သေဆုံးသူ

January 20, 2021

မိုးညိုမြို့နယ်၌ သေဆုံးသူ ၁ ဦးအပါအဝင် ကိုဗစ်-၁၉ ကူးစက်ခံရသူ ၃ ဦးထပ်တွေ့ 

ပဲခူးတိုင်း၊ သာယာဝတီခရိုင်၊ မိုးညိုမြို့နယ်မှာ ကိုဗစ်-၁၉ ရောဂါ ကူးစက်ခံရသူ  ၃ ဦး ထပ်မံတွေ့ရှိတယ်လို့ မိုးညိုကျန်းမာရေးဦးစီးဌာနရဲ့ ဇန်နဝါရီ ၁၉ ရက်နေ့ည ထုတ်ပြန်ချက်အရ သိရပါတယ်။ ကွာရန်တင်းဝင်နေသူတွေအထဲက  RDT Test Kit  နဲ့ စစ်ဆေးသူ ၁၁၈ ယောက် ၊ ဓာတ်ခွဲ နမူနာယူ ပေးပို့စစ်ဆေးသူ ၁၃၉ ယောက် စုစုပေါင်း ၂၅၇ ယောက်ကို  စစ်ဆေးရာမှာ သေဆုံးသွားသူတဲ့  လူနာ ၁ ယောက်အပါအဝင် ကိုဗစ်-၁၉ အတည်ပြုလူနာသစ် ၃ ယောက် တွေ့ရှိတာ ဖြစ်ပါတယ်။ သေဆုံးသွားတဲ့ ကိုဗစ်-၁၉ အတည်ပြုလူနာဟာ  အသက် ၈၆ နှစ်အရွယ်ရှိပြီ ဖြစ်ပါတယ်။ သူဟာ ရန်ကုန်တိုင်းက ပြန်လည်ရောက်ရှိလာသောကြောင့်  အသွားလာကန့်သတ်ထားရှိကာ ပထမအကြိမ် ဓာတ်ခွဲနမူနာယူ စစ်ဆေးရာမှာ ကိုဗစ်ရောဂါပိုးမတွေ့ရှိပဲ ဒီဇင်ဘာ ၁၇ ရက် ည ၁၀ နာရီခွဲလောက်မှာ သေဆုံး သွားခဲ့တာပါ။ သေဆုံးသွားသူရဲ့ ရုပ်အလောင်းကို ထပ်မံ ဓာတ်ခွဲနမူနာယူ စစ်ဆေးရာမှာ ကိုဗစ်-၁၉ ရောဂါပိုးတွေ့ရှိခဲ့တာလို့  မိုးညိုမြို့နယ် ဆေးရုံအုပ်ကြီး  ဒေါက်တာကျော်မိုးက ပြောပါတယ်။ မိုးညိုမြို့နယ်မှာ ဇန်နဝါရီ ၂၀ ရက်အထိ ဓာတ်ခွဲနမူနာပေါင်း  ၄၃၀၄ ခု စစ်ဆေးခဲ့ပြီး အတည်ပြုလူနာ  ၁၁၈ ယောက်၊ ဆေးရုံဆင်းခွင့်ရရှိသူ  ၁၁၄ ယောက်နဲ့  သေဆုံးသူ ၁ ယောက် ရှိလာပြီလို့သိရပါတယ်။ သတင်း- သက်နိုင်ဝင်း ဓာတ်ပုံ-  မိုးညိုကျန်းမာရေးဦးစီးဌာန
3 months Ago

