သံလွင်မြစ်

April 29, 2019

သံလွင်ရေကာတာစီမံကိန်းအားလုံး ပြည်သူကို ပွင့်လင်းမြင်သာချပြရန် တောင်းဆို

သံလွင်မြစ်ပေါ်က ရေကာတာစီမံကိန်းတွေနဲ့ပတ်သက်ပြီး ပွင့်ပွင့်လင်းလင်းချပြဖို့နဲ့ မြစ်တွေအပေါ်မှာ ဆည်ကြီးတွေ တည်ဆောက်တာကို လုံးဝဖျက်သိမ်းဖို့ ကရင်မြစ်ချောင်း စောင့်ကြည့်ရေးအဖွဲ့ (KRW) နဲ့ သံလွင်မြစ်ထိန်းသိမ်းကာကွယ်ရေးအဖွဲ့ (SSN) တို့က ပူးပေါင်းတောင်းဆိုလိုက်ပါတယ်။ သံလွင်ရေကာတာ စီမံကိန်းတွေနဲ့ပတ်သက်ပြီး လတ်လောဖြစ်ပေါ်နေတဲ့ အခြေအနေတွေကို မွန်ပြည်နယ်၊ မော်လမြိုင်မြို့မှာ ဒီကနေ့ သတင်းစာရှင်းလင်းပွဲနဲ့ မှတ်တမ်းဗွီဒီယိုမိတ်ဆက် အစီအစဉ် ပြုလုပ်ပြီး တောင်းဆိုလိုက်တာပါ။ ကရင်မြစ်ချောင်းစောင့်ကြည့်ရေးအဖွဲ့ညှိနှိုင်းရေးမှူး စောသာဘိုးက “တစ်က လက်ရှိ ရှိနေတဲ့ စီမံကိန်းနဲ့ပတ်သက်ပြီး ပွင့်ပွင့်လင်းလင်းချပြဖို့လိုတယ်။ ထိုးထားတဲ့ လက်မှတ်တွေ၊ သဘောထားတွေ အီးအာအေ လုပ်ထားတဲ့ ဟာတွေကို ချပြဖို့ တောင်းဆိုတယ်။ နံပါတ်နှစ်က မြစ်တွေပေါ်မှာ ဆည်ကြီးတွေ ဆောက်တာကို လုံးဝဖျက်သိမ်းဖို့ ကျနော်တို့ တောင်းဆိုတယ်။ ဒီမြစ်တွေကို လွတ်လွတ်လပ်လပ်ပဲ စီးဆင်းဖို့ ကျနော်တို့ ဖြစ်စေချင်တယ်။ တောင်းဆိုတယ်။ ဒီအချိန်မှာ လူအများစုက ဖွံ့ဖြိုးရေးလို့ ပြောတဲ့အခါမှာ နိုင်ငံတကာက ဖွံ့ဖြိုးရေးစံချိန်စံညွှန်း ဆိုတာထက် ကိုယ့်ဒေသနဲ့ ကိုက်ညီတဲ့ ဖွံ့ဖြိုးရေးအခြေခံ၊ လူထုတွေ စိုးရိမ်ပူပန်စရာမရှိတဲ့ ဖွံ့ဖြိုးရေးကို သွားဖို့တွေက ကျနေ်ာတို့ ဒီကနေ့ တောင်းဆိုတယ်” လို့ ပြောပါတယ်။ လက်ရှိအခြေအနေမှာ ရှမ်းပြည်နယ်တောင်ပိုင်း မိုင်းတုံရေကာတာ တည်ဆောက်ဖို့ အကောင်အထည်ဖော် ဆောင်ရွက်နေမှုတွေ၊ တရုတ်ပိုးလမ်းမ စီမံကိန်း လျှပ်စစ်လိုအပ်မှုနဲ့ သံလွင်ရေကာတာ စီမံကိန်းတွေ၊ ရှမ်းပြည်မြောက်ပိုင်း ကွမ်းလုံရေကာတာ တည်ဆောက်ဖို့ စီစဉ်နေမှုတွေကြောင့် သဘာဝပတ်ဝန်းကျင်နဲ့ ဒေသခံတို့ရဲ့ ထိခိုက်နစ်နာရတဲ့ အကြောင်းတွေကို ဒီကနေ့မှာ ချပြ ရှင်းလင်းသွားပါတယ်။ ဒါ့အပြင် ကရင်ပြည်နယ် ဟတ်ကြီးရေကာတာ စီမံကိန်းအနီး လမ်းဖောက်တာကြောင့် ဒေသခံ ကရင်ပြည်သူလူထုတွေရဲ့ စိုးရိမ်ပူပန်မှုနဲ့ ဒေသတွင်း တိုင်းရင်းသားလက်နက်ကိုင် အဖွဲ့စည်းနဲ့ တပ်မတော်တို့ရဲ့ စစ်ရေးအခြေအနေတွေ၊ မြိုင်ကြီးငူ စစ်ဘေးရှောင် ပြည်သူတွေရဲ့ စားဝတ်နေရေး အခက်အခဲ ကြုံတွေ့နေမှု အခြေအနေတွေကို ချပြရှင်းလင်းခဲ့ပါတယ်။ လွတ်လပ်စွာစီးဆင်းနေတဲ့ သံလွင်မြစ်ပေါ်မှာ အကြီးစားရေကာတာ စီမံကိန်း ၅ ခုတည်ဆောက်ဖို့ လုပ်ဆောင်နေတဲ့အပေါ် ဒေသခံလူထုက ကန့်ကွက်နေကြတာပါ။
3 years Ago

