သရုပ်ဆောင်ရဲတိုက်

April 8, 2021

သရုပ်ဆောင်ရဲတိုက်၏လက်ရာ Naked ပန်းချီကား ကျပ် ၅ သိန်းကြမ်းခင်းဈေးဖြင့် လေလံတင်

ဖမ်းဆီးခံ သရုပ်ဆောင်မင်းသား ရဲတိုက် ကိုယ်တိုင်ရေးထားတဲ့ ပန်းချီကားတချပ်ကို ကြမ်း ခင်းဈေး ကျပ် ၅ သိန်းနဲ့ လေလံတင်ရောင်းချဖို့ GARUDA_Entertainment ရဲ့ ဖေ့စ်ဘွတ် ခ်အင်တာနက်လူမှုကွန်ရက်ပေါ်မှာ ကြေညာထားပါတယ်။

NAKED အမည်ရတဲ့ ဒီပန်းချီကားကို လက်ဆောင်ရထားသူက ဆက်သွယ်လာခဲ့ တာဖြစ်ပြီး လေလံတင်ပြန်လည်ရောင်းချကာ ရဲတိုက်အတွက် ကူညီသွားမယ်လို့ ဆိုပါ တယ်။

ဝယ်ယူလိုသူတွေအနေနဲ့ GARUDA_Entertainment ရဲ့ chat box မှတဆင့် လေ လံစျေးပေးပြီး ဝယ်ယူနိုင်မှာဖြစ်ကာ ရဲတိုက်ရဲ့ မွေးနေ့ဖြစ်တဲ့ ဧပြီ ၁၁ ရက်နေ့ညနေ ၆ နာရီမှာ လေလံပိတ်သိမ်းမယ်လို့ ဆိုပါတယ်။

ရဲတိုက်ဟာ စစ်အာဏာဆန့်ကျင်ရေး လူထုလှုပ်ရှားမှုတွေမှာ တက်တက်ကြွကြွပါ ဝင်ခဲ့ပြီးနောက် ရာဇသတ်ကြီး ဥပဒေပုဒ်မ ၅၀၅ (က)နဲ့ ဖမ်းဝရမ်းထုတ်ခံခဲ့ရကာ ဧပြီ ၃ ရက်နေ့မှာတော့ ရန်ကုန်၊ မရမ်းကုန်းမြို့နယ်၊ သမိုင်းလမ်းဆုံမှာ ဖမ်းဆီးခံခဲ့ရတာပါ။

သူ့ကို ဖမ်းမိချိန်မှာ စိတ်ကြွရူးသွပ်ဆေးပြားတွေလည်း လက်ဝယ်တွေ့ရှိခဲ့တယ်လို့ စစ်တပ်က သတင်းထုတ်ပြန်ခဲ့ပေမယ့် သူ့ရဲ့ ပရိသတ်တွေကတော့ အဆိုပါ သတင်းထုတ် ပြန်ချက်ကို အယုံအကြည်မရှိဘူးလို့ လူမှုကွန်ရက်စာမျက်နှာတွေပေါ်မှာ ပြောနေကြတာ တွေလည်း ရှိနေပါတယ်။

ရဲတိုက်ဟာ ဖမ်းဆီးခံထားရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစု ကြည်ရဲ့ မဲဆွယ်စည်းရုံးပွဲတွေမှာလည်း ပါဝင်လှုပ်ရှားခဲ့တဲ့ အနုပညာရှင်တယောက်လည်း ဖြစ်ပါတယ်။

ပြီးခဲ့တဲ့ ရက်ပိုင်းတွေမှာတော့ အာဏာသိမ်းစစ်တပ်က နေ့စဉ်ရက်ဆက်ဆိုသလို အဆိုတော်၊ သရုပ်ဆောင်၊ ဒါရိုက်တာစတဲ့ အနုပညာရှင်တွေေအပါအဝင် အွန်လိုင်းပေါ်မှာ လူသိများထင်ရှားကျော်ကြားသူတွေကို ၅၀၅ (က)နဲ့ အမှုဖွင့်ဝရမ်းထုတ်ကြောင်း စစ်တပ် လက်အောက်ခံ မီဒီယာတွေကတဆင့် ထုတ်ပြန်ထားခဲ့တာကို တွေ့ရပါတယ်။

အဆိုပါ ပုဂ္ဂိုလ်တွေဟာ အင်တာနက်လူမှုကွန်ရက်စာမျက်နှာတွေကို အသုံးပြုပြီး နိုင်ငံတော် အုပ်ချုပ်ရေးယန္တရား ပျက်ပြားစေလိုတဲ့ ရည်ရွယ်ချက်နဲ့ နိုင်ငံ့ဝန်ထမ်းတွေကို CDM လှုပ်ရှားမှုမှာ ပါဝင်စေရေး လှုံ့ဆော်တာမျိုးတွေ၊ ပြည်ထောင်စုလွှတ်တော် ကိုယ်စား ပြုကော်မတီ(CRPH)ကို ထောက်ခံတာတွေကြောင့် အမှုဖွင့်ရတာဖြစ်တယ်လို့ ဆိုပါတယ်။

