သာပေါင်း

A d v e r t i s e m e n t With Us

February 27, 2021

သာပေါင်းစက္ကူပျော့ဖက်စက်ရုံက CDM ဝန်ထမ်းများ လစာဖြတ်တောက်ခံရ

သာပေါင်းမြို့ စက္ကူပျော့ဖက်စက်ရုံက စစ်အာဏာသိမ်းမှုကို ဆန့်ကျင်တဲ့ အာဏာဖီဆန်ရေးလှုပ်ရှားမှု (CDM) မှာ ပါဝင်ခဲ့တဲ့ ဝန်ထမ်းတွေ လစာအပြည့်မရ တာတွေ ရှိနေတယ်လို့ ဝန်ထမ်းတွေက ပြောပါတယ်။

CDM ပါဝင်ခဲ့လို့ လစာအပြည့်မရရှိတဲ့ ဝန်ထမ်းတွေကတော့ သာပေါင်း စက္ကူပျော့ဖက်စက်ရုံဖြစ်တဲ့ တန် ၂၀ စက်ရုံနဲ့ တန် ၆၀ စက်ရုံက ဝန်ထမ်း ၃၂ ဦးရှိတယ်လို့ သိရပါတယ်။

"စက်ရုံမှူးက စစ်တပ်က ပြောင်းလာတဲ့လူပါ၊ ဖိအားပေးတာမျိုးတွေလည်း ရှိတယ်၊ လစာထုတ်တော့လည်း CDM စပါတဲ့နေ့က စပြီး လစာမရတော့ဘူး၊ ပျက်တဲ့နေတွေကို ခွင့်လို့ရေးထားပြီး နေ့နဲ့တွက်ပြီး အကုန်နုတ်ယူထားလိုက်တာ လောလောဆယ် ခက်အခဲတော့ နည်းနည်းရှိလာတာပေါ့'' လို့ သာပေါင်းစက္ကူပျော့ဖက်စက်ရုံက CDM ပါဝင်သူ ဝန်ထမ်း ၁ ဦးက DVB ကို ပြောပါတယ်။

သာပေါင်းစက္ကူပျော့ဖက်စက်ရုံက ဝန်ထမ်း ၃၂ ဦးဟာ ဖေဖော်ဝါရီ ၆ ရက်နေ့က စတင်ကာ CDM မှာပါဝင်ခဲ့တဲ့အတွက် ဖေဖော်ဝါရီလ ၂၆ ရက် လစာထုတ်ချိန်မှာ ၆ ရက်စာသာ ရရှိတယ်လို့ ဆိုပါတယ်။

CDM ပါဝင်ခဲ့လို့ လစာဖြတ်တောက်ခံရတဲ့ ဝန်ထမ်းတွေအတွက် ထောက်ပံ့တာတွေ ပြုလုပ်ပေးဖို့ စေတနာရှင်တွေကို ချိတ်ဆက်ပြီး ပြင်ဆင်နေပြီလို့ CDM  ဝန်ထမ်းတွေကို ကူညီပေးနေတဲ့ အဖွဲ့ဝင်တွေက ပြောပါတယ်။

မင်းထက်မုန်း

33 mins Ago

January 30, 2021

သာပေါင်းတွင် အထောက်အထားမဲ့ ဝင်ရောက်လာသူ ၈ ဦး ဖမ်းမိ

ဧရာဝတီတိုင်းဒေသကြီး၊ သာပေါင်းမြို့နယ်မှာ ဇန်နဝါရီ ၂၈ ရက်နေ့က ရခိုင်ပြည်နယ်မြောက်ပိုင်းက ခိုးဝင်လာတဲ့ နိုင်ငံသား အထောက်အထားမဲ့ ၈ ဦးဖမ်းမိခဲ့တယ်လို့ ရဲတပ်ဖွဲ့ထံက သိရပါတယ်။

