ထိုင်း-မြန်မာနယ်စပ်၊ ကရင်ပြည်နယ်၊ မြဝတီမြို့မှာ ဩဂုတ် ၁၁ ရက် မနက် ၆ နာရီခွဲအချိန် တိုင်းထွာချက်အရ သောင်ရင်းမြစ်ရေဟာ မြို့ရဲ့ စိုးရိမ်ရေမှတ်အထက်ကို တပေခွဲလောက် ကျော်လွန် ရောက်ရှိနေတယ်လို့ မိုးဇလဌာနက ထုတ်ပြန်ထားပါတယ်။

သောင်ရင်းမြစ်ရေဟာ နောက် ၁ ရက်အတွင်း ၂ ပေလောက် ဆက်လက်တက်လာနိုင်ကာ မြဝတီမြို့ရဲ့ စိုးရိမ်ရေမှတ်အထက်မှာ ဆက်ရှိနေနိုင်လို့ မြစ်ကမ်းအနီးနဲ့ မြေနိမ့်ပိုင်းနေထိုင်သူတွေ အထူးသတိပြုနေထိုင်ကြဖို့ အကြံပြုတိုက်တွန်းထားပါတယ်။ 

မြစ်ရေကြီးလာလို့ မြဝတီမြို့ရဲ့ အမှတ် ၁ ရပ်ကွက်နဲ့ အမှတ် ၅ ရပ်ကွက် မြေနိမ့်ပိုင်းနေအိမ်တွေနဲ့ လမ်းတွေ ရေမြုပ်နေကာ  ဒေသခံတွေ သွားလာရေး အခက်တွေ့နေကြပါတယ်။

မြဝတီ တဖက်ကမ်း ထိုင်း-မြန်မာချစ်ကြည်ရေးတံတားအနီး ထိုင်းနိုင်ငံ မဲဆောက်ဘက်ခြမ်းမှာတော့ မြစ်ရေဟာ မြို့ရဲ့  စိုးရိမ်ရေမှတ် မကျော်သေးဘူးလို့ သိရပါတယ်။ 

မြန်မာ-ထိုင်းနယ်စပ် ကရင်ပြည်နယ်၊ မြဝတီမြို့မှာ ခုရက်ပိုင်း မိုးသည်းထန်စွာရွာသွန်းပြီးနောက်  စက်တင်ဘာ ၂၆ ရက်ညကစတင်ပြီး သောင်ရင်းမြစ်ရေကြီးလာတဲ့အတွက်  မြေနိမ့်ပိုင်းမှာ နေထိုင်တဲ့ ဒေသခံတွေ ရေးဘေးဒုက္ခနဲ့ ကြုံတွေ့နေကြရပါတယ်။

မြဝတီမြို့မှာ ရပ်ကွက် ၇ ခုရှိတဲ့အထဲ ရပ်ကွက် ၂ ၊  ရပ်ကွက် ၁ နဲ့ ရပ်ကွက် ၅ တို့မှာ မြေနိမ့်ပိုင်း ဖြစ်တဲ့အတွက် မြစ်ကမ်းစပ်မှာ နေထိုင်သူတွေ ဒီနေ့မနက်က ရေဘေးသင့်ရာကို ရွှေ့ပြောင်း တိမ်းရှောင်ရပါတယ်။ 

ရေဘေးသင့်ပြည်သူတွေကို  မြန်မာနိုင်ငံလူမှုကယ်ဆယ်ရေးအဖွဲ့ချုပ်က လှေနဲ့ နေရာတွေ ရွှေ့ပြောင်းပေးထားပြီး ဘုန်ကြီးကျောင်းတွေမှာ  ယာယီခိုလှုံနေတဲ့ ရေဘေးသင့်သူတွေအတွက်  စေတနာရှင်တွေက လှူဒါန်းကျွေးမွေးနေကြပါတယ်။  

မြဝတီမြို့မှာ ၂၀၂၁ ခုနှစ်အတွင်း   သောင်ရင်းမြစ်ရေကြီးပြီး  မြို့ခံတွေ ရေးဘေးသင့်မှုနဲ့ ကြုံရတာ  နှစ်ကြိမ်ရှိသွားပြီ ဖြစ်ပါတယ်။