လတ်တလောမှာတော့ အနုပညာရှင်တွေသာမက ပရဟိတလုပ်နေသူတွေ၊ ခရီး သွားဘလော့ဂ်ဂါတွေ ဂျာနယ်လစ်တွေလည်း ပါဝင်လာခဲ့ပြီး အမှုဖွင့် ဖမ်းဝရမ်းထုတ်ခံ ထားရသူပေါင်း ၁၀၀ ကျော်လောက် ရှိလာခဲ့ပြီ ဖြစ်ပါတယ်။

ဒီကနေ့မနက်အစောပိုင်းမှာလည်း လူငယ်သရုပ်ဆောင်မော်ဒယ် ပိုင်တံခွန်ကို ရန် ကုန်မြို့က နေအိမ်မှာ စစ်တပ်က ဖမ်းဆီးခေါ်ဆောင်သွားခဲ့ပြီး သရုပ်ဆောင်မင်းသား လူမင်း၊ ဟာသ သရုပ်ဆောင် ဇာဂနာ၊ ဗျူးတီးဘလော့ဂ်ဂါ ဝင်းမင်းသန်းတို့လည်း ဖမ်းဆီး ခံထားရပါတယ်။

8 months Ago

April 4, 2021

သရုပ်ဆောင်ရဲတိုက်ဖမ်းဆီးခံရ၊ ရုပ်ရှင်နှင့်ဂီတ အနုပညာရှင်များအပါအဝင် နောက်ထပ် အယောက် ၂၀ ကို အမှုဖွင့်

ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်ခံထားရတဲ့  သရုပ်ဆောင်ရဲတိုက်ကို မနေ့ညက ရန်ကုန် မရမ်းကုန်းမြို့နယ် သမိုင်းလမ်းဆုံးမှာ မူးယစ်ဆေးဝါးတွေနဲ့ အတူ ဖမ်းဆီးရမိခဲ့တယ်လို့  အာဏာသိမ်းစစ်ကောင်စီရဲ့ မီဒီယာတွေက ဒီနေ့ ဧပြီ ၄  ရက်မှာ ထုတ်လွှင့်ကြေညာသွားပါတယ်။

အလားတူ ရုပ်ရှင်ဒါရိုက်တာ ထူးပိုင်ဇော်ဦး၊ အဆိုတော် ရန်ရန်ချမ်း၊ သရုပ်ဆောင် အလင်းရောင်နဲ့ မေမြတ်နိုးတို့အပါအဝင် ပြည်သူဘက်က ရပ်တည်ကူညီပေးနေတဲ့ လူပုဂ္ဂိုလ် အယောက်   ၂၀ ကို   ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်အရေးယူနေတယ်လို့ အာဏာသိမ်းစစ်ကောင်စီရဲ့ မီဒီယာတွေက ဒီနေ့ညမှာ ထပ်မံ ကြေညာပါတယ်။ 

အမှုဖွင့်ခံရသူတွေကတော့ သရုပ်ဆောင် အလင်းရောင်၊ အလှမယ်နဲ့ မော်ဒယ် သရုပ်ဆောင် မေမြတ်နိုး၊ နွယ်ဒါလီထွန်း၊ နော်ဖောအယ်ထား၊ မြန်မာအိုင်ဒေါတေးသံရှင် မေမဒီ၊  အေးငြိမ်းဆွေ၊ ဟစ်ဟော့ပ် အဆိုတော် ရန်ရန်ချမ်း၊ မင်းသွေးလျှံ၊ ရုပ်ရှင်ဒါရိုက်တာ ထူးပိုင်ဇော်ဦး၊ ခြူးပန်းနွယ်၊ သက်ထားစုစံ၊ မေ၊ ညီညီထွန်း(တိမ်ခ) ၊ ရန်နိုင်ဗိုလ်၊ ဒေါက်တာကျော်ကျော်စိုင်း၊ ဒေါက်တာ စိုင်းကောင်းထက်ဇော်၊ မေသူဝင်း၊ အိအိအောင်၊ ခင်ဆွေအေးနဲ့ ခိုင်ဝေဝေဇင်တို့ ဖြစ်ပါတယ်။ 

အဆိုပါ ပုဂ္ဂိုလ်တွေဟာ လူမှုကွန်ရက် စာမျက်နှာကို အသုံးပြုပြီး နိုင်ငံတော် အုပ်ချုပ်မှုယန္တရားပျက်ပြားစေဖို့ ရည်ရွယ်ချက်နဲ့  နိုင်ငံ့ဝန်ထမ်းတွေကို CDM လှုပ်ရှားမှုမှာ ပါဝင်စေဖို့လှုံ့ဆော်တာ၊ CRPHကို ထောက်ခံတာ စတာတွေကြောင့် အမှုဖွင့်အရေးယူတာလို့  ဆိုပါတယ်။

