သေနတ်

October 15, 2021

ဖမ်းမိသည့်သေနတ်များဖြင့် ဆောက်လုပ်သည့် ကလေးကစားကွင်း ပီရူးနိုင်ငံတွင် ဖွင့်လှစ်

ပီရူးနိုင်ငံ လီမာမြို့မှာ ဖမ်းဆီးရရှိထားတဲ့ သေနတ်တွေနဲ့ ထူးထူးခြားခြားဆောက်လုပ်ထားတဲ့ ကလေးကစားကွင်း ဖွင့်ပွဲအခမ်းအနားကို အောက်တိုဘာ ၁၄ ရက်က ကျင်းပခဲ့ပြီး ပီရူး ကလေးငယ်တွေနဲ့ သူတို့ရဲ့မိသားစုတွေ တက်ရောက်ခဲ့ကြပါတယ်။ 

ဒေသခံအရာရှိတွေ ပြောကြားချက်အရ သေနတ်ပေါင်းစုံ အလက် ၅၀၀၀ ကျော်ကို အရည်ကျို လိုက်ပြီး ကလေးတွေ ဆော့ကစားတဲ့ စီးဆောတွေ၊ ဘားတန်းတွေ၊ ဒန်းတွေနဲ့ တခြား ကိုယ်လက်လှုပ်ရှား လေ့ကျင့်ရေးစက်တွေအဖြစ် ပုံပြောင်းလိုက်တာလို့ ဆိုပါတယ်။ 

ဒီလို ကနဦး လုပ်ဆောင်ချက်ကို ဒေသခံတွေနဲ့ လက်နက်ထိန်းချုပ်မှု ကြီးကြပ်ရေးအဖွဲ့ (SUCAMEC) က ဦးဆောင်လုပ်ကိုင်တာပါ။ 

လက်နက်ထိန်းချုပ်မှု ကြီးကြပ်ရေးအဖွဲ့ (SUCAMEC) ဟာ အမျိုးသားရဲတပ်ဖွဲ့နဲ့အတူ ဖမ်းဆီးရမိတဲ့ သေနတ်တွေ၊ တရားမဝင်မှောင်ခိုဈေးကွက်မှ သိမ်းဆည်းရရှိတဲ့ သေနတ်တွေကို Siderperu သံမဏိကုမ္ပဏီဆီ လွှဲပြောင်း အရည်ကျိုပုံဖျက်ပြီး ရာဇဝတ်မှုတွေကို တားဆီးတဲ့ပစ္စည်းတွေ၊ မီနီဂျင်မ် အားကစားသုံး၊  ကစားကွင်းသုံးပစ္စည်းတွေအဖြစ် ပြန်ပုံသွင်း ဖန်တီးလိုက်တာလို့  SUCAMEC အဖွဲ့ခေါင်းဆောင် ဟွမ်န် အလ်ဗာရဇ်က ပြောပါတယ်။

 အကြမ်းဖက်မှုကို ငြိမ်းချမ်းမှုအဖြစ် ပြောင်းနေတာလို့လည်း ဆိုပါတယ်။ 

3 days Ago

October 2, 2021

မြန်အောင်မြို့နယ်က အမျိုးသား ၁ ဦး သေနတ်ဖြင့် ပစ်သတ်ခံရ

ဧရာဝတီတိုင်း၊ မြန်အောင်မြို့နယ်မှာ အောက်တိုဘာ ၁ ရက်နေ့ ညနေပိုင်းက အကြမ်းဖက်စစ်အုပ်စုရဲ အမာခံသတင်းပေးဆိုပြီး နာမည်ထွက်နေသူ ၁ ဦး သေနတ်နဲ့ ပစ်သတ်ခံခဲ့ရတယ်လို့ သိရပါတယ်။

သပြေကုန်တိုက်နယ်စျေးအနားမှာ စစ်တပ်သတင်းပေး ဂျပ်ကြီး (ခ) ဝင်းမြင့်အောင်ဆိုသူကို အမည်မသိသေနတ်သမားက အနီးကပ်ပစ်သတ်သွားတာလို့ ဒေသခံတွေက ပြောပါတယ်။

“သပြေကုန်းစျေးရဲ့တောင်ဘက်မှာ ဆိုင်ကယ်ပေါ်မှာ အပစ်ခံရတာ။ ပွဲချင်းပြီးသေတယ်လို့ သိရတယ်။ ဖြစ်တဲ့နေရာက ဟိုတလောလေးကမှ မီးပုလင်းနဲ့ အပစ်ခံရတဲ့ ရဲစခန်းနားမှာဖြစ်သွားတာ” လို့ ပြောပါတယ်။

စစ်တပ်သတင်းပေး အမျိုးသား သေနတ်နဲ့ပစ်သတ်ခဲ့ရတဲ့ နေရာဟာ စက်တင်ဘာလ တတိယပတ်လောက်က ရဲစခန်းကိုမီးပုလင်းပစ်ဖို့ ဒေသခံတော်လှန်ရေးလူငယ်တွေ စီစဥ်ခဲ့တဲ့ နေရာလည်း ဖြစ်တယ်လို့ ဆိုပါတယ်။

အဆိုပါအမျိုးသား ပစ်သတ်ခံရပြီးနောက်ပိုင်းမှာ အကြမ်းဖက်စစ်အုပ်စုလက်နက်ကိုင်တွေက ပတ်ဝန်းကျင်ကို ဆဲဆိုခြိမ်းခြောက်တာတွေပြုလုပ်ခဲ့ပြီး ညပိုင်းမှာ ဧည့်စာရင်းစစ်တာတွေ ပြုလုပ်ခဲ့တယ်လို့ သိရပါတယ်။

2 weeks Ago
More News
Up