သမ္မတထရမ့်

A d v e r t i s e m e n t With Us

January 13, 2021

စွပ်စွဲပြစ်တင်မှုများကို ဒေါသထွက်သော်လည်း အကြမ်းဖက်မှု မလိုလားဟု သမ္မတထရမ့် ပြော

ရာထူးက နုတ်ထွက်ဖို့ ဖိအားပေးခံနေရတဲ့ အမေရိကန်သမ္မတ ဒေါ်နယ်ထရမ့်က သူ့ကို စွပ်စွဲ ပြစ်တင် ဖြုတ်ချဖို့ ကြိုးစားတာတွေအတွက် အကြီးအကျယ် ဒေါသထွက်ပေမဲ့ သူက အကြမ်းဖက်တာကို မလိုလားဘူးလို့ ဇန်နဝါရီ ၁၂ ရက်မှာ ပြောလိုက်ပါတယ်။ မက္ကဆီကိုနဲ့ နယ်စပ် တက္ကဆက်ပြည်နယ် အလာမိုမြို့က နယ်စပ်တံတိုင်းဆီ ခရီးစဉ်အတွင်း ထရမ့်က သတင်းထောက်တွေကို ပြောလိုက်တာပါ။ ဒါဟာ ဇန်နဝါရီ ၈ ရက် လွှတ်တော်စီးနင်းမှုအပြီး သူ နုတ်ထွက်မလားဆိုတဲ့ မေးခွန်းကို မဖြေတဲ့ ထရမ့်ရဲ့ သတင်းထောက်တွေကို ပြောတဲ့ ပထမဆုံး မှတ်ချက်လည်း ဖြစ်ပါတယ်။ သူ့ကို ထောက်ခံသူတွေက အမေရိကန် အောက်လွှတ်တော်ကို ပြီးခဲ့တဲ့သီတင်းပတ်က ဝင်စီးအပြီး ခုလို နောက်ဆက်တွဲဖြစ်ရပ်တွေ ပေါ်လာခဲ့တာပါ။ သူ့ကို စွပ်စွဲပြစ်တင်ဖို့ အကွက်ရွှေ့တာဟာ အောက်လွှတ်တော် တိုက်ခိုက်မှုနဲ့ ပတ်သက်ပြီး ဆူပူအုံကြွအောင် ဆွပေးနေတဲ့ စွဲချက်လို့ ထရမ့်က ဆက်ပြောပါတယ်။ ဒါဟာ သူ့ကို မလိုလားလို့ ဖယ်ရှားဖို့ ဆက်လုပ်နေတဲ့ကိစ္စလို့လည်း ပြောပါတယ်။ ဇန်နဝါရီ ၁၃ ရက်မှာ ထရမ့်ကို စွပ်စွဲပြစ်တင်ဖို့ အောက်လွှတ်တော်က မဲပေးခဲ့ရင် ထရမ့်ဟာ သူ့သက်တမ်းမှာ နှစ်ကြိမ် စွပ်စွဲပြစ်တင်ခံရတဲ့ ပထမဆုံး အမေရိကန်သမ္မတ ဖြစ်လာမှာပါ။
2 months Ago

January 9, 2021

ဂျိုးဘိုင်ဒင်၏ သမ္မတရာထူးလက်ခံပွဲ မတက်ဟု သမ္မတထရမ့်ပြော

ဂျိုးဘိုင်ဒင်ရဲ့  သမ္မတရာထူးလက်ခံပွဲ အခမ်းအနားကို တက်ရောက်မှာ မဟုတ်ဘူးလို့ အမေရိကန် သမ္မတ ဒေါ်နယ်ထရမ့်က ဇန်နဝါရီလ ၈ ရက်မှာ ကြေညာလိုက်ပါတယ်။   အာဏာကို ငြိမ်းငြိမ်းချမ်းချမ်းလွှဲပေးမယ်လို့ ကတိပေးပြီး နာရီပိုင်းအကြာမှာ သမ္မတ ထရမ့်က တွစ်တာကနေ ရေးသားလိုက်တာပါ။    သမ္မတ ထရမ့် မတက်ရောက်တာနဲ့ပတ်သက်လို့  ရွေးကောက်ခံသမ္မတ ဘိုင်ဒင်က "ထရမ့်မတက်ရောက်တာ ကောင်းပါတယ်" လို့ ဝယ်မင်တန်မြို့ သတင်းစာရှင်းလင်းပွဲမှာ ပြောဆိုခဲ့ပါတယ်။  ဘိုင်ဒင်က   "ဒုသမ္မတ မိုက်ပန့်စ် တက်ရောက်မှာကို ဂုဏ်ယူပါတယ်" လို့ ပြောဆိုကြောင်း USA Today သတင်းမှာ ဖော်ပြပါတယ်။  သမ္မတ ထရမ့်ဟာ နောက်တက်လာမယ့် သမ္မတရဲ့ ရာထူးလက်ခံပွဲ အခမ်းအနားကို မတက်ရောက်တဲ့ ပထမဆုံး သမ္မတတော့ မဟုတ်ပါဘူး။  ဂျွန်အက်ဒမ်၊ ဂျွန်ကွင်စီအက်ဒမ်နဲ့ အင်ဒရူးဂျွန်ဆင်တို့ဟာလည်း သူတို့နေရာဆက်ခံမယ့် သူတွေရဲ့  ရာထူးလက်ခံပွဲ အခမ်းအနားကို မတက်ရောက်ခဲ့ပါဘူး။  သမ္မတ ရာထူးက နုတ်ထွက်ခဲ့တဲ့ ရစ်ချက်နစ်ဆင်ဟာလည်း ဂျရယ်ဖို့ဒ်ရဲ့ ကျမ်းသစ္စာဆိုပွဲကို မသွားခဲ့ဘူးလို့ USA Today သတင်းမှာ ဖော်ပြပါတယ်။
2 months Ago
More News
Up