September 11, 2018

သံလွင်မြစ်ကူး တာကော်တံတားပေါ်တွင် စုပေါင်းဂိတ်များက ငွေကြေးတောင်းခံနေ

ရှမ်းပြည်နယ်ရှိ တာကော် သံလွင်မြစ်ကူးတံတားပေါ်က ဖြတ်ကူးတဲ့ မော်တော်ယာဉ်တွေကို စုပေါင်းဂိတ်တွေက ငွေကြေးတောင်းခံနေတယ်လို့ မော်တော်ယာဉ်မောင်းတွေဆီက သိရပါတယ်။ စုပေါင်းဂိတ်တွေက ခရီးသည်တင်ကားတွေကိုရော အိမ်စီးကားတွေကိုပါ ငွေကြေး တောင်းခံတာ ဖြစ်တယ်လို့ မော်တော်ယာဉ်မောင်း ကိုစိုင်းလုံက ပြောပါတယ်။ "ခရီးသည်တင်ယာဉ်ဆို တဂိတ်ကို ကျပ် ၅၀၀၀ နဲ့ ဂိတ်ပေါင်း ၈ ဂိတ်လောက်ကို ပေးနေရတာ။ အဓိက ရှမ်း/တောင် လွိုင်လင်အပိုင်နယ်မြေက ဂိတ်တွေကို အများဆုံးပေးရတာ။ အိမ်စီးကား လိုင်စင်မဲ့ဆိုရင် ကျပ် ၁ သိန်းထိ ပေးနေရတယ်။ လိုင်စင်မဲ့စီးတဲ့ လက်နက်ကိုင်နဲ့ ဝန်ထမ်းတွေရဲ့ ကားတွေကိုတော့ ငွေကြေးမတောင်းဘူး" လို့ ပြောပါတယ်။ အကြောင်းအမျိုးမျိုးပြပြီး ငွေကြေးတောင်းခံတာကို မော်တော်ယာဉ်မောင်းတွေအနေနဲ့ ပြဿနာမဖြစ်ချင်လို့ ငွေကြေးပေးပြီး ဖြတ်သန်းနေကြရတယ်လို့ ဆိုပါတယ်။ ရှမ်းပြည်နယ်အစိုးရ စီး/ပွားကူးသန်းဝန်ကြီး ဦးစိုးညွန့်လွင်ကတော့ စုပေါင်းဂိတ်တွေမှာ ငွေကြေးတောင်းခံနေတဲ့ကိစ္စ မသိဘူးလို့ ပြောပါတယ်။ "ဒီကိစ္စတွေကို မသိရှိသေးဘူး။ ဒါနဲ့သက်ဆိုင်တဲ့ ဘဏ္ဍာရေးဝန်ကြီး ဦးစိုင်းစံတစ်လုံကို ဆက်သွယ်ပေးပါ" လို့ ပြန်လည်ဖြေကြားခဲ့ပြီး ဘဏ္ဍာရေးဝန်ကြီးကို ဆက်သွယ်တဲ့ အခါမှာတော့  ဖုန်းပြန်လည်ဖြေကြားခဲ့ခြင်း မရှိပါဘူး။ ခုလို ငွေကြေးတောင်းခံနေတာနဲ့ ပတ်သက်ပြီး တာကော်တံတားပေါ် ဖြတ်သန်းစဉ်မှာ သက်ဆိုင်ရာဌာနတွေကို မေးမြန်းဖို့ ကြိုးစားခဲ့ပေမယ့် ပြန်လည်ဖြေကြားမှု မပြုတဲ့အပြင် လုံခြုံရေးအကြောင်းပြချက်နဲ့ ကင်မရာရိုက်ခွင့်ပါ ပိတ်ပင်ခဲ့ပါတယ်။ ရှမ်း/တောင်၊ လွိုင်လင်ခရိုင်အတွင်းက စုပေါင်းဂိတ်တွေကတော့ ယာဉ်ထိန်း၊ စရဖ၊ အကောက်ခွန်၊ လဝက၊ စစ်တပ်၊ ရဲဂိတ်၊ သစ်တောဂိတ်တွေဖြစ်ပြီး ရှမ်း/ရှေ့ မိုင်းပြင်းမြို့နယ်အတွင်းမှာ စစ်တပ်နဲ့ ရဲတပ်ဖွဲ့ဂိတ်တွေ ရှိပါတယ်။ သံလွင်မြစ်ဖြတ်ကူးတဲ့ တာကော်တံတားဟာ တာချီလိတ်နဲ့ တောင်ကြီးကို ချိတ်ဆက်ထားတဲ့ အမှတ် ၄ အာရှလမ်းမကြီးပေါ်မှာရှိပြီး ရှမ်း/ရှေ့နဲ့ ရှမ်း/တောင် ချိတ်ဆက်ထားတဲ့လမ်း ဖြစ်ပါတယ်။ သတင်း - ကိုဇက်
3 years Ago
More News
Up