စစ်တပ်က အာဏာသိမ်းပြီး ၁၀ ရက်မြောက်နေ့မှာ ပုသိမ်မြို့မှာ တပ်မတော်ထောက်ခံသူ ၁၀၀၀ ကျော်လောက်က လှည့်လည်အင်အားပြခဲ့တဲ့အပေါ် သူတို့ သွားတဲ့ လမ်းတလျှောက်ရှိ ဒေသခံပြည်သူတွေက စစ်အာဏာရှင် အလိုမရှိကြောင်းနဲ့ အာဏာရှင်စနစ်ကျရှုံးပါစေ စတာတွေ ကြွေးကြော်ပြီး သံပုံးတီး တုံ့ပြန်ခဲ့ပါတယ်။

တပ်မတော်ထောက်ခံသူတွေက စစ်အာဏာသိမ်းတာကို ထောက်ခံကြောင်းနဲ့ တရားဥပဒေစိုးမိုးမှုကိုလိုက်နာကြဖို့ ဆိုင်းဘုတ်တွေနဲ့ နိုင်ငံတော်အလံတွေကိုဆောင်ပြီး မြို့ပေါ်လမ်းတွေမှာ အင်အားပြလှည့်လည်ခဲ့တာပါ။

တပ်မတော်ထောက်ခံတဲ့လူတွေလှည့်လည်တာကို ရဲတပ်ဖွဲ့က လာရောက်ညှိနှိုင်းပြီး သွားလို့မရတဲ့ တားမြစ်နေရာကို မသွားဖို့အတွက် မြို့နယ်ရဲတပ်ဖွဲ့မှူးဦးဆောင်တဲ့အဖွဲ့က လာရောက်ညှိနှိုင်းခဲ့ပါတယ်။

ရွှေစည်းခုံဘုရားအနီးရောက်တဲ့အချိန်မှာတော့ တပ်မတော်ထောက်ခံပြီး အင်အား ပြလှည့်လည်တဲ့ လူတွေကို ကားတစ်စီးက လာရောက်ပြီး အအေးကမ်းတာတွေ လက်ပြနှုတ်ဆက်တာတွေ ပြုလုပ်ခဲ့ပါတယ်။

မင်းထက်မုန်း