January 18, 2021

ကမ္ဘာတဝန်း ကိုဗစ်-၁၉ ကူးစက်ခံရသူ ၉၅ သန်းကျော်၊ သေဆုံးသူ ၂ သန်းကျော်ရှိလာ

ကမ္ဘာတဝန်းမှာ ကိုဗစ်-၁၉ ရောဂါ ကူးစက်ခံရသူ စုစုပေါင်း ၉၅ သန်းကျော်လာခဲ့ပြီဖြစ်ကာ သန်းနဲ့ချီကူးစက်ခံရတဲ့ နိုင်ငံပေါင်း  ၁၈ နိုင်ငံထိ ရှိလာခဲ့ပြီ ဖြစ်ပါတယ်။ တကမ္ဘာလုံးအတိုင်းအတာနဲ့ ရောဂါကူးစက်ခံရပြီး သေဆုံးသူအရေအတွက်ကတော့ ၂ သန်းကျော်နဲ့ ရောဂါပြန်လည်ပျောက်ကင်းလာသူအရေအတွက် ၆၇ ဒသမ ၉ သန်းကျော် ရှိနေတာပါ။ ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ ၂၄ ဒသမ ၃၄ သန်းကျော်၊ သေဆုံးသူ ၄၀၅,၉၂၆ ယောက်၊ အိန္ဒိယနိုင်ငံက ကူးစက်ခံရသူ ၁၀ ဒသမ ၅၇ သန်းကျော်၊ သေဆုံးသူ ၁၅၂,၄၄၇ ယောက်၊ ဘရာဇီးနိုင်ငံက ကူးစက်ခံရသူ ၈ ဒသမ ၄၆ သန်းကျော်၊ သေဆုံးသူ ၂၀၉,၅၀၉ ယောက်စီနဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါတယ်။ အဲဒီ ၃ နိုင်ငံနောက်မှာတော့ ရုရှားနဲ့ ယူကေနိုင်ငံတွေက ကူးစက်ခံရသူ ၃ သန်း ကျော်၊ ပြင်သစ်၊ တူရကီ၊ အီတလီ၊ စပိန်နဲ့ ဂျာမနီနိုင်ငံတွေက ကူးစက်ခံရသူ ၂ သန်း ကျော်စီနဲ့ အသီးသီး ကူးစက်ခံထားရပါတယ်။ အဲဒီနောက်မှာတော့ ကိုလံဘီယာ၊ အာဂျင်တီးနား၊ မက္ကဆီကို၊ ပိုလန်၊ အီရန်၊ တောင်အာဖရိက၊ ယူကရိန်းနဲ့ ပီရူးနိုင်ငံတွေ ကိုဗစ်-၁၉ ရောဂါကူးစက်ခံရသူ အရေအ တွက် ၁ သန်းကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါ ကူးစက်ခံရသူဦးရေ ၁ သန်းကျော်လာခဲ့တဲ့ နိုင်ငံပေါင်း ၁၈ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော်ပြထားပါတယ်။ ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အ ရေအတွက် ၈၈,၂၂၇ ယောက်၊ စုစုပေါင်း သေဆုံးသူ ၄,၆၃၅ ယောက်နဲ့ ခုရက်ပိုင်း အတွင်း သေဆုံးသူထပ်တိုးမလာဘဲ နိုင်ငံအလိုက် အမှတ်စဉ် ၈၃ နေရာထိ ကျဆင်းသွားခဲ့ပါ တယ်။ အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အမြင့် ဆုံး အိန္ဒိယ၊ တူရကီနဲ့ အီရန်နိုင်ငံပြီးရင် အင်ဒိုနီးရှားနိုင်ငံက ရောဂါကူးစက်ခံရသူဦးရေ ၉ သိန်းကျော်၊ အီရတ်နိုင်ငံက ရောဂါကူးစက်ခံရသူဦးရေ ၆ သိန်းကျော်စီနဲ့ အသီးသီးရပ်တည်နေပါတယ်။ အဲဒီနောက်မှာတော့ အစ္စရေး၊ ဘင်္ဂလားဒေ့ရှ်၊ ပါကစ္စတန်နဲ့ ဖိလစ်ပိုင်နိုင်ငံတွေက ကူးစက်ခံရသူဦးရေ  ၅ သိန်းကျော်စီနဲ့ အသီးသီးရှိနေပါတယ်။        မြန်မာနိုင်ငံမှာတော့ ဇန်နဝါရီ ၁၇ ရက် ည ၈ နာရီအထိ ကိုဗစ်-၁၉ အတည်ပြု လူ နာစုစုပေါင်း ၁၃၄,၃၁၈ ယောက်၊ သေဆုံးသူ ၂,၉၅၅ ယောက်နဲ့ ဆေးရုံက ဆင်းခွင့်ရသူ ပေါင်း ၁၁၇,၆၆၃ ယောက်ရှိပြီလို့ ကျန်းမာရေးနဲ့ အားကစားဝန်ကြီးဌာနက ထုတ်ပြန် ထားပြီး အာဆီယံနိုင်ငံတွေထဲမှာ ကိုဗစ်-၁၉ ကူးစက်မှုနဲ့ သေဆုံးမှု အများဆုံး ၃ နိုင်ငံထဲမှာ ပါဝင်နေပါတယ်။ မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၅၈,၄၃၄ ယောက်နဲ့ သေဆုံးသူ ၆၀၁ ယောက် ရှိပါတယ်။ စင်ကာပူနိုင်ငံကတော့ ရောဂါကူးစက်ခံရသူအရေအတွက် ၅၉,၁၁၃ ယောက်နဲ့ ခု ရက်ပိုင်း သေဆုံးသူအရေအတွက် ထပ်တိုးမလာဘဲ ၂၉ ယောက် ရှိနေတာ ဖြစ်ပါတယ်။ မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၁၂,၀၅၄ ယောက်နဲ့ သေဆုံးသူအရေအတွက်  အယောက် ၇၀ ရှိ နေပါတယ်။ ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁,၅၃၇ ယောက်နဲ့ သေဆုံးသူအရေအတွက် ခုရက်ပိုင်းမှာ တိုးမလာဘဲ ၃၅ ယောက် ရှိနေပြီး ဘရူနိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၇၄ ယောက်နဲ့ သေ ဆုံးသူ ၃ ယောက် ရှိနေတာပါ။ ကမ္ဘောဒီးယားနဲ့ လာအိုနိုင်ငံတွေမှာတော့ ကိုဗစ်-၁၉ ရောဂါကူးစက်ခံရသူ အရေ အတွက် ၄၃၉ ယောက်နဲ့  ၄၁ ယောက်စီ အသီးသီးရှိနေပေမယ့် သေဆုံးလူနာ ခုချိန်ထိ မရှိသေးပါဘူး။  
3 months Ago
More News
Up