သီပေါမြို့နယ်အတွင်း

December 22, 2016

သီပေါမြို့နယ်အတွင်း တိုက်ပွဲများကြောင့် ဒေသခံ ၂၀၀၀ နီးပါး ထွက်ပြေးတိမ်းရှောင်

ရှမ်းပြည်နယ်မြောက်ပိုင်း သီပေါမြို့နယ်အတွင်းတိုက်ပွဲတွေကြောင့် ဒေသခံ ၂ ထောင်နီးပါး သီပေါမြို့ပေါ်ကို ဒီနေ့ ထွက်ပြေးတိမ်းရှောင်လာကြပါတယ်။ သီပေါမြို့က သာသနာ ၂၅၀၀ ကျောင်းတိုက်၊ တာပုက်ကျောင်းတိုက်၊ မိုးတေကျောင်း၊ ဘော်ကြိုဘုရားဝန်းနဲ့ မာန်ကောင်းစာသင်ကျောင်းအနီးက လယ်ကွင်းမှာ စစ်ရှောင်စခန်း ၅ ခု ဖွင့်လှစ်ထားပြီး စစ်ရှောင် ၂၀၀၀ နီးပါးရှိပါတယ်။ နမ္မတူမြို့မှာတော့ အရင်ကဖွင့်လှစ်ထားတဲ့ ကချင်စစ်ရှောင်စခန်းတစ်ခုရှိပြီး လက်ရှိအနေနဲ့ ရွှေမြင်သာကျောင်း တိုက်နဲ့ လီဆူစစ်ရှောင်စခန်းတို့ ဖွင့်လှစ်ထားပါတယ်။ နမ္မတူမြို့နယ်၊ ပင်လုံကျေးရွာအုပ်စုနဲ့ သီပေါမြို့နယ်၊ ပန်ခါးတောင်ဘက်မှာ ရှမ်းပြည်တပ်မတော် တောင်ပိုင်း (RCSS/SSA)နဲ့ တအာင်းတပ်မတော် (PSLF/TNLA) တပ်ဖွဲ့ကြား တိုက်ပွဲတွေကြောင့် အဲ့ဒီကျေးရွာတွေဘက်က စစ်ရှောင်ပြည်သူ ၂၀၀၀ နီးပါးဟာ သီပေါမြို့နဲ့ နမ္မတူမြို့ဘက်ကို တိမ်းရှောင်နေရပါတယ်။ RCSS/SSA နဲ့ PSLF/TNLA တပ်ဖွဲ့တွေကြား အပြင်းအထန်တိုက်ပွဲဖြစ်ပွားနေတဲ့ ပန်လုံကျေးရွာက ရွာသားတွေကတော့ နမ္မတူမြို့နယ် မန်စံကျေးရွာက ကုန်းကုလားကျောင်းနဲ့ မာန်အောင်ကျောင်း တိုက်မှာ ခိုလှုံနေကြပါတယ်။ အဲဒီကျောင်းတိုက် ၂ ခုမှာ စစ်ရှောင်ပြည်သူ ၁၀၀၀ ကျော်ရှိနေပါတယ်။ လက်ရှိ ရှမ်းပြည်နယ်ရဲ့ ဆောင်းရာသီဟာ အေးလွန်တာကြောင့် စစ်ရှောင်တွေအတွက် အနွေးထည်နဲ့ ခြုံစောင်တွေ လိုအပ်နေပါတယ်။
5 years Ago
Up