သေဆုံးမှု

August 7, 2021

ကမ္ဘာလှည့်ခရီးသွား ဆွစ်ဇလန်နိုင်ငံသူ သေဆုံးမှု ထိုင်းစုံစမ်းစစ်ဆေး

ထိုင်းအစိုးရဟာ အသက် ၅၇ နှစ်အရွယ် ဆွစ်ဇာလန်နိုင်ငံသူ ကမ္ဘာလှည့်ခရီးသည် တစ်ယောက်ရဲ့ သေဆုံးမှုကို စုံစမ်းစစ်ဆေးနေတယ်လို့ အရာရှိတွေက သြဂုတ် ၆ ရက်မှာ ပြောပါတယ်။

သူ့အလောင်းကို သဘာဝမကျတဲ့ အကြောင်းရင်းတွေနဲ့ သေဆုံးနေပုံရတဲ့ လက္ခဏာတွေနဲ့အတူ သူနေထိုင်ရာ ထိုင်းနိုင်ငံ တောင်ပိုင်း ဖူးခက်အပန်းဖြေ စခန်းသာကျွန်းပေါ်က အပန်းဖြေစခန်းအနီး ရေတံခွန်နားမှာ တွေ့ခဲ့တာလို့ ဆိုပါတယ်။

အမှုက စုံစမ်းစစ်ဆေးနေဆဲမို့ သေဆုံးရတဲ့ အကြောင်းရင်းကို အတည်မပြုနိုင်သေးဘူးလို့ ရဲတပ်ဖွဲ့ ဒုပြောခွင့်ရ ကစ်စာနာ ဖတ်ထနာ ချာရီယွန်က သတင်းစာ ရှင်းလင်းပွဲမှာ ပြောပါတယ်။

ကိုဗစ်-၁၉ ကူးစက်ကပ်ဘေးကြောင့် ကျဆင်းခဲ့ရတဲ့ ခရီးသွားလုပ်ငန်း ပြန်နာလန်ထူစေရေး အထောက်အပံ့ပေးဖို့ ကာကွယ်ဆေး ထိုးပြီးသား နိုင်ငံခြားသား ကမ္ဘာလှည့် ခရီးသည်တွေကို ခွင့်ပြုပေးနေတဲ့ စမ်းသပ် စီမံကိန်း "Phuket Sandbox" အစီအစဉ်နဲ့ ဆွစ်ဇာလန်နိုင်ငံသူက ဖူးခက်ကို လာရောက်လည်ပတ်ခဲ့တာပါ။

အဝတ်အစား တစိတ်တပိုင်းမပါတဲ့ သူ့အလောင်းကို မတွေ့ခင် လွန်ခဲ့တဲ့ ၃ ရက်လောက်တည်းက ဆွစ်ဇာလန်သူဟာ သေဆုံးနေခဲ့ ပြီးပုံရတယ်လို့ ဖူးခက်ရဲဌာန စခန်းမှူးက MCOT ရုပ်သံနဲ့ လူတွေ့ မေးမြန်းခန်းမှာ ပြောပါတယ်။

4 months Ago

July 21, 2021

အာဆီယံတွင် မြန်မာက ကိုဗစ်-၁၉ ကြောင့် သေဆုံးမှု အမြင့်ဆုံးအဆင့် ၄ ဖြစ်လာ

အာဆီယံဒေသတွင်း နိုင်ငံတွေထဲ တရက်အတွင်း ကိုဗစ်-၁၉ ရောဂါကူးစက်ခံရသူ အရေအတွက် ၇၈,၀၀၀ ကျော် ရှိနေပြီး စုစုပေါင်း ကူးစက်ခံရသူ ၆ ဒသမ ၂၇ သန်းကျော် ရှိလာနေပြီ ဖြစ်ပါတယ်။

ပြီးခဲ့တဲ့ ၂၄ နာရီအတွင်း ရောဂါကူးစက်ခံရပြီး သေဆုံးသူအရေအတွက်ကတော့ ၁,၈၀၀ ကျော်ရှိနေပြီး စုစုပေါင်း သေဆုံးသူ ၁၂၀,၀၀၀ ကျော်လာခဲ့ပြီ ဖြစ်ပါတယ်။

လတ်တလော ကိုဗစ်-၁၉ ရောဂါကူးစက်မှုနဲ့ သေဆုံးမှုတွေ မြင့်တက်နေတဲ့ မြန်မာ နိုင်ငံကတော့ သေဆုံးသူ ၅,၀၀၀ ကျော်၊ ကူးစက်ခံရသူ ၂၄၀,၀၀၀ ကျော်နဲ့ အာဆီယံဒေသတွင်း ကိုဗစ်-၁၉ ကြောင့် သေဆုံးမှု အမြင့်ဆုံးအဆင့် ၄ နေရာကို ရောက်ရှိနေခဲ့ တာပါ။

အာဆီယံနိုင်ငံတွေထဲမှာတော့ အင်ဒိုနီးရှားနိုင်ငံက ကိုဗစ်-၁၉ ရောဂါကူးစက်ခံရသူ ၂ ဒသမ ၉ သန်းကျော်၊ သေဆုံးသူ ၇၆,၀၀၀ ကျော်၊ ဖိလစ်ပိုင်နိုင်ငံက ကူးစက်ခံရသူ ၁ သန်းခွဲကျော်၊ သေဆုံးသူ ၂၆,၀၀၀ ကျော်နဲ့  ထိပ်ဆုံးမှာ ရှိနေတာပါ။ အဲဒီနောက်မှာတော့  မလေးရှားနိုင်ငံက ရောဂါကူးစက်ခံရသူပေါင်း ၉ သိန်းကျော်၊ သေဆုံးသူ ပေါင်း ၇,၀၀၀ ကျော်နဲ့ ရှိနေတာ ဖြစ်ပါတယ်။

မြန်မာ့အိမ်နီးချင်း ထိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ ၄ သိန်း ကျော်၊ သေဆုံးသူ ၃,၅၀၀ ကျော် ရှိနေပါတယ်။

ကမ္ဘာတဝန်းလုံးမှာတော့ ကိုဗစ်-၁၉ ရောဂါကူးစက်ခံရသူ စုစုပေါင်း ၁၉၂ သန်း ကျော်၊ သေဆုံးသူပေါင်း ၄ သန်းကျော်နဲ့ ရောဂါပြန်လည်ပျောက်ကင်းသက်သာလာ သူပေါင်း ၁၇၅ သန်းနီးပါး ရှိနေတယ်လို့ Worldometers ဝက်ဘ်ဆိုက်ဒ်မှာ ဖော်ပြပါတယ်။

4 months Ago
More News
Up