သီဆိုဖျော်ဖြေ

A d v e r t i s e m e n t With Us

April 26, 2020

ကညွှတ်ကွင်း Quarantine Center နေသူများကို ဝါသနာရှင်လူငယ်များ သီဆိုဖျော်ဖြေ

ပဲခူးတိုင်း၊ ဖြူးမြို့နယ်၊ ကညွှတ်ကွင်းမြို့ ကွင်းနောက် (၁) ရပ်ကွက်မှာ ဖွင့်လှစ်ထားတဲ့ Quarantine Center မှာ နေသူတွေ စိတ်ဓာတ်ခွန်အား မြင့်မားစေဖို့ ရည်ရွယ်ပြီး မြို့ပေါ်ရှိ ဝါသနာရှင်လူငယ်လေးတွေက ဧပြီ ၂၅ ရက်နေ့ညပိုင်းမှာ သီချင်းဆိုဖျော်ဖြေခဲ့ကြပါတယ်။ ဝါသနာရှင် ၇ ဦးက ဖျော်ဖြေခဲ့တာဖြစ်ပြီး ငွေကြေးအခက်အခဲကြောင့် Quarantine Center အားလုံးမှာတော့ မဖျော်ဖြေနိုင်ခဲ့ဘူးလို့ ဦးဆောင်သူတဦးက ပြောပါတယ်။ “ရက်ပေါင်း ၂၁ ရက်ဆိုတဲ့ အချိန်က မနည်းဘူးလေ။ အဲဒီအချိန်မှာ သူတို့တွေ စိတ်ဓာတ်ခွန်အားတွေ ရှိနေဖို့အတွက် ရည်ရွယ်တယ်။ ငွေကြေးအခက်အခဲကြောင့် တတ်နိုင်သလောက်လေး လုပ်ရတာပါ။” မနေ့ည ၈  နာရီအချိန်လောက်က စတင်ပြီး စိတ်ဓာတ်ခွန်အားဖြစ်စေမယ့် သီချင်းတွေကို သီဆိုဖျော်ဖြေပေးခဲ့ကြတယ်လို့ ဆိုပါတယ်။ ဖြူးမြို့နယ်အတွင်း Quarantine Center ၇ ခုမှာ ပြည်ပနိုင်ငံတွေက ပြန်လာသူ ၂၂ ဦးသာ ရှိတော့တယ်လို့ မြို့နယ်အထွေထွေအုပ်ချုပ်ရေးဦးစီးဌာန တာဝန်ရှိသူက ပြောပါတယ်။ ကျော်အောင်(ကညွှတ်ကွင်း)
10 months Ago

March 30, 2020

မာလော့ကာ ဒေသခံများကို စပိန်ရဲတပ်ဖွဲ့ ဂီတဖြင့် ဖျော်ဖြေ (ရုပ်သံ)

စပိန်နိုင်ငံ မာလော့ကာကျွန်းမှာ နေအိမ်ထဲက အပြင်ထွက်လို့မရတဲ့ ဒေသခံတွေကို ရဲတပ်ဖွဲ့ဝင်တွေက သီချင်းတွေနဲ့ သီဆိုဖျော်ဖြေမှုလုပ်ဆောင်ပေးခဲ့ကြပါတယ်။ စပိန်တနိုင်ငံလုံး lockdown လုပ်ဆောင်ထားမှုရဲ့ ရှစ်ရက် မြောက်နေ့ မတ် ၂၁  ရက်က ဖျော်ဖြေပေးခဲ့ကြတာပါ။  စပိန်နိုင်ငံဟာ ဥရောပရဲ့ ဒုတိမြောက်အဆိုးရွားဆုံး ဗိုင်းရပ်စ်ကူးစက်ခံရတဲ့ နိုင်ငံဖြစ်ပြီး အစိုးရက တနိုင်ငံလုံး အ‌ရေးပေါ်အခြေအနေကို ဧပြီ ၁၁ ရက်အထိ ထပ်မံတိုးမြှင့်ထားပါတယ်။ စပိန်မှာ ဒီနေ့မနက်အထိ ဗိုင်းရပ်စ်ကူး စက်ခံရသူ ၈ သောင်းကျော်နဲ့ သေဆုံးသူ ၆၈၀၀ ကျော်ရှိသွားပြီဖြစ်ပါတယ်။ ရဲတပ်ဖွဲ့ဝင်တွေရဲ့ သီဆိုဖျော်ဖြေပေးမှုကို မာလိုကာ ဒေသခံတဦးက ဗွီဒီယိုရိုက်မှတ်တမ်းတင်ခဲ့တာဖြစ်ပြီး ဗွီဒီယိုထဲမှာ ဂီတာ ကိုင်ထားတဲ့  ရဲတဦးအပါအဝင် စပိန် ရဲတပ်ဖွဲ့ဝင်တွေဟာ ကလေးသီချင်းတစ်ပုဒ်ကို သီဆိုဖျော်ဖြေခဲ့ကြကာ အိမ်ထဲမှာပဲနေထိုင်နေရတဲ့ ဒေသခံတွေက ဝရံတာတွေ၊ ပြတင်းပေါက်တွေကနေတဆင့် ကြည့်ရှုအားပေးခဲ့ပါတယ်။  ဒီဗွီဒီယိုဖိုင်ဟာ စပိန်နိုင်ငံမှာတင်မဟုတ်ဘဲ ကမ္ဘာတဝန်းလုံးအထိ နာမည်ကြီးသွားခဲ့ပြီး သီချင်းဆိုမှုပြီးဆုံးချိန်မှာ ရဲတပ်ဖွဲ့ဝင်တွေက ကျေးဇူးတင်ကြောင်းနဲ့  အားတင်းထားကြဖို့ အားပေးစကားပြောဆိုသွားခဲ့ပါတယ်။ 
11 months Ago
Up