ပုသိမ်မြို့မှာ ဇန်နဝါရီ ၂၇ ရက်နေ့က ဖမ်းမိခဲ့တဲ့ နိုင်ငံသားအထောက်အထားမဲ့ဝင်ရောက်လာသူတွေရဲ့ ထွက်ဆိုချက်အရ သာပေါင်း - မကျီးစင်ကားလမ်း ၁၅ မိုင်ရဲ့ တောထဲမှာ ပုသိမ်ခရိုင်အကူတပ်ခွဲနဲ့ နယ်မြေခံရဲတပ်ဖွဲ့ဝင်တွေက သွားရောက် ဖမ်းဆီးခဲ့တာလို့ ရဲတပ်ဖွဲ့ရဲ့တာဝန်ရှိသူက ပြောပါတယ်။

ပုသိမ်မှာ ဖမ်းမိခဲ့တဲ့ နိုင်ငံသားအထောက်အထားမဲ့ ဝင်ရောက်လာသူ ၁၃ ဦးကတော့ ပုသိမ်တက္ကသိုလ်အတွင်းက ကွာရန်တင်းမှာ ထားရှိပြီး ကျန်းမာရေးစစ်ဆေးတာတွေ ပြုလုပ်ပေးထားတယ်လို့ တိုင်းရဲတပ်ဖွဲ့ရဲ့ပြောရေးဆိုခွင့်ရှိသူ ဒုရဲမှူးကြီး ထွန်းရွှေက ပြောပါတယ်။

သာပေါင်းမြို့နယ်မှာ ဖမ်းမိခဲ့တဲ့ နိုင်ငံသားအထောက်အထားမဲ့ ဝင်လာသူ အမျိုးသား ၂ ဦး အမျိုးသမီး ၆ ဦးထဲမှာတော့ အင်္ဂလိပ်လိုနဲ့ မြန်မာလိုပြောတတ်သူ ၅ ဦးပါဝင်ပြီး ရဲတပ်ဖွဲ့က စစ်ဆေးချိန်မှာတော့ သူတို့ဟာ ပွဲစားရဲ့အစီစဥ်နဲ့ ဘူးသီးတောင်မြို့ကနေ စက်လှေ နဲ့ လာတာလို့ ဆိုပါတယ်။

အဲဒီနိုင်ငံသားအထောက်အထားမဲ့ဝင်ရောက်လာသူတွေကို ခေါ်ဆောင်ခဲ့တဲ့ ယာဥ်မောင်းနဲ့ ယာဥ်အကူကို ဖမ်းမိဖို့ ဆောင်ရွက်နေပြီး ဒေသခံ ၁ ဦးကိုတော့ ဖမ်းမိထားတယ်လို့ ရဲတပ်ဖွဲ့ထံက သိရပါတယ်။

ရခိုင်ပြည်နယ်မြောက်ပိုင်းက ခိုးဝင်လာသူတွေဖမ်းမိတာနဲ့ ပတ်သက်ပြီး ယာဥ်မောင်းနဲ့ ယာဥ်အကူအပါဝင် ဒေသခံ နီဦး(ခ)နိုင်ဦး(ခ)နွေဦး တို့ကို သာပေါင်းမြို့မရဲစခန်းမှာ ရာဇသတ်ကြီးပုဒ်မ ၃၆၇/၃၇၀/၁၁၄ နဲ့ အမှုဖွင့်အရေးယူထားတယ်လို့ သိရပါတယ်။

ဧရာဝတီတိုင်းမှာ ၂၀၂၀ ပြည့်နှစ်အတွင်း နိုင်ငံသား အထောက်အထားမဲ့ ဝင်ရောက်လာမှု ၃ ကြိမ်ရှိခဲ့ပြီး ခုလအတွင်း ဧရာဝတီတိုင်းကို နိုင်ငံသား အထောက်အထားမဲ့ ဝင်ရောက်လာမှုမှာ ၄ ကြိမ်အထိရှိနေပြီလို့ ရဲတပ်ဖွဲ့ရဲ့မှတ်တမ်းတွေအရ သိရပါတယ်။

သတင်း - မင်းထက်မုန်း(ပုသိမ်)၊ ဓာတ်ပုံ - ရဲတပ်ဖွဲ့

4 weeks Ago
Up