သိမ်းဆည်း

December 30, 2017

သိမ်းဆည်း လယ်မြေများကို မြေဖို့သည့်အတွက် တောင်သူများ တားဆီး

ယင်းမာပင်မြို့နယ်၊ အောင်မိုးကျေးရွာမှာ အနောက်မြောက်တိုင်းစစ်ဌာနချုပ်က သိမ်းဆည်းထားတဲ့ လယ်ယာမြေနေရာတွေမှာ မြေဖို့တာတွေနဲ့ မြေညှိတာတွေ ပြုလုပ်တဲ့အတွက် ဒီဇင်ဘာ ၂၈ ရက်နေ့မှာ တောင်သူတွေက သွားရောက်ကန့်ကွက်ခဲ့ကြပါတယ်။ အဆိုပါ လယ်ယာမြေတွေဟာ ၂၀၀၂-၂၀၀၃ ခုနှစ်တွေတုန်းက တပ်ပိုင်မြေအဖြစ် သိမ်းဆည်းခဲ့တာဖြစ်ပြီး တောင်သူတွေဘက်က နစ်နာကြေးတစ်စုံတရာ မရရှိခဲ့တဲ့အတွက် ခေတ်ကာလတန်ဖိုးနဲ့အညီ နစ်နာကြေးပေးဖို့ တောင်းဆိုထားကြတာပါ။ “အခုက ဒီလယ်ယာမြေတွေနဲ့ ပတ်သတ်ပြီး စစ်ဆေးနေဆဲ ကာလဖြစ်ပါတယ်။ မူရင်းပိုင်ရှင်က ကျမတို့ တောင်သူတွေပါ။ နစ်နာကြေးတောင်းဆိုထားတာလဲ ရှိပါတယ်။ ညှိနှိုင်းလို့ အဆင်မပြေမချင်း ဒီနေရာတွေမှာ အဆောက်ဦဆောက်တာတွေ၊ တိုးချဲ့စီမံကိန်းလုပ်တာတွေကို ဘာမှ လုပ်ပိုင်ခွင့်မပေးနိုင်ပါဘူး။ အခု ကား ၇ စီးလောက်နဲ့ မြေလာဖို့တယ်။ တပ်က မြေညှိတဲ့ ကားတွေနဲ့ လာလုပ်တယ်။ ဒါ့ကြောင့် ကျမတို့သွားပြောရတာ” လို့ အောင်မိုးကျေးရွာက ဒေါ်သန်းသန်းဦးက ပြောပါတယ်။ အခုမြေယာတွေနဲ့ ပတ်သက်ပြီး တောင်သူတွေဘက်က စပါးနှံစာအုပ်တွေ၊ နိုင်ငံတော်ကို ပေးဆောင်ထားတဲ့ အခွန်ပြေစာတွေနဲ့ တခြားပိုင်ဆိုင်တဲ့ အထောက်ထားတွေ ရှိတယ်လို့ တောင်သူတွေက ဆိုပါတယ်။ လက်ရှိမှာတော့ ဒီလယ်ယာမြေကိစ္စအပေါ် ယင်းမာပင်မြို့နယ်က လွှတ်တော်ကိုယ်စားလှယ်တွေ အပါဝင် အုပ်ချုပ်ရေးပိုင်းနဲ့ မြေစာရင်းဌာနကတာဝန်ရှိသူတွေက စုပေါင်း ကော်မတီဖွဲ့ပြီး စစ်ဆေးနေပါတယ်။ ယင်းမာပင်မြို့နယ် အောင်မိုးကျေးရွာမှာ ၂၀၀၂-၂၀၀၃ ခုနှစ်တွေတုန်းက အနောက်မြောက်တိုင်းစစ်ဌာနချုပ်မှ လယ်ယာမြေဧက ရာဂဏန်းနဲ့ချီ သိမ်းဆည်းခဲ့တာလည်း ဖြစ်ပါတယ်။ ရန်နိုင်စိုး
4 years Ago

