ပီရူးနိုင်ငံရဲ့လူဦးရေတစ်သိန်းမှာ ကိုရိုနာဗိုင်းရပ်စ်နဲ့ ဆက်နွှယ်တဲ့ သေဆုံးသူက ၇၈ ဒသမ ၆ ရာခိုင်နှုန်းရှိပြီး ဒေသတွင်း အိမ်နီးချင်း ချီလီနဲ့ ဘရာဇီးနိုင်ငံတွေကို ကျော်တက်သွားပြီလို့ ရိုက်တာ ရဲ့ ကိန်းဂဏန်းတွေက ဖော်ပြပါတယ်။
ပီရူးနိုင်ငံမှာ ကိုရိုနာဗိုင်းရပ်စ်ကြောင့် သေဆုံးသူ ၂၅၀၀၀ ကျော်ရှိပြီး ကူးစက်ခံရသူ ၅၀၀,၀၀၀ ကျော်သွားပါပြီ။
သြဂုတ် ၁၃ ရက်မှာ လော့ဒေါင်းအစီအမံတွေကို ပြန်ချမှတ်ခဲ့ပြီး သမ္မတ မာတင်ဗစ်ကာရာကလည်း မိသားစုတွေ့ဆုံပွဲတွေ တားမြစ်တာနဲ့ နိုင်ငံရဲ့ နောက်ထပ် ဒေသ ၅ ခုမှာ လော့ဒေါင်းချတာတွေ ထပ်လုပ်ခဲ့ပါတယ်။
နိုင်ငံရဲ့ဒေသ ၂၅ ခုထဲက ၁၅ ခုကို လော့ဒေါင်း ချထားပြီး ကလေးငယ်တွေနဲ့ အရွယ်ရောက်သူတွေအကြား ကူးစက်နှုန်း ၇၅ ရာခိုင်နှုန်း ရှိလာတာမို့ ညမထွက်ရ အမိန့်ပြန် ထုတ်မယ်လို့ သမ္မတ ဗစ်ဇ်ကာရာက ကြေညာခဲ့ပါတယ်။
3 years Ago
