စည်းတွေ တင်သွင်းဖြန့်ဖြူးရောင်းချခြင်း လုံးဝမပြုလုပ်ဖို့နဲ့ လိုက်နာခြင်းမရှိပါက ပြည်သူ့ကျန်းမာရေးဆိုင်ရာ ဥပဒေပုဒ်မ ၃၊ အပိုဒ် (၃) (ဃ) အရ အရေးယူသွားမယ်လို့ ဆိုပါတယ်။
3 years Ago

September 7, 2017

သုံးစွဲရန်မသင့်သည့် အလှကုန်ပစ္စည်း ၄ မျိုး FDA ကြေညာ

  သုံးစွဲဖို့ မသင့်တဲ့ အလှကုန်ပစ္စည်း ၄ မျိုးရဲ့ အမည်စာရင်းကို  အစားအသောက်နှင့် ဆေးဝါးကွပ်ကဲရေးဦးစီးဌာန (FDA) က ဒီကနေ့ ကြေညာပါတယ်။ ပြည်တွင်းမှာ ရောင်းချနေပြီး အစားအသောက်နှင့် ဆေးဝါးကွပ်ကဲရေးဦးစီးဌာန (FDA) မှာ မှတ်ပုံတင်ထားတာ မရှိတဲ့အပြင် ကျန်းမာရေးကိုထိခိုက်စေတဲ့ တားမြစ်ဓာတုပစ္စည်း (မာကျူရီ) ပါဝင်တဲ့အတွက် သုံးစွဲဖို့မသင့်ဘူးလို့ သတိပေးထားပါတယ်။ တရုတ်ဘာသာနဲ့ ဖော်ပြထားတဲ့ သုံးစွဲဖို့ မသင့်တဲ့ အလှကုန်ပစ္စည်း ၄ မျိုးမှာ JIAOBI Whitening Make up Base, JIAOBI Whitening Night Cream, JIAOBI Whitening & Moisturizing 3 in 1 Sample Sack, Jiao Li Speckle-Removing And Nourising Assembly စတဲ့ အမှတ်တံဆိပ် တွေ ဖြစ်ပါတယ်။ အဆိပ်သင့်ဓာတုပစ္စည်း မာကျူရီ(ပြဒါး)ကြောင့် အရေပြားယားယံတာ၊ ရောင်ရမ်းတာ၊ အဖြအနီကွက်တွေ ဖြစ်တာ၊ အရေးပြားကနေတဆင့် ခန္ဓာကိုယ်အတွင်းသို့စုပ်ယူပြီး ထုံကျင်တာ၊ ကြွက်သားတုန်ခါ၊ ပင်ပန်းနွမ်းနယ်တာ၊ ခေါင်းကိုက်တာနဲ့ စိတ်ကျရောတွေအပြင် ရေရှည်သုံးစွဲပါက ကျောက်ကပ်ရောဂါနဲ့ အခြားရောဂါတွေ ဖြစ်ပွားနိုင်တယ်လို့ FDA က ထုတ်ပြန်ပါတယ်။ ဖြန့်ဖြူရောင်းချတဲ့ ကုမ္ပဏီနဲ့ လက်လီလက်ကားဆိုင်တွေကို သက်ဆိုင်ရာအာဏာပိုင်အဖွဲ့အစည်းက ပြည်သူ့ကျန်းမာရေးဆိုင်ရာ ဥပဒေပုဒ်မ ၃၊ အပိုဒ် (၃)(ဃ)အရအရေးယူဆောင်ရွက်မယ်လို့ အသိပေးထားပါတယ်။
4 years Ago
Up