သုဝဏ္ဏဘုမ္မိ

A d v e r t i s e m e n t With Us

April 25, 2020

နိုင်ငံသုံးနိုင်ငံမှ မြန်မာနိုင်ငံ ပြန်လိုသူများအတွက် MNA က Relief Flight များ ပျံသန်းပေးမည်

နိုင်ငံပိုင်လေကြောင်းလိုင်းတခုဖြစ်တဲ့ မြန်မာအမျိုးသားလေကြောင်းလိုင်းက စင်ကာပူ၊ ဘန်ကောက်၊ သုဝဏ္ဏဘူမိ၊ နယူးဒေလီမြို့တွေက မြန်မာနိုင်ငံပြန်လိုတဲ့ နိုင်ငံသားတွေအတွက် Relief Flight‌ တွေ အမြန်ဆုံး ပျံသန်းပေးသွားမယ်လို့ ကြေညာထားပါတယ်။ ဧပြီ ၂၃ ရက်နေ့က ပြုလုပ်တဲ့ Corona Virus Disease 2019 (COVID-19) ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီ ဒုတိယအကြိမ် ညှိနှိုင်းအစည်းအဝေး ဆုံးဖြတ်ချက်အရ သိရပါတယ်။ ဒီလို ပျံသန်းပေးရာမှာ သက်ဆိုင်ရာနိုင်ငံတွေက မြန်မာသံရုံးတွေနဲ့ ညှိနှိုင်းပြီး ဆောင်ရွက်သွားမှာဖြစ်လို့ လိုက်ပါလိုသူတွေအနေနဲ့ သက်ဆိုင်ရာ မြန်မာသံရုံးတွေကို ဆက်သွယ်ရမှာ ဖြစ်ပါတယ်။  ပျံသန်းပေးမယ့် နေ့ရက်နဲ့ ခေါက်ရေကိုတော့ ညှိနှိုင်းဆွေးနွေးပြီးမှ ထပ်မံကြေညာပေးသွားမယ်လို့ MNA လေကြောင်းလိုင်းကနေ ထုတ်ပြန်အသိပေးထားပါတယ်။ COVID-19 ကမ္ဘာ့ကပ်ရောဂါ ဖြစ်ပွားနေတဲ့အချိန်မှာ ရောဂါကူးစက်ပြန့်ပွားမှု ထိန်းချုပ်နိုင်ဖို့ မြန်မာအမျိုးသားလေကြောင်းက ပြည်တွင်း ပြည်ပ လေယာဉ်ခရီးစဉ် ပျံသန်းပြေးဆွဲတာတွေကို ဧပြီ ၃၀ ရက်နေ့အထိ ခေတ္တရပ်ဆိုင်းထားတာပါ။ ဧပြီ ၂၄ ရက်မှာတော့ ရန်ကုန်အပြည်ပြည်ဆိုင်ရာလေဆိပ်မှာ အပြည်ပြည်ဆိုင်ရာ ခရီးသည်တင်လေယာဉ်ပြေးဆွဲခွင့် ရပ်ဆိုင်းတဲ့ကာလကို မေ ၁၅ ရက်အထိ တိုးမြှင့်ထားကြောင်းကို COVID-19 ကာကွယ်၊ ထိန်းချုပ်၊ ကုသရေး အမျိုးသားအဆင့်ဗဟိုကော်မတီက  ထုတ်ပြန်ထားပါတယ်။ စိုးချစ်ပိုင်
10 months Ago
Up