ဒါရိုက်တာထူးပိုင်ဇော်ဦးက “ မျှော်လင့်ထားပြီးသားပါ။ အနုပညာရှင် တစ်ယောက်အနေနဲ့ တင်မဟုတ် နိုင်ငံသားတစ်ဦးအနေနဲ့ ကိုယ်တစ်ယောက်ချင်းစီ တာဝန်ရှိတယ်လို့ ယူဆလို့ နေ့စဉ် ကိုယ်လုပ်နိုင်သမျှ လုပ်ခဲ့တာဖြစ်တဲ့အတွက် မှန်ကန်‌တယ်၊ နိုင်ငံသားကောင်း ပီသတယ်။ အနုပညာရှင် အနေနဲ့ ဂုဏ်ယူရတယ် လို့ အမြဲ ယုံကြည်ပါတယ်။ အားလုံး ဂရုစိုက်ပါ။ ကျွန်တော်လဲ ဂရုစိုက်ပါမယ်။  အောင်ပွဲတူတူခံဖို့ ပြန်တွေ့ပါမယ်။” လို့ သူ့ရဲ့ လူမှုကွန်ရက်မှာ ရေးထားပါတယ်။

ဧပြီ ၃ ရက်နေ့ကလည်း နာမည်ကြီး သရုပ်ဆောင် အကယ်ဒမီမင်းသမီးတွေဖြစ်ကြတဲ့ သက်မွန်မြင့်၊ ဖွေးဖွေး၊  အဆိုတော် ကော်နီ၊ ကျားပေါက်၊ GFatt ၊ မယ်ရီ ၊ နိုဗန်ထူး၊ သရုပ်ဆောင် ညီနန္ဒ၊ အောင်မြင့်မြတ်၊ ညီထွဋ်ခေါင်၊ ဝါဆိုမိုးဦး၊ မေဦးမောင်၊ အိန်ဂျယ်လမုန်၊ နှင်းသွေးယုအောင်၊ စည်သူဝင်း၊  ထက်အောင်ရှိုင်း ၊ Kelvin Kate ၊ ဇင်အောင်၊ ကျော်ရဲထွန်း (ရဲရဲ) နဲ့ ဒေါ်နန်းမြတ်စောတို့ ကို ပုဒ်မ ၅၀၅ (က) နဲ့ အမှုဖွင့်အရေးယူထားတယ်လို့ ကြေညာခဲ့ပါတယ်။

ဧပြီ ၂ ရက်နေ့ကလည်း အကယ်ဒမီ မင်းမော်ကွန်း၊ အကယ်ဒမီ အိန္ဒြာကျော်ဇင်၊ Rဇာနည်၊ ရဲတိုက်၊ ကျော်ကျော်နန္ဒ၊ သန္တာလှိုင်၊ ပိုင်ဖြိုးသု၊ ပိုပို၊ ခင်ဝင့်ဝါ၊ ချမ်းချမ်း၊ ချမ်းမြေ့မောင်ချို၊ မိတ်ကပ်မထက်၊ မိတ်ကပ် မေဦး၊ မေတိုးခိုင်၊ ဒေါက်တာ မြဝတ်ရည်၊ မေဇွန်ဝင်း၊ ဖြိုးဖြိုးအောင်၊ ဒေါက်တာ သူရိန်လှိုင်ဝင်း၊  ဇင်သော်နိုင်နဲ့ Kwee La Min တို့ကိုလည်း   ပုဒ်မ ၅၀၅ (က ) နဲ့ အမှုဖွင့်ထားလို့ MRTV နဲ့ မြဝတီကနေ ကြေညာသွားပါတယ်။

အလားတူ နာမည်ကြီး အနုပညာရှင်တွေဖြစ်ကြတဲ့  အကယ်ဒမီ လူမင်း၊ ပြေတီဦး၊ ဒါရိုက်တာ ဝိုင်း၊  ကိုပေါက်၊ ဏကြီး၊ ဟစ်ဟော့ပ်အဆိုတော် အနဂ္ဂ၊ အဆိုတော် လင်းလင်း၊ အင်းစိန်အောင်စိုး၊ စီစဉ်တင်ဆက်သူ ကိုမောင်မောင်အေးနဲ့ အိမ့်ပိုးဥ (ခ) အိပန်ဆယ်လို စသူတွေလည်း ပုဒ်မ ၅၀၅ (က ) နဲ့ တရားစွဲခံထားရပြီး အကယ်ဒမီ လူမင်းကတော့ ဖမ်းဆီးခံထားရပါတယ်။

8 months Ago
Up