မန္တလေးမြို့မှာ သြဂုတ် ၁၅ ရက်က သံဃာတော်တစ်ပါး အပါအဝင် ကိုဗစ်-၁၉ အတည်ပြုလူနာနဲ့ သံသယလူနာ ၁၅ ဦး သေဆုံးခဲ့တယ်လို့ မြို့ခံပရဟိတအသင်းထံက သိရပါတယ်။

မန္တလေးဆေးရုံကြီးရင်ခွဲရုံမှ ၆ ဦး၊ ခုတင် ၃၀၀ သင်ကြားရေးဆေးရုံမှ ကိုဗစ်လူနာ ၂ ဦး၊ ခုတင် ၅၀၀ အရိုးဆေးရုံမှ ကိုဗစ်လူနာ ၁ ဦး၊ အလုပ်သမားဆေးရုံမှ ကိုဗစ်သံယယလူနာ ၁ ဦး၊ အရပ်ထဲမှာ ကိုဗစ်လူနာ ၁ ဦး နဲ့ သံသယရှိသူ ၄ ဦး သေဆုံးခဲ့ရာ မြို့ခံပရဟိတအဖွဲ့တွေက အေးရိပ်ငြိမ်သုသာန် နှင့် တောင်အင်းမြောက်အင်းသုသာန်သို့ ပို့ဆောင်သင်္ဂြိုဟ်ပေးခဲ့ပါတယ်။ 

ဖော်ပြပါ ကိုဗစ်ကြောင့် သေဆုံးသူ စာရင်းဟာ မန္တလေးမြို့ခံပရဟိတအသင်းတချို့ရဲ့ ကူညီဆောင်ရွက်ပေးခဲ့ အချက်အလက်တွေသာဖြစ်ပါတယ်။

သေဆုံးသူအများစုက အသက်အရွယ်ကြီးသူတွေ ရောဂါအခံရှိသူတွေ ဖြစ်ပြီး ဆေးခန်းမပြသနိုင်တာ၊ ဆေးဝါးအခက်အခဲ၊ အောက်ဆီဂျင်အခက်အခဲတို့ကြောင့် သေဆုံးကြတာပါ။

မန္တလေးမြို့မှာ သြဂုတ် ၁ ရက်မှ ၁၄ ရက်နေ့ထိ ကိုဗစ်လူနာနဲ့ သံသယရှိသူ ၄၀၀ ကျော် သေဆုံးခဲ့တယ်လို့ မြို့ခံပရဟိတအသင်းထံက သိရပါတယ်။

ဇူလိုင်လတစ်လအတွင်း  တစ်ရက်လျှင် ကိုဗစ်လူနာ အယောက်  ၈၀ ကျော် သေဆုံးမှု ရှိခဲ့ပြီး ကိုဗစ်လူနာနဲ့ သံသယရှိသူ ၂၀၀၀ ကျော် သေဆုံးခဲ့ပါတယ်။

မန္တလေးမြို့မှာ ဩဂုတ် ၁၃ ရက်က သံဃာတော် ၁ ပါးအပါအဝင် ကိုဗစ်အတည်ပြုလူနာနဲ့သံသယလူနာ အယောက် ၂၀ သေဆုံးခဲ့တယ်လို့ မြို့ခံပရဟိတအသင်းတွေဆီက သိရပါတယ်။ 

မန္တလေးဆေးရုံကြီးရင်ခွဲရုံက ကိုဗစ်လူနာ ၁၀ ဦး၊ မင်္ဂလာဆေးရုံက ကိုဗစ်လူနာ ၁ ဦး၊ မြို့တော်ဆေးရုံက ကိုဗစ်လူနာ ၁ ဦး၊ ချမ်းမြသာစည်ကိုဗစ်စင်တာက ၁ ဦး၊ အရပ်ထဲက ကိုဗစ်လူနာ ၁ ဦးနဲ့ သံသယလူနာ ၆ ဦး သေဆုံးခဲ့တာဖြစ်ပြီး မြို့ခံပရဟိတအဖွဲ့တွေက အေးရိပ်ငြိမ်သုသာန် နဲ့ တောင်အင်းမြောက်အင်းသုသာန်သို့ ပို့ဆောင်သင်္ဂြိုဟ်ပေးခဲ့ပါတယ်။ 

ဖော်ပြပါ ကိုဗစ်ကြောင့် သေဆုံးသူ စာရင်းဟာ မန္တလေးမြို့ခံ ပရဟိတအသင်းတချို့ရဲ့ ကူညီဆောင်ရွက်ပေးခဲ့ အချက်အလက်တွေသာဖြစ်ပြီး သေဆုံးသူအများစုက အသက်အရွယ်ကြီးသူတွေ ရောဂါအခံရှိသူတွေ ဖြစ်ပါတယ်။ 

မန္တလေးမြို့မှာ ဇူလိုင်လအတွင်း ကိုဗစ်-၁၉ အတည်ပြုလူနာနဲ့ သံသယရှိသူ ၂၀၀၀ ကျော် သေဆုံးခဲ့တယ်လို့ သိရပါတယ်။ 

ဇူလိုင်လက တစ်ရက်ကို ကိုဗစ်လူနာ ၈ဝ ကျော်အထိ သေဆုံးခဲ့ပြီး သြဂုတ်ပထမအပတ်က တရက်ကို ၄၀ လောက်သာ ရှိခဲ့တာကြောင့် သေဆုံးမှု လျော့နည်းလာခဲ့တယ်လို့ မြို့ခံပရဟိတအသင်းဆီက သိရပါတယ်။

Photo - ပရဟိတမင်းခေါင်ရှာဖွေကယ်ဆယ်ရေး၊ ပရဟိတဓာရီလူမှုနာမှုကူညီရေးအသင်း