သီပေါမြို့နယ်တွင် ရှမ်းလက်နက်ကိုင်တပ်ဖွဲ့ ၂ ဖွဲ့တိုက်ပွဲဖြစ်

January 16, 2019

သီပေါမြို့နယ်တွင် ရှမ်းလက်နက်ကိုင်တပ်ဖွဲ့ ၂ ဖွဲ့တိုက်ပွဲဖြစ်

ရှမ်းပြည်မြောက်ပိုင်း၊ သီပေါမြို့နယ်အတွင်းက လုံဝိုင်ရွာအနီးမှာ ဒီကနေ့မနက် ၇ နာရီလောက်ကစပြီး တိုက်ပွဲတွေ ဖြစ်ပွားနေတယ်လို့ သီပေါ လူမှုကယ်ဆယ်ရေးအဖွဲ့တွေက ပြောပါတယ်။ သီပေါမြို့နယ်၊ နားကန်ရွာ အနောက်ဖက်လုံဝိုင်မှာ တိုက်ပွဲဖြစ်ပွားနေတာဖြစ်ပြီး အခြေအနေသေးစိတ်ကို မသိရသေးကြောင်း နယ်စည်းမခြား ပရဟိတ (သီပေါ) အဖွဲ့ခေါင်းဆောင် ကိုမျိုးက ပြောပါတယ်။ “အခု အဲဒီကိုကျနော်တို့ အခုမှ သွားမှာ။  နားကန်ရဲ့အနောက်ဘက်မှာဖြစ်နေတာ။ နားကန်ရဲ့ အနောက်ဘက် လုံဝိုင်နားမှာဖြစ်နေတာ။ အခြေအနေ ဘာမှမသိသေးဘူး။ ကျနော်တို့ အခုမှ သွားမှာလေ။ ” ဒီတိုက်ပွဲဟာ အန်စီအေအပစ်ရပ်လက်မှတ်ထားထားတဲ့  ရှမ်းပြည်ပြန်လည်ထူထောင်ရေး ကောင်စီ၊ ရှမ်းပြည်တပ်မတော် (RCSS/SSA)နဲ့ လက်မှတ်မထိုးရသေးတဲ့  ရှမ်းပြည်တိုး တက်ရေးပါတီ/ ရှမ်းပြည်တပ်မတော်(SSPP/SSA)တို့အကြား နယ်မြေအငြင်းပွားမှု ပြဿနာနဲ့ တိုက်ပွဲတွေ ဖြစ်ပွားနေတာပါ။ ပြီးခဲ့တဲ့ ဇန်န၀ါရီ ၄ ရက်ကလည်း သီပေါမြို့နယ်၊ တွန်ကျိုင်းရွာအနီးမှာ ရှမ်းလက်နက်ကိုင်နှစ်ဖွဲ့ တိုက်ပွဲဖြစ်ပွားလို့ ရွာသားပေါင်း ၁,၀၀၀ ကျော် စစ်ဘေးရှောင်စခန်း ၁၀ ခုမှာ ထွက်ပြေးခိုလှုံနေကြရပါတယ်။     
2 years Ago
Up