သေဆုံး၄၈

October 11, 2020

ကိုဗစ်-၁၉ လူနာ ၄၈ ဦး ထပ်မံသေဆုံး၊ လူနာသစ် ၁၉၁၀ ဦး တွေ့ရှိ

ကိုဗစ်-၁၉ ရောဂါကူးစက်ခံရတဲ့ အတည်ပြုလူနာသစ် ၁၉၁၀ ယောက် တွေ့ရှိခဲ့ပြီး လူနာ ၄၈ ယောက် ထပ်မံသေဆုံးခဲ့တယ်လို့ ကျန်းမာရေးနဲ့ အားကစားဝန်ကြီးဌာနရဲ့  ဒီနေ့ည ၈ နာရီ ထုတ်ပြန်ချက်အရ သိရပါတယ်။ အောက်တိုဘာ ၁၀ ရက် ည ၈ နာရီကနေ ၁၁ ရက် ည ၈ နာရီအထိ ဓာတ်ခွဲနမူနာ စုစုပေါင်း ၁၄၈၀၉ ခုအား စစ်ဆေးပြီးစီးခဲ့ရာ ကိုဗစ်-၁၉ လူနာသစ်  ၁၉၁၀ ယောက်  တွေ့ရှိခဲ့တာပါ။ ကိုဗစ်-၁၉ ကုသရေးဌာနတွေ၊ ဝေဘာဂီအထူးကုဆေးရုံကြီးနဲ့ တောင်ဥက္ကလာပ ဆေးရုံကြီးတို့ရှိ စုစုပေါင်း ကုတင် ၁၀၀၂၉ ခုမှာ လူနာ ၇၅၈၉ ယောက် ကုသမှုခံယူနေတယ်လို့ ဆိုပါတယ်။ ဒါ့အပြင် ရန်ကုန်တိုင်းအတွင်း အသွားအလားကန့်သတ်ထားရှိရာနေရာတွေက အတည်ပြုလူနာတွေနဲ့ ထိတွေ့ခဲ့သူတွေအနက် ရောဂါပိုးမတွေ့သူ ၆၅၇ ယောက်အား နေအိမ်တွေမှာ အသွားအလာကန့်သတ် စောင့်ကြည့်ထားတယ်လို့ ထုတ်ပြန်ချက်မှာ ဖော်ပြထားပါတယ်။ မြန်မာနိုင်ငံမှာ ဒီနေ့ည ၈ နာရီအထိ ကိုဗစ်-၁၉ အတည်ပြုလူနာ ၂၇၉၇၄ ယောက်၊ သေဆုံးသူ ၆၄၆ ယောက်နဲ့ ဆေးရုံဆင်းခွင့်ရသူ ၉၇၄၂ ယောက်ရှိပြီလို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့ညအထိ ကိုဗစ်-၁၉ အတည်ပြုလူနာ ၃၇ ဒသမ ၅ သန်းကျော်၊ သေဆုံးသူ ၁ သန်း ၇ သောင်းကျော်နဲ့ ရောဂါသက်သာပျောက်ကင်းသူ ၂၈ ဒသမ ၁ သန်းကျော်ရှိပြီလို့ သိရပါတယ်။
7 months Ago
Up