သေနတ်ပစ်ခံရ

A d v e r t i s e m e n t With Us

November 5, 2020

နမ့်ခမ်းမြို့၌ ကျားဖြူပါတီ မဲဆွယ်စည်းရုံးရေးဝိုင်းရံကူညီပေးနေသူ သေနတ်ပစ်ခံရ  

ရှမ်းပြည်မြောက်ပိုင်း၊ နမ့်ခမ်းမြို့ နောင်စန့်ရပ်မှာနေထိုင်တဲ့ ကျားဖြူပါတီကို မဲဆွယ်စည်းရုံးရေး ဝိုင်းရံကူညီပေးနေသူ  စိုင်းအောင်ဝင်းဟာ  နိုဝင်ဘာ ၄  ညနေ ၆ နာရီလောက်က သေနတ်နဲ့ သုံးချက် ပစ်ခတ်ခံရပြီး နောက်ကျော၊ တင်ပါးဆုံရိုးတို့မှာ ထိခိုက်ဒဏ်ရာရသွားတယ်လို့ ကျားဖြူပါတီတာဝန်ရှိ တစ်ဦးက ပြောပါတယ်။ အိမ်ရှေ့အပြင်ဘက်မှာ လမ်းလျှောက်နေတဲ့ စိုင်းအောင်ဝင်းကို  အင်္ကျီအဖြူဝတ်ထားပြီး ဦးထုပ်ဆောင်းထားတဲ့ အမည်မသိ အမျိုးသားတစ်ဦးက ပြေးဝင်လာပြီး သေနတ်နဲ့ ပစ်ခတ် ထွက်ပြေးသွားတာဖြစ်ပါတယ်။  လက်ရှိ စိုင်းအောင်ဝင်းဟာ နမ့်ခမ်းဆေးရုံမှာ ခွဲစိတ်ကုသမှုခံယူနေပြီး အသက်အန္တရာယ်တော့ စိုးရိမ်ဖွယ် မရှိကြောင်း သိရပါတယ်။ စိုင်းအောင်ဝင်းဟာ လက်ရှိမှာ ရှမ်းသွေးစည်းညီညွတ်ရေးနဲ့ လူမှုရေးအဖွဲ့ (UP)ကို ဦးဆောင်သူတဦးဖြစ်ပြီး ၂၀၁၅ ခုနှစ်က ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ကနေ နုတ်ထွက်ထားသူဖြစ်ပါတယ်။ သူဟာ တရုတ်နိုင်ငံရဲ့ စီးပွားရေးရင်းနှီးမြှုပ်နှံမှု စီမံကိန်းတချို့ကို ရှမ်းတိုင်းရင်းသားများ ဒီမိုကရက်တစ်ပါတီကျားဖြူပါတီနဲ့ လက်တွဲပြီး ကန့်ကွက်စာထုတ်ပြန်ကာ လှုပ်ရှားခဲ့သူ ဖြစ်ပါတယ်။  ၂၀၁၅ ခုနှစ်တုန်းကလည်း စိုင်းအောင်ဝင်းရဲ့ နေအိမ်ကို အမည်မသိလူတဦးက လက်ပစ်ဗုံးနဲ့ ပစ်ခတ်ခံခဲ့ရဖူးပြီး ဗုံးစ အနည်းငယ်ထိခိုက်ကာ ဒဏ်ရာရရှိခဲ့ပါသေးတယ်။ သတင်း - နန်းစပယ်
3 months Ago

October 8, 2020

သေနတ်ပစ်ခံရသူ ဟောင်ကောင်ဆန္ဒပြသမား စွဲချက်ရင်ဆိုင်ရန် တရားရုံးသို့လာရောက်

မနှစ်က ဆန္ဒပြပွဲအတွင်း ရဲက ရင်ဘတ်ကို သေနတ်နဲ့ပစ်တာခံရတဲ့ အသက် ၁၉ နှစ်အရွယ် ဟောင်ကောင် ဆန္ဒပြသူဟာ အဓိကရုဏ်းဖြစ်အောင်ပြုမှု စွဲချက်တွေနဲ့ အောက်တိုဘာ ၈ ရက်မှာ တရားရုံးဆီ ရောက်လာပါတယ်။  တိုနီဆန်လို့ သိကြတဲ့ ဆန်ချိကင်ဟာ ထောင်ဒဏ် ၁၀ နှစ်ပြစ်ဒဏ်ကို ကျခံရနိုင်တဲ့ အဓိကရုဏ်းပြုမှုနဲ့ရော ရဲအရာရှိ တယောက်ကို တိုက်ခိုက်မှုနဲ့ပါ စွဲချက်တင် ခံထားရပါတယ်။ သူနဲ့အမှုတွဲ ယောင်ဝမ့်တာဟာလည်း အဓိကရုဏ်းမှုနဲ့စွဲချက်တင်ခံထားရပြီး သူတို့ ၂ ယောက်စလုံး မနှစ်က အောက်တိုဘာ ၁ ရက်မှာ အဖမ်းခံရတာပါ။ ကြားနာပွဲကို လာရောက်ပြီး သူတို့ကို ဝန်းရံထောက်ခံသူတွေထဲမှာ ထင်ရှားတဲ့ နိုင်ငံရေး တက်ကြွလှုပ်ရှားသူ ဂျိုရွှာဝေါင်လည်း ပါပါတယ်။ တရားစီရင်မှုနဲ့ ပတ်သက်ပြီး တရားရေးလုပ်ငန်းစဉ်တွေကို ဆွေးနွေးဖို့ လိုတယ်လို့ ယောင်ရဲ့ ရှေ့နေက ပြောပါတယ်။  အမှုကိုတော့ ဒီဇင်ဘာ ၂၂ ရက်မှာ ဆက်စစ်ဆေးဖို့ ရွှေ့ဆိုင်းထားပါတယ်။ 
4 months Ago
More News
Up