သူနာပြုများ

A d v e r t i s e m e n t With Us

November 7, 2020

ရန်ကုန်နှင့် အမ်းသို့ သွားကူပြီးပြန်လာသည့် ဆရာဝန်နှင့်သူနာပြုများကို ပခုက္ကူဒေသခံများ ကြိုဆို (ဓာတ်ပုံ)

ရန်ကုန်မြို့နဲ့ အမ်းမြို့မှာ ကိုဗစ်လူနာတွေကို သွားရောက်ကူညီပြီး ပြန်လာကြတဲ့  မကွေးတိုင်း ပခုက္ကူမြို့ ပြည်သူ့ဆေးရုံက ဆရာဝန်နဲ့ သူနာပြုတွေကို ဒေသခံတွေနဲ့ ပခုက္ကူပြည်သူ့ဆေးရုံက ကြိုဆိုခဲ့ကြတယ်လို့ သိရပါတယ်။ အဲဒီ ဆရာဝန်နဲ့သူနာပြုတွေဟာ  နိုဝင်ဘာ ၅ ရက်နေ့ညက ပခုက္ကူမြို့ကို ပြန်လည်ရောက်ရှိကြတာလို့ သိရပါတယ်။ ပြန်လာသူတွေကတော့ ရန်ကုန်ကနေ ပြန်လာတဲ့ သူနာပြုဆရာ ၂ ဦး၊ သူနာပြုဆရာမ ၅ ဦးနဲ့ ရခိုင်ပြည်နယ်အမ်းမြို့က ပြန်လာတဲ့ လက်ထောက်ဆရာဝန် ၁ ဦးတို့ ဖြစ်ကြတယ်လို့ သိရပါတယ်။ သတင်း၊ ဓာတ်ပုံ - အိဝါမောင်
4 months Ago

June 3, 2020

နယူးယောက်တွင် ဆန္ဒပြသူများကို သူနာပြုများက ဂုဏ်ပြုထောက်ခံ

အမေရိကန်နိုင်ငံ၊ နယူးယောက်မြို့က ပြည်ထောင်စုရင်ပြင်မှာ သူနာပြုတွေနဲ့ ကျန်းမာရေး စောင့်ရှောက်မှုဆိုင်ရာ ဝန်ထမ်းတွေ ဇွန် ၂ ရက်က စုရုံးခဲ့ပြီး ရဲတွေရဲ့ ရက်စက်မှု အဆုံးသတ်ရေး ဆော်သြ ချီတက်နေတဲ့ ဆန္ဒပြသူတွေကို ဂုဏ်ပြုတဲ့အနေနဲ့ ဒူးထောက် ထောက်ခံခဲ့ကြပါတယ်။ လူမည်းတွေရဲ့ အသက်လည်း အရေးပါတယ်လို့ ကြွေးကြော်နေတဲ့ ရာနဲ့ချီတဲ့ ဆန္ဒပြသူတွေနဲ့ သူနာပြုတွေက ပူးပေါင်းခဲ့တာပါ။ အဲဒီနောက် အုပ်စုနှစ်စုက လူတွေအချင်းချင်း ကျေးဇူးတင်ကြောင်း ပြောပြီး ကောင်းချီးပေးခဲ့ကြပါတယ်။ အမေရိကန်မှာ လက်နက်မဲ့ လူမည်းအမျိုးသားရဲ့ လည်ပင်းကို လူဖြူ ရဲအရာရှိက ဒူးနဲ့ ၉ မိနစ် ထောက်ထားခဲ့လို့ သေဆုံးခဲ့တဲ့အတွက် ပြည်လုံးကျွတ် ဆန္ဒပြပွဲတွေ ဖြစ်နေတာပါ။ ရဲအရာရှိကို တတိယအဆင့် လူသတ်မှုနဲ့ ဒုတိယအဆင့် လူသေစေမှုတွေနဲ့ တရားစွဲ အရေးယူထားပါတယ် ဒီအမှုကြောင့် အာဖရိကန်နွယ်ဖွား အမေရိကန် နိုင်ငံသားတွေအပေါ် ရဲတွေက အင်အားအလွန်အကျွံသုံးမှုနဲ့ ပတ်သက်ပြီး ဒေါသအိုး ပေါက်ကွဲခဲ့ကြပါတယ်။ လူမျိုးရေး၊ နိုင်ငံရေး ခွဲခြားဖိနှိပ်မှုကို ကန့်ကွက်တဲ့အနေနဲ့ အမေရိကန်နိုင်ငံအနှံ့ ပြည်လုံးကျွတ် ဆန္ဒပြပွဲတွေ ပေါ်ပေါက်ခဲ့ပြီး လူထောင်သောင်းချီ ပါဝင်ခဲ့ပါတယ်။
9 months Ago
Up