သေနတ်ဖြင့် ပစ်ခံရ

November 9, 2021

စဉ့်ကူးမြို့နယ် ကျည်တောက်ပေါက်ကျေးရွာ တာဝန်ခံ သေနတ်ဖြင့် ပစ်ခံရ

မန္တလေးတိုင်း၊ စဉ့်ကူးမြို့နယ်၊ ကျည်တောက်ပေါက်ကျေးရွာက ကျေးရွာတာဝန်ခံ ရာအိမ်မှူး နိုဝင်ဘာလ ၈ ရက် နေ့လယ်ပိုင်းက သေနတ်နဲ့ ပစ်ခံခဲ့ရတယ်လို့ သိရပါတယ်။

အသက် ၅၀ ကျော်အရွယ် ကျည်တောက်ပေါက် ကျေးရွာတာဝန်ခံ ဦးမောင်ငယ်ဟာ ဆိုင်ကယ်နဲ့ ထွက်လာချိန် သေနတ်နဲ့ ပစ်ခတ်ခံရတာလို့ ဒေသခံတွေက ပြောပါတယ်။

“မနေ့က ပစ်ခံရတာ။ သူက စစ်ကောင်စီ သတင်းပေးဆိုပြီး နာမည်ထွက်နေတယ်။ ပစ်ခံရတာ မသေဘူးတဲ့။ မနေ့ကတော့ စစ်ကားတွေ အဲ့ဒီရွာဘက်သွားတာတွေရှိတယ်” လို့ ဒေသခံတစ်ဦးက ပြောပါတယ်။

သေနတ်နဲ့ ပစ်ခံရတာကြောင့် ကျည်တောက်ပေါက် ကျေးရွာတာဝန်ခံ ဦးမောင်ငယ်မှာ စိုးရိမ်ရတဲ့ ဒဏ်ရာရခဲ့ပြီး ကျည်တောက်ပေါက် တိုက်နယ်ဆေးရုံကနေ ပြင်ဦးလွင်စစ်ဆေးရုံကို တင်ပို့ထားရတယ်လို့ သိရပါတယ်။

2 months Ago

October 11, 2021

မလှိုင်မြို့တွင် ရပ်ကျေးအုပ်ချုပ်မှူးတစ်ဦးနှင့် စစ်မှုထမ်းဟောင်းတစ်ဦး သေနတ်ဖြင့် ပစ်ခံရ

မန္တလေးတိုင်း၊ မလှိုင်မြို့မှာ အောက်တိုဘာ ၁၁ ရက်မနက်က မြို့နယ်ထွေအုပ်ရုံးရှေ့မှာ ပန်းအိုင်ကျေးရွာအုပ်စု အုပ်ချုပ်ရေးမှူးနဲ့ စစ်မှုထမ်းဟောင်း တစ်ဦး သေနတ်နဲ့ ပစ်ခတ်ခံခဲ့ရတယ်လို့ ဒေသခံတွေက ပြောပါတယ်။

ဒေသခံတဦးက “သေနတ်သံအချက်တွေ အများကြီး ကြားရတယ်။ ကံဦးရွာမှာ နေတဲ့ ပန်းအိုင်ကျေးရွာအုပ်စု အုပ်ချုပ်ရေးမှူး  ဦးကျော်ငြိမ်းကတော့ နေရာတင် သေဆုံးတယ်။ စစ်မှုထမ်းဟောင်း ဦးကံမြင့်ကတော့ လက်မောင်းထိသွားတယ်” လို့ ပြောပါတယ်။

အမည်မသိလူတစုက သေနတ်နဲ့ ပစ်ခတ်ခဲ့တာဖြစ်ပြီး မိတ္ထီလာခရိုင်ထဲက ၄ မြို့နယ်မှာ ရပ်ကျေးအုပ်ချုပ်ရေးမှူးတစ်ဦး သေနတ်နဲ့ အပစ်ခံရတာ ပထမဆုံးဖြစ်ရပ်တစ်ခု ဖြစ်ပါတယ်။

အခင်းဖြစ်ပြီးတဲ့နောက် စစ်တပ်နဲ့ရဲတွေ ရောက်လာပြီး ပိုက်စိပ်တိုက် စစ်ဆေးရှာဖွေနေတယ်လို့ သိရပါတယ်။

3 months Ago
Up