သမ္မတဒေါ်နယ်ထရမ့်

A d v e r t i s e m e n t With Us

January 20, 2021

သမ္မတဒေါ်နယ်ထရမ့် အိမ်ဖြူတော်မှ နှုတ်ခွန်းဆက်မိန့်ခွန်းပြော

အိမ်ဖြူတော်ကနေ ပြောကြားတဲ့ နှုတ်ဆက်မိန့်ခွန်းမှာ သမ္မတဒေါ်နယ်ထရမ့်က  အမေရိကန် ပြည်သူတွေဟာ သူ့ကို ရွေးကောက်တင်မြှောက်ခဲ့တဲ့အတွက် သူဟာ ခက်ခဲတဲ့တိုက်ပွဲတွေ၊ အပြင်းထန်ဆုံး ယှဉ်ပြိုင်မှုတွေနဲ့ အခက်ခဲဆုံး ရွေးချယ်မှုတွေကို လုပ်ဆောင်ခဲ့တယ်လို့ ဇန်နဝါရီ ၁၉ ရက်မှာ ပြောပါတယ်။ သမ္မတရာထူးသက်တမ်း ကုန်ဆုံးချိန်မှာတော့ ထရမ့်ဟာ ကပ်ရောဂါကြောင့် နေ့စဉ် လူထောင်ချီ သေဆုံးနေတဲ့၊ ဆိုးဆိုးရွားရွား စီးပွားရေး ထိခိုက်နေတဲ့ နောက်ပြီး နိုင်ငံရေး အကြမ်းဖက်မှုတွေ မြင့်တက်နေတဲ့၊ အမြင် ကွဲပြားလှတဲ့ အမေရိကန်နိုင်ငံကို ထားရစ်ခဲ့ပါတယ်။  ရွေးကောက်ခံသမ္မတ ဘိုင်ဒင်ကို ရှုံးနိမ့်တယ်လို့ ဝန်ခံဖို့ ငြင်းဆိုတာ၊ ထောက်ခံသူတွေကို ကွန်ဂရက်လွှတ်တော်ဆီ ချီတက်ဖို့ တွန်းအားပေးတာတွေက  အလိမ်အညာတပုံတပင်ကြားမှာ သူ့ရဲ့  သမ္မတသက်တမ်းကုန်ဆုံးတာကို အဓိပ္ပာယ်ဖော်နေပါတယ်။ သမ္မတထရမ့် ပေါ့ပေါ့တန်တန် သဘောထားခဲ့တဲ့ ကပ်ရောဂါ ကူးစက်မှု မြင့်တက်နေချိန်၊ ကပ်ရောဂါကြောင့် စီးပွားရေး ဆိုးဆိုးရွားရွား ကျဆင်းတာကနေ ဘဏ္ဍာရေးအခက်အခဲ မြင့်တက်နေချိန်မှာ ကစဉ့်ကလျား အာဏာလွှဲပြောင်းရတယ်လို့လည်း ရိုက်တာသတင်းမှာ ရေးပါတယ်။
2 months Ago

January 2, 2021

သမ္မတဒေါ်နယ်ထရမ့်၏ ကာကွယ်ရေးအသုံးစရိတ် ဗီတိုအာဏာ အထက်လွှတ်တော် ပယ်ချ

ရီပတ်ဘလီကန် ဦးဆောင်တဲ့ အထက်လွှတ်တော်ဆီးနိတ်က သမ္မတဒေါ်နယ်ထရမ့်ရဲ့  ကာကွယ်ရေး အသုံးစရိတ် ဗီတိုအာဏာကို ဇန်နဝါရီ ၁ ရက်မှာ ပယ်ချလိုက်ပါတယ်။  ဒါဟာ အိမ်ဖြူတော်ကနေ သမ္မတထရမ့် မထွက်ခွာမီ ရက်ပေါင်း ၂၀ အလိုမှာ ထရမ့် ပြင်းပြင်းထန်ထန် ကန့်ကွက်နေတဲ့ကြားက ဥပဒေကြမ်း အတည်ပြုဖို့ ကြိုးပမ်းတာပါ။  ဇန်နဝါရီ ၃ ရက် ကွန်ဂရက်အသစ် ကျမ်းသစ္စာမဆိုမီ သမ္မတထရမ့်ရဲ့ ဗီတိုအမိန့်ကို ဆီးနိတ်က ၈၁ မဲ - ၁၃ မဲနဲ့ ပယ်ဖျက်လိုက်တာပါ။ ဇန်နဝါရီ ၂၀ ရက်မှာ အိမ်ဖြူတော်ကနေ ထွက်ခွာတော့မယ့် ထရမ့်ဟာ အရင်က ဗီတို အမိန့် ၈ ခုကို အတည်ပြုခဲ့ပါတယ်။  ဇန်နဝါရီ ၁ ရက် နှစ်သစ်ကူးနေ့မှာ ထူးထူးခြားခြား ပြုလုပ်တဲ့ အစည်းဝေးအတွင်း သမ္မတဗီတိုအမိန့်ကို ပယ်ချဖို့ လိုအပ်တဲ့ ထောက်ခံမဲ သုံးပုံနှစ်ပုံကို ပါတီနှစ်ခု ထောက်ခံမှုနဲ့  ဆီးနိတ်ဟာ ရရှိခဲ့တယ်လို့ ရိုက်တာက တင်ပြပါတယ်။
2 months Ago
More News
Up