December 22, 2017

မကွေးမြို့ ကန်သာဈေး သက်တမ်းလွန် စားသောက်ကုန်များကို သိမ်းဆည်း

မကွေးမြို့၊ ကန်သာဈေးရှိ ဈေးဆိုင်တွေကို တာဝန်ရှိသူတွေက ရှောင်တခင်ဝင်ရောက်စစ်ဆေးပြီး သက်တမ်းလွန် စားသောက်ကုန်တွေကို သိမ်းဆည်းခဲ့ပါတယ်။ မကွေးမြို့ပေါ်ရှိ ဈေး ၅ ဈေးအနက်မှ ကန်သာဈေးရှိ ကုန်မျိုးစုံရောင်းဝယ်ရေးဆိုင်အချို့ကို ဒီဇင်ဘာ ၂၁ ရက်နေ့က အထွေထွေအုပ်ချုပ်ရေးဦးစီးဌာန တာဝန်ရှိသူတွေနဲ့ ရှောင်တခင် ၀င်ရောက်စစ်ဆေး သိမ်းဆည်းခဲ့တာလို့ စားသုံးသူရေးရာဦးစီးဌာန လက်ထောက်ညွှန်ကြားရေးမှူး ဒေါ်အေးအေးမိုးက ဒီဗွီဘီကိုပြောပါတယ်။ “ဒေသတွင်းထုတ်တဲ့မုန့်တွေ၊ ရန်ကုန်၊ မန္တလေးက မှာယူတဲ့မုန့်တွေကို စစ်ဆေးတဲ့အခါမှာ ဒေသတွင်းက ထုတ်လုပ်တဲ့ မုန့်အချို့မှာ သတင်းအချက်အလက် ပြည့်စုံစွာ ဖော်ပြထားမှု မရှိတာကို တွေ့ရပါတယ်။ နယ်က မှာယူရောင်းချတဲ့ မုန့်တွေမှာတော့ date ဖော်ပြထားပေမယ့် ထုတ်လုပ်တဲ့ date နဲ့ နောက်ဆုံးသုံးစွဲရမယ့် date ကို ကွဲကွဲပြားပြား ဖော်ပြတာမျိုး မဟုတ်ဘဲနဲ့ စားသုံးသူ ထင်ယောင်ထင်မှား ဖြစ်အောင်ရည်ရွယ်ပြီး လုပ်တဲ့ အနေအထားကို တွေ့ရပါတယ်။ နောက်ဆုံးသုံးစွဲရမယ့်ရက်ကို ပြင်ဆင်ထားတဲ့ ကိတ်မုန့်တွေလည်း တွေ့ရပါတယ်။” ခရိုင်တာဝန်ရှိသူတွေနဲ့ စားသုံးသူရေးရာဦးစီးဌာန၊ ခရိုင်အငြင်းပွားမှုဖြေရှင်းရေးအဖွဲ့ဝင်တွေရဲ့ ဒီဇင်ဘာ ၂၀ ရက်နေ့ စစ်ဆေးချက်အရ သက်တမ်းလွန်အချိုရည် နဲ့ မုန့်မျိုးစုံ ၁၄ မျိုး၊ အရေအတွက် ၁၀၁ ခုကိုလည်း သိမ်းဆည်းမိခဲ့တယ်လို့ ဆိုပါတယ်။ ဒေသတွင်းထုတ်လုပ်တဲ့ C plus အချိုရည်မှာ သတင်းအချက်အလက်ပြည့်စုံစွာ ဖော်ပြမထားလို့ ထုတ်လုပ်သူလုပ်ငန်းရှင်အားခေါ်ယူကာ ဈေးကွက်အတွင်းမှ ပြန်လည်သိမ်းခိုင်းပြီး အသေးစားစက်မှုလုပ်ငန်းဦးစီးဌာနမှာ မှတ်ပုံတင်ဖို့ ခေါ်ယူဆွေးနွေးခဲ့တယ်လို့ သိရပါတယ်။ သတင်း-မင်းထီး
4 years Ago
Up