သရက်ခရိုင်

April 7, 2021

သရက်ခရိုင်ပြည်သူ့ဆေးရုံက CDM ဝန်ထမ်းများကို နေအိမ်မှဖယ်ရှားခိုင်း

သရက်ခရိုင်ပြည်သူ့ဆေးရုံက CDM ပြုလုပ်နေတဲ့ ကျန်းမာရေးဝန်ထမ်းတွေကို အကြမ်းဖက်စစ်ကောင်စီက ဧပြီ ၈ ရက်နေ့နောက်ဆုံးထားပြီး ဖယ်ရှားခိုင်းနေတယ်လို့ သရက်မြို့ဒေသခံတွေဆီကနေ သိရပါတယ်။

အကြမ်းဖက် စစ်ကောင်စီက အဲဒီလိုဖယ်ရှားခိုင်းတာကြောင့် ဆရာဝန်၊ သူနာပြုတွေအပါအဝင် CDM ပြုလုပ်တဲ့ ကျန်းမာရေးဝန်ထမ်းတွေဟာ ဧပြီလ ၇ ရက်နေ့က စလို့ ပြောင်းရွှေ့တာတွေပြုလုပ်နေပြီလို့ ဆိုပါတယ်။

3 days Ago

May 18, 2020

သရက်ခရိုင်၊ ကံမမြို့တွင် နေအိမ် ၆ လုံး မီးလောင်

မကွေးတိုင်းဒေသကြီး၊ ကံမမြို့၊ အမှတ် ၃ ရပ်ကွက်မှာ မေလ ၁၈ ရက် မနက်ပိုင်းက နေအိမ် ၆ လုံး မီးလောင်ကျွမ်းခဲ့တယ်လို့ တိုင်းဒေသကြီး မီးသတ်ဦးစီးဌာနကနေ သိရပါတယ်။ မကွေးတိုင်း မီးသတ်ဦးစီးဌာန ညွှန်ကြားရေးမှူး ဦးအောင်ဝင်းစိန်က" မီးလောင်မှု ဖြစ်ပွားနေတယ်လို့ သတင်းရတဲ့အတွက် မီးသတ်တပ်ဖွဲ့ဝင်တွေ၊ အရန်မီးသတ်တပ်ဖွဲ့ဝင်တွေ စေလွှတ်ပြီး မီးသတ်ယာဉ် ၇ စီးနဲ့ သွားရောက်ငြှိမ်းသတ်ပေးခဲ့တာပါ။ မီးငြိမ်းသွားပြီလို့တော့ သိရပြီး ဖြစ်ပွားတဲ့ အကြောင်းရင်းကိုတော့ စုံစမ်းနေဆဲ ဖြစ်တယ်”လို့ ပြောပါတယ်။ ကံမမြို့နယ် လွှတ်တော်အမတ် ဦးဇော်ဝင်းက "ကံမမြို့မှာ မီးလောင်ကျွမ်းခဲ့လို့ နေအိမ် ၆ လုံး မီးလောင်ဆုံရှုံးကာ လူဦးရေ ၁၈ ဦးခန့် မီးဘေး သင့်ခဲ့ပါတယ်။ သရက်ခရိုင်အတွင်းက မီးသတ်ယာဉ်တွေနဲ့ မီးသတ်တပ်ဖွဲ့ဝင်တွေနဲ့ ဒေသခံပြည်သူတွေ ဝိုင်းဝန်းငြှိမ်းသတ်ခဲ့ကြပါတယ်။ သက်ဆိုင်ရာက အကူညီအထောက်ပံ့တွေရဖို့ ချိတ်ဆက်ဆောင်ရွက်နေပါတယ်"လို့ ပြောပါတယ်။ မီးလောင်ကျွမ်းခဲ့တဲ့ နေအိမ်တွေကို တစ်အိမ်ကို ကျပ် တစ်သိန်းနှုန်း၊  မီးဘေးသင့်ပြည်သူတွေကိုတော့ဆန်ရိက္ခာဖိုး တစ်ဦးကို ကျပ် ၂၁၀၀ နှုန်းနဲ့ ထောက်ပံ့ပေးမယ့်အပြင်  လိုအပ်တဲ့ ကယ်ဆယ်ရေးပစ္စည်တွေလည်း ထောက်ပံ့ပေးသွားမယ်လို့ မကွေးတိုင်းဒေသကြီး ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေမှူး ဦးမြင့်စိုးက ပြောပါတယ်။ မီးစတင်လောင်ကျွမ်းခဲ့တဲ့ စတိုးဆိုင်ပိုင်ရှင် ကိုအောင်မိုးလွင်ကို ကံမမြို့မရဲစခန်းမှာ မီးပေါ့ဆမှု ပုဒ်မ  ၂၈၅ နဲ့ အမှုဖွင့် အရေးယူထားပါတယ်။ မကွေးတိုင်းမှာ  အခုနှစ်နွေရာသီ မီးလောင်မှု အကြိမ်ရေ ၈၀ ကျော်ဖြစ်ပွာပြီး ကျပ်သိန်း ၁၀၀၀ ကျော်ဖိုးလောက် မီးလောင်ဆုံးရှုံးခဲ့တယ်လို့  တိုင်းဒေသကြီး မီးသတ်ဦးစီးဌာနကနေ သိရပါတယ်။ သတင်း-မင်းထီး
11 months Ago
Up