သမ္မတထရမ့်

July 2, 2019

ရွှေ့ပြောင်းဝင်သူများအရေးဖြေရှင်းရန် ဒေါ်လာ ၄.၆ ဘီလီယံဥပဒေကြမ်း သမ္မတထရမ့် လက်မှတ်ထိုး

အမေရိကန်နဲ့ မက္ကဆီကို ၂ နိုင်ငံနယ်စပ်မှ ရွှေ့ပြောင်းလာသူတွေ အလုံးအရင်း ၀င်ရောက်လာမှုကို ဖြေရှင်းမယ့် ဒေါ်လာ ၄ ဒသမ ၆ ဘီလီယံ ဥပဒေကြမ်းကို သမ္မတ ဒေါ်နယ်ထရမ့်က ဇူလိုင် ၁ ရက်နေ့မှာ လက်မှတ်ရေးထိုးလိုက်ပါတယ်။  အုပ်ထိန်းသူမဲ့ ကလေးငယ်တွေကို သင့်တော်တဲ့နေအိမ်တွေမှာ နေရာချထားဖို့၊ လူသားချင်းစာနာထောက်ထားမှုနဲ့ လုံခြုံမှုဆိုင်ရာထောက်ပံ့ကူညီမှုတွေအတွက်  အဲဒီ ၄ ဒဿမ ၆ ဘီလီယံထဲက ၃ ဘီလီယံနီးပါးကို ကျန်းမာရေးနဲ့ လူသားချင်း အကူအညီပေး ရေးဌာနကို ပေးအပ်သွားမယ်လို့ ဆိုပါတယ်။ ထိန်းသိမ်းခံ ရွှေ့ပြောင်းအရွယ်ရောက်ပြီးသူတွေအတွက်  စားဝတ်နေရေးနဲ့ ဆေးကုသရေး အခြေခံလို အပ်ချက်တွေကို ဖြည့်တင်းပေးဖို့ ထပ်တိုး ၁ ဒသမ ၃ ဘီလီယံကို တော့ ပြည်တွင်းလုံခြုံရေးဌာနကို ပေးအပ်သွားမှာ ဖြစ်ပါတယ်။   သမ္မတထရမ့်က ရွှေ့ပြောင်းလာသူတွေကို မက္ကဆီကိုဆီ များများပို့ဖို့ ကြိုးပမ်းနေ ပေမယ့် အမေရိကန်အစိုးရကတော့ နေ့စဉ်ဆိုသလို ရွှေ့ပြောင်းလာသူ ထောင်ချီပြီး စောင့်ရှောက်ပေးနေဆဲပါ။  တဆက်တည်းဆိုသလို နျူကလီးယား သဘောတူညီချက်ကို ကျော်ပြီး အီရန်က ယူရေနီယမ် အမြောက်အမြား ထုတ်လုပ်နေတယ်ဆိုတဲ့ ကြေညာချက်နဲ့ ပတ်သက်လို့ သမ္မတ ထရမ့်က အီရန်ဟာ မီးနဲ့ ကစားနေတယ်လို့ သတိပေးလိုက်ပါတယ်။  ဒါ့အပြင် တရုတ်နဲ့ ကုန်သွယ်ရေးဆွေးနွေးပွဲတွေကို ဖုန်းနဲ့ ဆက်ဆွေးနွေးနေပြီး အမေရိကန်ဘက် အနည်းငယ် အလေးသာမယ့် သဘောတူညီချက်ရဖို့ လိုတယ်လို့ သူ က ပြောပါတယ်။  အဲဒီနောက် ဇူလိုင် ၄ ရက်  အမေရိကန် လွတ်လပ်ရေးနေ့ အခမ်းအနားမှာ သမ္မတ ထရမ့်က အစဉ်အလာကို ချိုးဖောက်ပြီး လင်ကွန်း အောက်မေ့ဘွယ် အဆောက်အဦမှာ မိန့်ခွန်းပြောကြားမယ်လို့ မျှော်လင့်ရပါတယ်။
2 years Ago

May 25, 2019

သမ္မတထရမ့်နှင့်ဇနီး ၄ ရက်ကြာ အလည်အပတ်ခရီးစဉ်အဖြစ် ဂျပန်ရောက်ရှိ

အမေရိကန် သမ္မတ ဒေါ်နယ်ထရမ့်နဲ့ သမ္မတကတော် မယ်လင်နီယာတို့ ၄ ရက်ကြာ အလည်အပတ် ခရီးစဉ်အဖြစ် မေလ ၂၅ ရက်နေ့က ဂျပန်နိုင်ငံ မြို့တော်တိုကျိုကို ရောက်လာခဲ့ပါတယ်။ တိုကျိုမြို့ ဟာနဲဒါ နိုင်ငံတကာလေဆိပ်ကို ရောက်လာကြတဲ့ သမ္မတ ထရမ့်နဲ့ မယ်လင်နီယာတို့ကို တာဝန်ရှိသူတွေက ကြိုဆိုခဲ့ပါတယ်။ သမ္မတ ထရမ့်ဟာ မေ ၂၅ ရက်နှောင်းပိုင်းမှာ ဂျပန် စီးပွားရေး ခေါင်းဆောင်တွေနဲ့ တွေ့ဆုံဖို့ရှိပြီး မေ ၂၆ ရက်နေ့မှာ ဂျပန်ဝန်ကြိးချုပ် ရှင်ဇိုအာဘေးနဲ့အတူ  ဂေါက်သီးရိုက်တာ၊ ဆူမိုနပန်းပွဲ ကြည့်တာနဲ့ ဒေသစားသောက်ဆိုင်တခုမှာ ညစာသုံးဆောင်မယ်လို့ ရိုက်တာသတင်းမှာ ဖော်ပြထားပါတယ်။ ခရီးစဉ်အတွင်း  သမ္မတ ထရမ့်ဟာ ကုန်သွယ်ရေးမှသည် မြောက်ကိုရီးယားအရေးအထိ အကြောင်းအရာများစွာကို ဂျပန်ဝန်ကြီးချုပ် အာဘေးနဲ့ ဆွေးနွေးသွားဖို့ရှိပါတယ်။ သမ္မတ ထရမ့် မရောက်ရှိခင် တိုကျိုမြို့မှာ ရုတ်တရက် အားပြင်း ငလျင်တခု လှုပ်ခဲ့ပါတယ်။ အဲဒီငလျင်ဟာ တိုကျိုမြို့အရှေ့ဘက် ချီဘာစီရင်စုကို ဗဟိုပြုလှုပ်ခဲ့ပြီး ပြင်းအား ၅ ဒသမ ၁ မဂ္ဂနီကျု့ရှိတယ်လို့ တိုကျို မိုးလေ၀သဌာနက ဆိုပါတယ်။
3 years Ago
More News
Up