သိန္နိမြို့

August 30, 2021

သိန္နိမြို့တွင် ကိုဗစ်ကာလ ပြည်သူမှ ပြည်သူကို စားသောက်ကုန်များ လှူဒါန်း

ရှမ်းပြည်မြောက်ပိုင်း သိန္နိမြို့၊ ပန်းခြံရှေ့မှာ သြဂုတ် ၂၉ ရက် ညနေက ကိုဗစ်ကာလအတွင်း စားသောက်ရေးခက်ခဲသူတွေအတွက်  ပြည်သူက ပြည်သူကို ကူညီလှူဒါန်းခဲ့ပါတယ်။ 

ကိုဗစ်ကာလ စားသောက်ရေးခက်ခဲတဲ့ မရှိနွမ်းပါး အခြေခံလူတန်းစားတွေအတွက် မီးဖိုချောင်သုံးစားသောက်ကုန်တွေကို လိုသလောက်ယူဆောင်နိုင်ပြီး ပိုလျှင်လှူ လိုရင်ယူအစီအစဥ်နဲ့ ညီလှူဒါန်းနေတာပါ။ 

ကိုဗစ်-၁၉ ရောဂါဖြစ်ပွားတာ ကြာရှည်လာတာနဲ့အမျှ အတည်ပြုလူနာတွေ များပြား လာတဲ့အတွက် အခြေခံလူတန်းစားတွေဟာ အလုပ်အကိုင်ရှားပါးတာကြောင့် စားသောက်ရေးအခက်အခဲတွေ ရင်ဆိုင်နေရတယ်လို့ မြို့ခံတွေက ဆိုပါတယ်။ 

သိန္နီမြို့ အမှတ် ၂ ရပ်ကွက်နေထိုင်သူ တစ်ဦးက "မြို့မှာက ရောဂါပိုးတွေ့တာ များများလာတော့ အလုပ်ရှင်တွေက အလုပ်တွေရပ်ထားတယ်။ တစ်နေ့လုပ် တနေ့စားဆိုတော့ အလုပ်မရှိလို့ စားသောက်ရေးခက်ခဲနေတဲ့အချိန် အခုလိုလှူဒါန်းပေးတဲ့ အလှူရှင်တွေကို ကျေးဇူးတင်ပါတယ်"လို့ ဆိုပါတယ်။

ပန့်လော့ကျေးရွာသား အလှူရှင်ဦးအောင်အောင်လွင်က "ဆင်းရဲနွမ်းပါးတဲ့သူတွေ၊ အလုပ်အကိုင် အခက်အခဲရှိတဲ့သူတွေအတွက်လှူဖြစ်တာပါ။ အခုချိန်မှာ လူတိုင်းအခက်အခဲရှိနေပေမယ့် မရှိတဲ့သူတွေက ပိုခက်ခဲတယ် ဒါကြောင့် တတ်နိုင်တဲ့ဘက်က  ဆက်ပြီးလှူသွားဖို့ ရှိတယ်"လို့ ဆိုပါတယ်။

မရှိနွမ်းပါးသူတွေကို ကူညီလှူဒါန်းရာမှာ ပြည်သူက ပြည်သူကို ပြန်လည်ကူညီလှူဒါန်းတာ ဖြစ်လို့ တချို့ဒေသတွေမှာ စစ်ကောင်စီက အလှူရှင်တွေကို ဖမ်းဆီးတာတွေ ပိတ်ပင်တားမြစ်တာ တွေရှိတဲ့အတွက် အခြေခံ လူတန်းစားတွေရဲ့ စားသောက်ရေးအတွက် စိုးရိမ်တယ်လို့ အလှူရှင်တွေက ဆိုပါတယ်။ 

ဇွန်လ၂၁ ရက်က စတင်ပြီး သိန္နီမြို့မှာ ကိုဗစ် အတည်ပြုလူနာ ၂၀၀ နီးပါးရှိပြီး ၊ အတည်ပြုသေဆုံးသူ ၂ ဦးနဲ့ သံသယသေဆုံးသူ ၃၀ လောက်ရှိပြီလို့ မြို့ခံ လူမှုကူညီရေးအဖွဲ့က နေသိရပါတယ်။

