သိမ်းဆည်းမြေပြန်ရရေး ကျောက်ဆည်တောင်သူများ ထွန်​တုံးတိုက်​ပွဲ ဆင်နွှဲ

April 7, 2019

သိမ်းဆည်းမြေပြန်ရရေး ကျောက်ဆည်တောင်သူများ ထွန်​တုံးတိုက်​ပွဲ ဆင်နွှဲ

နှစ်ပေါင်း ၃၀ နီးပါး သိမ်းဆည်းခံခဲ့ရတဲ့မြေ ပြန်လည်ရရှိဖို့ ဧပြီ ၆ ရက်​​နေ့ မနက်​က မန္တလေးတိုင်းဒေသကြီး ကျောက်ဆည်မြို့နယ် ဆူးလေကုန်းအုပ်စု မောင်းထောင်ကွင်းမှာ တောင်သူတွေက ထွန်တုံးတိုက်ပွဲ ဆင်နွှဲခဲ့ကြပါတယ်။ လွန်ခဲ့တဲ့ နှစ်​​ပေါင်း ၃၀ နီးပါးကတည်းက တာဝန်ရှိသူတွေက စီမံကိန်းစားကျက်​​မြေဆိုပြီး သိမ်းဆည်းခဲ့တာလို့ တောင်သူ ကိုအေးကျော်က ပြောပါတယ်။ “ပညာ​ရေး၊ လူမှု​ရေး၊ စီးပွားရေးတွေ ပျက်စီးခဲ့ရတယ်​။ မိသားစုစားဝတ်နေရေး အခက်အခဲတွေဖြစ်လို့ ဌာနဆိုင်ရာတွေ၊ လွှတ်​​တော်ကိုယ်​စားလှယ်​​တွေ​ကို လူကိုယ်​တိုင်​​ရော၊ စာနဲ့​ရော အမျိုးမျိုးတင်ပြပေမယ့် အရေးယူဆောင်ရွက်မပေးလို့ ခုလို ထွန်တုံးတိုက်ပွဲဆင်နွှဲရတာ။” သိမ်းဆည်းခံ​မြေဧကပေါင်း ၂၂၂ ဧကရှိပြီး တောင်သူ ၂၄ ဦးဆီက သိမ်းယူခဲ့ပြီး သီးစားအငှားချ စိုက်ပျိုးထားတယ်လို့ ဆိုပါတယ်။ စီမံကိန်းစားကျက်မြေဆိုပြီး သိမ်းဆည်းခဲ့​ပေမယ့် စီမံကိန်း အကောင်အထည်မဖော်ခဲ့တဲ့ သိမ်းဆည်မြေတွေကို လူမျိုးခြားတွေနဲ့ စီးပွားရေးလုပ်ငန်းရှင်​​တွေကို အငှါးချထားတာ နှစ်ပေါင်း ၃၀ နီးပါးရှိတာ​ကြောင့် ၂၀၁၂ ကစပြီး တိုင်း​ဒေသကြီးအစိုးရ၊ လွှတ်​​တော်ကိုယ်​စားလှယ်​​တွေနဲ့ ဌာနဆိုင်ရာအသီးသီးကို တရားဝင်းတိုင်းကြားခဲ့​ပေမယ့် ဒီနေ့အထိ အ​ရေးယူဆောင်​ရွက်​​မပေးဘူးလို့ မြေ ၁၂ ဧက သိမ်းခံရသူ တောင်သူ ဒေါ်တုတ်က ပြောပါတယ်။ “​အန်တီတို့မြေတွေဟာ ဘိုးဘွားပိုင်မြေတွေပါ၊ အထောက်အထားတွေ အကုန်ရှိပါတယ်၊ အခွန်​​ဆောင်​ထားတဲ့ အ​ထောက်​အထား​တွေ အကုန်​ရှိပါတယ်။ သိမ်းဆည်းခံရကတည်းက သားသမီးတွေလည်း တကွဲတပြားစီ အခြားအငှါးထွက်လုပ်နေရတယ်။ ​အန်တီတို့မြေတွေ ပြန်ရချင်လို့ အခုလိုထွန်​တုံးတိုက်​ရတာပါ။” သိမ်းဆည်း​မြေ ၂၂၂ ဧကနဲ့ ပတ်သက်ပြီး သက်​ဆိုင်​ရာ လွှတ်​​တော်ကိုယ်​စားလှယ်​တွေကို ဆက်​သွယ်​​မေးမြန်းလို့ မရခဲ့ပါဘူး။ သတင်းနှင့်ဓာတ်ပုံ - အောင်အောင်နိုင်
3 years Ago
Up