သံဃာ

August 12, 2021

ဝက်လက်မြို့တွင် သံဃာနှင့်ဘိုးဘွား ၃၀ ကျော် ကိုဗစ်-၁၉ ကူးစက်

စစ်ကိုင်းတိုင်း ဝက်လက်မြို့နယ်မှာ ဩဂုတ် ၁၁ ရက်က ကြို့ပင်ပရိယတ္တိစာသင်တိုက်နဲ့ ကြို့ပင်ဘိုးဘွားရိပ်သာတို့က သံဃာတော်နဲ့ဘိုးဘွား ၃၀ ကျော် ကိုဗစ်ပိုးတွေ့ရှိခဲ့တယ်လို့ သိရပါတယ်။

ကွာရန်တင်း ဝင်ရောက်နေသူတွေနဲ့ ကိုဗစ်-၁၉ သံသယရှိသူတွေ ၄၀ ကျော်ကို စစ်ဆေးခဲ့တာလို့ မြို့နယ်ကိုဗစ်ကော်မတီက ထုတ်ပြန်ပါတယ်။

ကြို့ပင်ပရိယတ္တိစာသင်တိုက်အတွင်းမှာပဲ တဆက်တစပ်တည်းရှိတဲ့ ကြို့ပင်ဘိုးဘွားရိပ်သာက ဘိုးဘွား ၁၆ ဦးနဲ့သံဃာ ၁၅ ပါး ကိုဗစ်-၁၉ ရောဂါပိုးတွေ့ခဲ့တာဖြစ်ပြီး သူတို့အားလုံးကို ဆေးရုံနဲ့ ကုသရေးစင်တာတွေမှာ အထူးကြပ်မတ်ကုသပေးနေတယ်လို့ မြို့နယ်အထွေထွေအုပ်ချုပ်ရေး ဦးစီးဌာနက ဆိုပါတယ်။

ဝက်လက်မြို့နယ်အတွင်းမှာ ဇွန် ၁၁ ရက်ကနေ ဩဂုတ် ၁၁ ရက်အထိ နှစ်လတာကာလအတွင်း ကိုဗစ်-၁၉ ရောဂါပိုးစစ်ဆေးတွေ့ရှိရသူ စုစုပေါင်း  ၅၀၀ ဦး၊ သက်သာပျောက်ကင်းလို့ ဆေးရုံက ဆင်းရသူ   ၃၄၄ ဦးနဲ့ သေဆုံးသူ‌ ၃၇ ဦးရှိတယ်လို့ သိရပါတယ်။

4 months Ago

July 16, 2021

စစ်ကိုင်းမြို့ မြစကြာကျောင်းတိုက်က သံဃာ ၁၉၈ ပါး ကိုဗစ်-၁၉ ရောဂါပိုးကူးစက်ခံရ

စစ်ကိုင်းမြို့ရှိ မြစကြာကျောင်းတိုက်မှာ ဇူလိုင် ၁၅ ရက်က ဖျားနာနေတဲ့ သံဃာတော်တွေကို စစ်ဆေးခဲ့ရာ သံဃာတော် ၁၉၈ ပါးမှာ ကိုဗစ်-၁၉ရောဂါပိုး တွေ့ရှိခဲ့တယ်လို့ သိရပါတယ်။

မြစကြာကျောင်းတိုက်မှာ သံဃာတော် ၄၆၆ ပါး သီတင်းသုံးနေကာ သံဃာတော် ၁၉၈ ပါး ပိုးတွေ့ခဲ့တာဖြစ်ပြီး ကျန်သံဃာတော် ၂၆၈ ပါး ပိုးမတွေ့ဘူးလို့ ကျောင်းတိုက်ရဲ့ လူမှုကွန်ရက် စာမျက်နှာမှာ ဖော်ပြထားပါတယ်။ 

ကိုဗစ်-၁၉ ပိုးတွေ့ သံဃာတော်တွေကို သီးသန့်ခွဲခြားကာ အစားအသောက် ဆေးဝါးတွေနဲ့ လုံလောက်စွာ ပြုစုကုသပေးနေတယ်လို့ ဆိုပါတယ်။

ကိုဗစ်တတိယလှိုင်းကာလ စစ်ကိုင်းမြို့နယ်မှာ ဇွန်လတတိယအပတ်မှ ဇူလိုင် ၁၅ ရက်နေ့ထိ ကိုဗစ်-၁၉ ပိုးတွေ့လူနာ ၇၂၂ဦး၊ သေဆုံးသူ ၁၂ဦးထိ ရှိပါတယ်။ ဇူလိုင် ၁၅ ရက် တစ်ရက်ထဲ ကိုဗစ်-၁၉ ပိုးတွေ့လူနာ ၃၉၀ ဦးရှိပြီး သေဆုံးသူ ၆ ဦးထိ ရှိခဲ့တယ်လို့ မြို့ခံပရဟိတအသင်းဆီက သိရပါတယ်။ 

စစ်ကိုင်းမြို့နယ်ကို Stay at Home နေအိမ်တွင်း နေထိုင်ရေး အစီအစဉ်အဖြစ် ဇူလိုင် ၁၃ ရက်မှာ စစ်ကောင်စီရဲ့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။

4 months Ago
More News
Up