သူပုန်တပ်ဖွဲ့

A d v e r t i s e m e n t With Us

January 14, 2021

ဗဟိုအာဖရိကသမ္မတနိုင်ငံမြို့တော်ကို  သူပုန်တပ်ဖွဲ့က တိုက်ခိုက်

ဗဟိုအာဖရိကသမ္မတနိုင်ငံမှာ ဇန်နဝါရီ ၁၃ ရက်က   မြို့တော်ကို သူပုန်တွေ တိုက်ခိုက်ခဲ့ ပေမဲ့ အစိုးရတပ်တွေနဲ့ ကုလသမဂ္ဂငြိမ်းချမ်းရေး တပ်ဖွဲ့တွေက ပြန်တွန်းလှန်ခဲ့ပါတယ်။  ရုရှားနဲ့ ရဝမ်ဒါက ရောက်လာတဲ့ တပ်အကူအညီတွေနဲ့ CAR စစ်တပ်ဟာ ရွေးကောက်ပွဲ ရလဒ်ကို ပယ်ဖျက်ဖို့ ကြိုးပမ်းနေတဲ့ သူပုန်အဖွဲ့တွေကို ပြန်တိုက်ထုတ်နေပါတယ်။  မြို့ မြောက်ပိုင်းအပါအဝင် ဆင်ခြေဖုံး နေရာအတော်များများကို သူပုန်အဖွဲ့ တိုက်ခိုက်ခဲ့ပြီး နောက်မှာ ပေါက်ကွဲမှုတွေနဲ့ ရဟတ်ယာဉ်တွေ ပျံဝဲနေတာ တွေ့တယ်လို့ မျက်မြင်တစ်ဦးက ဆိုပါတယ်။ တိုက်ခိုက်မှုအတွင်း   ကုလသမဂ္ဂငြိမ်းချမ်းရေးတပ်ဖွဲ့ဝင် တစ်ဦး သေဆုံးတယ်လို့လည်း အင်အား ၁၀၀၀၀ လောက်ရှိတဲ့ ငြိမ်းချမ်းရေးတပ်ဖွဲ့က ဆိုပါတယ်။  ဒီဇင်ဘာ ၂၇ ရက် ရွေးကောက်ပွဲမှာ မဲလိမ်မှုရှိတယ်ဆိုပြီး ပြောဆိုနေပေမဲ့ လက်ရှိ   သမ္မတ တိုဒါတာကို အနိုင်ရသူလို့ ကြေညာခဲ့ပြီး နောက်မှာတော့  ရွေးကောက်ပွဲ ပဋိပက္ခတွေ မြင့်တက်လာပါတယ်။ သူပုန်တွေရဲ့ တိုက်ခိုက်မှုကို သမ္မတဟောင်း ဖရန်ကိုဘော်ဇီက ကူညီအားပေးနေတယ်လို့ ကုလသမဂ္ဂကဆိုပေမဲ့ သမ္မတဟောင်းကတော့ တိုက်ရိုက်တုံ့ပြန်တာ မရှိဘူးလို့ ရိုက်တာက ဖော်ပြပါတယ်။ 
1 month Ago

November 24, 2020

အီသီယိုးပီးယားလေဆိပ်ကို သူပုန်တပ်ဖွဲ့က တိုက်ခိုက်ဖျက်ဆီး

အီသီယိုးပီးယားရဲ့ အာဆွန်းလေဆိပ်ကို တီဂရေးလွတ်မြောက်ရေးတပ်ဦး (TPLF) တပ်ဖွဲ့တွေက ဖျက်ဆီးပစ်လိုက်တယ်လို့ နိုင်ငံပိုင်ရုပ်သံက နိုဝင်ဘာ ၂၃ ရက်မှာ ကြေညာပါတယ်။ အစိုးရတပ်တွေက TPLF တပ်ဖွဲ့တွေ လက်နက်ချဖို့ အချိန် ၃ ရက်ပေးပြီးနောက်မှာ လေဆိပ်ကို ဖျက်ဆီးခဲ့တာပါ။ TPLF အဖွဲ့ခေါင်းဆောင် ဒီဘရက်ဆင်းဂတ်ဘရယ်မိုက်ကယ်ကတော့ ဒီလို ရာဇသံပေးတာက  စစ်မျက်နှာ ၃ ခုမှာ  အစိုးရတပ်တွေ အရေးနိမ့်ပြီးတော့ ပြန်စုစည်းဖို့အတွက် အကာအကွယ်ယူတာ ဖြစ်တယ်လို့ ရိုက်တာကို ပြောပါတယ်။  နိုင်ငံပိုင်ရုပ်သံက ထုတ်ပြန်တဲ့ ဗွီဒီယိုထဲမှာ ခရီးသွားတွေ ဆွဲဆောင်ရာနေရာနဲ့ ယူနက်စကို ကမ္ဘာ့အမွေအနှစ်နေရာ ဖြစ်တဲ့ ရှေးဟောင်းမြို့ရဲ့ လေဆိပ်အဆောက်အအုံတွေ ဆိုးဆိုးရွားရွား ပျက်စီးနေတာကို တွေ့ရပါတယ်။ နိုဝင်ဘာ ၄ ရက်က စတင်ခဲ့တဲ့ တိုက်ပွဲတွေနဲ့ လေကြောင်းတိုက်ခိုက်မှုတွေမှာ လူပေါင်းရာချီ သေဆုံးပြီး ဒုက္ခသည် ၄၀,၀၀၀ လောက် အိမ်နီးချင်း ဆူဒန်နိုင်ငံထဲ ထွက်ပြေးခဲ့ရတယ်လို့ ရိုက်တာသတင်းမှာ ဖော်ပြပါတယ်။
3 months Ago
Up