သီတဂူဆရာတော်

September 3, 2021

မော်စကိုရောက် အကြမ်းဖက် ဒုစစ်ခေါင်းဆောင် ဒုဗိုလ်ချုပ်မှူးကြီးစိုးဝင်းနှင့် သီတဂူဆရာတော်

အာဏာသိမ်း အကြမ်းဖက် စစ်ကောင်စီအဖွဲ့ ဒုတိယ ခေါင်းဆောင် ဒုဗိုလ်ချုပ်မှူးကြီး စိုးဝင်းနဲ့ သီတဂူ ဆရာတော်ဘုရားကြီး ဒေါက်တာ ဘဒ္ဒန္တ ဉာဏိဿရတို့ ရုရှားနိုင်ငံမှာ ရောက်ရှိနေတယ်လို့ တပ်မတော်သတင်းမှန်ပြန်ကြားရေးအဖွဲ့သတင်းထုတ်ပြန်ချက်အရ သိရပါတယ်။ 

စစ်ကောင်စီ ဒုတိယ ခေါင်းဆောင် ဒုဗိုလ်ချုပ်မှူးကြီး စိုးဝင်း ဦးဆောင်တဲ့ ကိုယ်စားလှယ်အဖွဲ့ဟာ ရုရှားကာကွယ်ရေးဝန်ကြီးရဲ့ ဖိတ်ကြားချက်အရ ရုရှားဖက်ဒရေးရှင်း နိုင်ငံမှာ ကျင်းပတဲ့  International Army Games-2021 ပိတ်ပွဲအခမ်းအနားသို့ တက်ရောက်ဖို့ စက်တင်ဘာ ၁ ရက်ကတည်းက ရုရှားနိုင်ငံကိုထွက်ခွာသွားတာဖြစ်ပါတယ်။

မနေ့မနက်ကတော့ ဒုဗိုလ်ချုပ်မှူးကြီး စိုးဝင်းက  မော်စကိုမြို့ရှိ မြန်မာထေရဝါဒဗုဒ္ဓဝိဟာရ(မော်စကို)သို့ သွားရောက်ပြီး သီတဂူ ဆရာတော်ဘုရားကြီး ဒေါက်တာ ဘဒ္ဒန္တ ဉာဏိဿရနဲ့  ကျောင်းထိုင်ဆရာတော် ဒေါက်တာ ဘဒ္ဒန္တ အစ္ဆရိယတို့ကို ဖူးမြော် နေ့ဆွမ်းဆက်ကပ်လှူဒါန်းခဲ့တယ်လို့ သိရပါတယ်။

Photo-DSINFO

3 months Ago

April 6, 2020

အိန္ဒိယ‌ရောက် မြန်မာရဟန်း‌ ၁၈၀ ကျော်ကို စင်းလုံးငှားလေယာဉ်ဖြင့် ပြန်လည်ပင့်ဆောင်မည်

အိန္ဒိယနိုင်ငံ တက္ကသိုလ်အသီးသီးမှာ တက်နေကြတဲ့ မြန်မာရဟန်းတော် ၇၀၀ လောက်ထဲက ပြန်လာလိုတဲ့ ရဟန်းတော် ၁၈၈ ပါးကို မြန်မာနိုင်ငံကို ပြန်လည်ပင့်ဆောင်ဖို့ စီစဉ်ပေးသွားမယ်လို့ သီတဂူကမ္ဘာ့ဗုဒ္ဓတက္ကသိုလ်က ပြောပါတယ်။ ပြန်လည်ပင့်ဆောင်ဖို့ နှစ်နိုင်ငံ ညှိနှိုင်းပြီး စင်းလုံးငှားလေယာဉ်နဲ့ အိန္ဒိယနိုင်ငံ ဂါယာက‌နေ မန္တလေးလေဆိပ်တိုက်ရိုက် လေယာဉ်ကိုလည်း သီတဂူဆရာတော်ကြီးက စီစဉ်တယ်လို့ သီတဂူကမ္ဘာ့ဗုဒ္ဓတက္ကသိုလ် နိုင်ငံခြားရေးဌာနရဲ့ အုပ်ချုပ်ရေးမှူး ဒေါက်တာကောဝိဒသီရိက ဒီဗွီဘီကို မိန့်ကြားပါတယ်။ အဲဒီရဟန်းတော်တွေကို စစ်ကိုင်း သီတဂူအပြည်ပြည်ဆိုင်ရာ ဝိပဿနာတက္ကသိုလ်ကို ပင့်ဆောင်မယ်လို့ ဆိုပါတယ်။ ဒီအတွက်  အဲယားကွန်း၊ အိမ်သာ၊ ရေချိုးခန်းများတွဲတွေပါတဲ့ ၁ ပါးနေ အဆောင်တွေကို ပြင်ဆင်ထား‌ပြီး စောင့်ကြည့်ကာလအတွင်း အရုဏ်ဆွမ်း၊ နေ့ဆွမ်း‌တွေကို ဆက်ကပ်မယ်လို့ ဒေါက်တာကောဝိဒသီရိက မိန့်ပါတယ်။ လက်ရှိမှာ သီတဂူအဓိပတိဆရာတော်ကြီး လမ်းညွှန်မှုနဲ့ တပြည်လုံးက သီတဂူဆေးရုံ ၄၀‌ လောက်မှာလည်း Quarantine လုပ်နိုင်အောင် စီစဉ်ပေးထားတယ်လို့ ဆိုပါတယ်။
2 years Ago
Up