3 months Ago

July 29, 2021

သိန္နိမြို့တွင် ကိုဗစ်-၁၉ အတည်ပြုလူနာ ၁၀ ဦး ထပ်တွေ့

ရှမ်းပြည်မြောက်ပိုင်း၊ သိန္နိမြို့မှာ ဇူလိုင် ၂၈ ရက်က သံသယလူနာတွေကို ကိုဗစ် - ၁၉ ရောဂါပိုးရှိ ၊ မရှိ စစ်ဆေးရာက အတည်ပြုလူနာ ၁၀ ဦး ထပ်မံ တွေ့ရှိခဲ့ပါတယ်။

မျိုးရိုးဗီဇပြောင်း ကိုဗစ်-၁၉ ရောဂါကူးစက်ခံရသူနဲ့ သေဆုံးသူတွေ များပြားလာတဲ့ အတွက် မြို့နယ်ပြည်သူဆေးရုံကနေ သံသယလူနာ ၈၇ ဦးကို ကိုဗစ် ၁၉ ရောဂါပိုး ရှိ၊ မရှိ စစ်ဆေးခဲ့ရာက အတည်ပြုလူနာ ၁၀ ဦးကို ၁ ရက်တည်း အများဆုံးတွေ့ရှိခဲ့တာပါ။

သိန္နိမြို့မှာ ဇွန် ၂၁ ရက်ကနေ စတင်ပြီး အတည်ပြုပိုးတွေ့ရှိခဲ့ရာက ရောဂါကူစက်ခံရသူ ၄၁ ဦး၊ ကိုဗစ်အတည်ပြု သေဆုံးသူနဲ့ သံသယသေဆုံးသူ ၆ ဦးရှိပြီးလို့ မြို့ခံ တက်ကြွလှုပ်ရှားသူ တစ်ဦးက ပြောပါတယ်။

"မြို့မှာက အတည်ပြုပိုးတွေ့သူနဲ့ သေဆုံးသူတွေ များလာတယ်။ ဆေးရုံမှာ သံသယ လူနာတွေကို ကိုဗစ်ရှိ၊ မရှိစစ်ဆေးလိုက်တာ ၁၀ ဦးတွေ့တယ် "လို့ ဆိုပါတယ်။

ကိုဗစ်လူနာတစ်ဦးက "နေမကောင်းဖြစ်လို့ ဆေးရုံသွားပြတာ  ကိုဗစ်စစ်လိုက်တော့  ပိုးတွေ့တယ်။ ဆွေမျိုးတစ်ယောက် ကိုဗစ်ဖြစ်တာ မသိလိုက်ဘူး။ ဝင်ထွက် သွားလာရင် ကူးတာ"လို့ ဆိုပါတယ်။

အတည်ပြုသေဆုံးသူ၊ သံသယသေဆုံးသူနဲ့ ဆက်စပ်ထိတွေခဲ့သူတွေကို မေးမြန်းစုံစမ်းမှု မရှိသလို ထိရောက်တဲ့ ကြိုတင်ကာကွယ်မှုတွေ မရှိတဲ့အပြင် တိကျတဲ့သတင်း ထုတ်ပြန်ချက်တွေ မရှိလို့ မြို့နယ် စစ်ကောင်စီ ကိုဗစ်ကော်မတီကို ဒေသခံတွေက ဝေဖန်နေကြပါတယ်။

မြို့နယ်စည်ပင်က ပါဆယ်စနစ်သာရောင်းချဖို့ သတိပေးထားပေမဲ့ စစ်ကောင်စီရဲ့ တပ်၊ ရဲ ၊ ဌာနဆိုင်ရာတွေနဲ့ နီးစပ်တဲ့ လက်ဖက်ရည်ဆိုင်နဲ့ စားသောက်ဆိုင်တချို့မှာ တာဝန်ရှိသူ တွေကိုယ်တိုင် ဆိုင်ထိုင်စားသောက် နေတဲ့အတွက် ရောဂါကူးစက်ပြန့်ပွားမှာကို ဒေသခံတွေက စိုးရိမ်နေကြပါတယ်။

4 months Ago
Up