သိန်းကျော်ဖိုး ဖမ်းမိ

September 2, 2017

ဝမ်းတွင်းတွင် စိတ်ကြွဆေးပြား ကျပ် ၉ သိန်းကျော်ဖိုး ဖမ်းမိ

မန္တလေးတိုင်းဒေသကြီး၊ ဝမ်းတွင်းမြို့၊ အမှတ်-၂ရပ်ကွက် ရန်ကုန်-မန္တလေးလမ်းဟောင်းမှာ စက်တင်ဘာလ ၁ ရက် ညနေ ၄ နာရီခွဲက စိတ်ကြွဆေးပြား ကျပ် ၉ သိန်းကျော်ဖိုး ဖမ်းမိတယ်လို့ သိရပါတယ်။ ဖြစ်စဉ်မှာ မူးယစ်ဆေးဝါးသတင်းအရ ရန်ကုန်-မန္တလေးလမ်းဟောင်းတွင် တိုင်းမှုခင်း အကူရဲတပ်ဖွဲ့က ရဲအုပ်သန်းဝင်းနဲ့ ဝမ်းတွင်းမြို့မရဲစခန်းက တပ်ဖွဲ့ဝင်တွေ ရပ်ကွက်အုပ်ချုပ်ရေးမှူးနဲ့ သက်သေများစောင့်နေချိန်မှာ တင်မျိုးအေး(ခ) တိုးလေး မောင်းလာတဲ့ဆိုင်ကယ်ကိုတားပြီး ရှာဖွေရာ 88/1 စာတန်းပါ ပန်းရောင်စိတ်ကြွဆေးပြား ၁၈၆ ပြား အလေးချိန် ၁၈ ဒသမ၆ ဂရမ်ကို ဖမ်းဆီးခဲ့တယ်လို့ မြို့မရဲစခန်းက ပြောပါတယ်။ ဒုရဲအုပ်အောင်ကိုဝင်းက “တိုးလေးက ဝမ်းတွင်းမြို့ အမှတ် ၂ ရပ်ကွက်မှာ နေတယ်၊ ကာလတန်ဖိုး ၉ သိန်း ၃ သောင်း ဈေးသင့်တယ်၊ လွန်ခဲ့တဲ့ ၁ လလောက်က ကွတ်ခိုင်မြို့နယ်ဘက်က ဆေးပြား ၂၀၀ တထုပ်ကို တသိန်းနဲ့ ဝယ်ခဲ့တယ်လို့ ထွက်ဆိုတယ်၊ ကွင်းဆက်တရားခံကို အမြန်ဆုံး ဖမ်းမိနိုင်ရေး လုပ်နေပါတယ်” လို့ ပြောပါတယ်။ ဝမ်းတွင်းမြို့မရဲစခန်းမှာ တင်မျိုးဝင်း(ခ)တိုးလေးကို မူးယစ်ဆေးဝါးနှင့်စိတ်ကိုပြောင်းလဲ စေသော ဥပဒေ သုံးစွဲမှု၊ လက်ဝယ်ထားမှု၊ ရောင်းချမှု၊ ဖြန့်ဖြူးမှု ပုဒ်မ-၁၅/၁၆(ဂ)/၁၉ (က)/၂၁ တို့အနဲ့ ဖမ်းဆီး အရေးယူထားတယ်လို့ သိရပါတယ်။ သတင်း-မောင်မောင်လင်း(ဝမ်းတွင်း)
4 years Ago

August 26, 2017

သာစည်-တောင်ကြီးလမ်းတွင် ဘိန်းစိမ်း ကျပ် ၇၂ သိန်းကျော်ဖိုး ဖမ်းမိ

မန္တလေးတိုင်းဒေသကြီး သာစည်မြို့နယ် သာစည်-တောင်ကြီးလမ်း ကျွဲတပ်ဆုံတိုးဂိတ်မှာ တောင်ကြီးဘက်က လာတဲ့ ခရီးသည်တင်ကားပေါ်မှ အမျိုးသားတဦးထံကနေ အမည်းရောင် ဘိန်းစိမ်း ကျပ် ၇၂ သိန်းကျော် ဖိုးကို သြဂုတ် ၂၅ ရက်မနက်က ဖမ်းမိတယ်လို့ ရဲက ပြောပါတယ်။ ဖြစ်စဉ်မှာ သတင်းအရ မူးယစ်တပ်ဖွဲ့စု (၁၈) မှ ရဲအုပ်တင်ထွန်းလင်းအောင်နဲ့ သာစည်မြို့မရဲစခန်း ဒုရဲအုပ်ဝေဖြိုးအောင်တို့ပူးပေါင်းအဖွဲ့က ကျွဲတပ်ဆုံတိုးဂိတ်မှာ တောင်ကြီးဘက်ကဆင်းလာတဲ့ ကားတွေကို သက်သေတွေနဲ့ ရှာဖွေရာမှ HIACE ခရီးသည်တင်ကားငယ်ပေါ် လိုက်ပါလာတဲ့ ခင်မောင်ဝင်းရဲ့ လက်ဆွဲအိပ်ထဲက အမည်းရောင်ဘိန်းစိမ်း ၁၀ဒသမ၃၅ ကီလိုဂရမ် ရှာဖွေတွေ့ရှိ ဖမ်းဆီးမိခဲ့တာလို့ သာစည်မြို့မ ရဲစခန်းက ပြောပါတယ်။ ဒုရဲအုပ်မောင်မောင်ဝင်းက "ခင်မောင်ဝင်းက ပင်လယ်ဘူးမြို့နယ် ယင်းသာရွာ မှာနေတယ်။ ပိုက်ဆံ ၄ သိန်းပေးပြီး သယ်ခိုင်းတယ်လို့ ထွက်ဆိုတယ်။ ကွင်းဆက် တရားခံကို မေးမြန်းနေပါတယ်။ ဖမ်းမိတဲ့ ဘိန်းစိမ်းတွေရဲ့ ကာလတန်ဖိုးငွေ ၇၂၄၅၀၀၀ ကျပ် ထွက်ပါတယ်" လို့ ပြောပါတယ်။ သာစည်မြို့မရဲစခန်းက ခင်မောင်ဝင်းကို မူးယစ်ဆေးဝါး နှင့် စိတ်ကိုပြောင်းလဲစေသော ဥပဒေ၊ သုံးစွဲမှု၊ လက်ဝယ်ထားမှု၊ ဖြန့်ဖြူးမှုပုဒ်မ ၁၅/၁၉(က)/၂၁ တို့နဲ့ ဖမ်းဆီးအမှုဖွင့်ထားပါတယ်။ သတင်း-မောင်မောင်လင်း(ဝမ်းတွင်း)
4 years Ago
Up