သူရဦးတင်ဦး

June 13, 2017

သူရဦးတင်ဦး ကျန်းမာရေးအခြေအနေတိုးတက်လာ၊ မကြာခင်ဆေးရုံကဆင်းနိုင်မည်

  အမျိုးသားဒီမိုကရေစီအဖွဲ့ချုပ်ပါတီ နာယက ဦးတင်ဦးရဲ့ ကျန်းမာရေးအခြေအနေဟာ အားရကျေနပ်လောက်အောင် တိုးတက်ကောင်းမွန်လာပြီး အစာပျော့ပျော့တွေကို စားနိုင်နေပြီလို့ ရန်ကုန်ပြည်သူ့ဆေးရုံအုပ်ကြီး ဒေါက်တာအေးကိုကိုက ပြောပါတယ်။ ဦးတင်ဦးကို ရန်ကုန်ဆေးရုံကြီးက အထူးကုဆရာဝန် ၁၅ ဦး ပါဝင်တဲ့အဖွဲ့ကနေ ကုသပေးနေတာပါ။ ဦးတင်ဦး ကျန်းမာရေးကောင်းမွန်လာဖို့အတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း ဇွန်လ ၃ ရက်နေ့မှာ ပြည်သူ့ဆေးရုံကြီးကို လာရောက်ခဲ့ပြီး၊ ဦးတင်ဦးအတွက် လေ့ကျင့်ခန်းတွေ မှန်မှန်လုပ်ပေးဖို့ ဆရာဝန်ကြီးတွေကို မှာကြားခဲ့ပါတယ်။ အသက် ၉၁ နှစ်ရှိပြီဖြစ်တဲ့ အရင်ကာကွယ်ရေးဦးစီးချုပ်ဟောင်း သူရဦးတင်ဦးဟာ ဦးနှောက်သွေးကြောပိတ် လေဖြတ်ရောဂါနဲ့ ရန်ကုန်ဆေးရုံကြီးကို မေလ ၁၈ ရက်နေ့ကစပြီး တက်ရောက်ကုသနေတာပါ။ ကျန်းမာရေး ပြန်လည်ကောင်းမွန်လာတာကြောင့် ဇွန်လလယ်မှာ ဆေးရုံက ဆင်းနိုင်မယ်လို့ ဆေးရုံအုပ်ကြီးက ပြောဆိုထားပါတယ်။
4 years Ago

May 23, 2017

သူရဦးတင်ဦး၏ ကျန်းမာရေးအခြေအနေအပေါ် ရန်ကုန်ဆေးရုံအုပ်ကြီးနှင့် မေးမြန်းချက် (ရုပ်သံ)

အမျိုးသားဒီမိုကရေစီအဖွဲ့ချုပ် နာယက သူရဦးတင်ဦးရဲ့ လက်ရှိ ကျန်းမာရေးအခြေအနေဟာ သိသာတဲ့ တိုးတက်မှုရှိပြီး နဂိုထက်ဆိုးရွားတဲ့ အခြေအနေ မတွေ့ရဘူးလို့ ရန်ကုန်ပြည်သူ့ဆေးရုံအုပ်ကြီး ဒေါက်တာ အေးကိုကိုက ပြောပါတယ်။ အသက် ၉၁ နှစ်ရှိပြီဖြစ်တဲ့ သူရဦးတင်ဦးဟာ မေလ ၁၈ ရက် မနက်ကတည်းက ရန်ကုန်ပြည်သူ့ဆေးရုံကြီးမှာ ဦးနှောက်သွေးကြောပိတ် လေဖြတ်ရောဂါနဲ့ တက်ရောက်ဆေးကုသမှု ခံယူနေရတာဖြစ်ပြီး မေလ ၂၂ ရက်နေ့ လူနာအခြေအနေနဲ့ ပတ်သက်လုိ့ ဆေးရုံအုပ်ကြီးက သတင်းထုတ်ပြန်ထားပါတယ်။ လူနာဟာ လက်ယာဘက်ခြမ်း မလှုပ်ရှားနိုင်သေးသလို စကားလည်း ပီပီသသ မပြောနိုင်သေးပေမယ့် သတိကောင်းစွာရှိနေပြီး နှလုံးခုန်နှုန်း၊ သွေးခုန်နှုန်းနဲ့ အသက်ရှူနှုန်းတွေကတေ့ာ ပုံမှန်အတိုင်းရှိနေတယ်လို့ ဆိုပါတယ်။ ဦးတင်ဦးရဲ့ ကျန်းမာရေးအခြေအနေနဲ့ ပတ်သက်ပြီး အထူးကုဆရာဝန်ကြီး ၁၅ ဦး ပါဝင်တဲ့ ဆေးဝါးကုသရေး ကော်မတီကို ဖွဲ့စည်းပြီး လိုအပ်တဲ့ ဆေးကုသမှုတွေ ဆောင်ရွက်ပေးနေတယ်လို့ သိရပါတယ်။ ဦးတင်ဦးရဲ့ ကျန်းမာရေး နောက်ဆုံးအခြေအနေကို အသေးစိတ်သိရဖို့ ရန်ကုန်ပြည်သူ့ဆေးရုံ ဆေးရုံအုပ်ကြီး ဒေါက်တာအေးကိုကို ကို ဒီဗွီဘီက သွားရောက် တွေ့ဆုံမေးမြန်းထားပါတယ်။ အပြည့်အစုံကို ရုပ်သံဖိုင်တွင် ကြည့်ရှုနိုင်ပါသည်။
5 years Ago
More News
Up