သပိတ်ကျင်းမြို့နယ်

November 17, 2021

သပိတ်ကျင်းမြို့နယ်တွင် CDM ကျောင်းဆရာ ၁ ဦးကို စစ်ကောင်စီက ဖမ်းဆီးသတ်ဖြတ်

မန္တလေးတိုင်း၊ သပိတ်ကျင်းမြို့နယ်၊  မြင်သာကျေးရွာက အာဏာဖီဆန် CDM လုပ်ထားတဲ့ ကျောင်းဆရာတယောက်ကို စစ်ကောင်စီတပ်က   ဖမ်းဆီးသွားပြီး သတ်ပစ်လိုက်ပါတယ်။

ဆရာ ဦးဇော်မင်းအောင်နဲ့ ရွာသားတယောက်ကို ဒီနေ့ မနက် ၁၁ နာရီခွဲမှာ စစ်ကောင်စီတပ်သားတွေက နေအိမ်မှာ လာရောက်ဖမ်းဆီးခဲ့တာပါ။

"PDF နဲ့ ပတ်သက်တယ်ဆိုပြီး လာဖမ်းတာ။ အိမ်တွေကိုလည်း မွှေတယ်။ ကြာညှပ်ရဲစခန်းကို ခေါ်သွားတယ်။ ညနေ ၅ နာရီမှာတော့ ဆရာအလောင်းက ကြာညှပ်ရင်ခွဲရုံကိုရောက်လာတယ်။ ခု မီးသင်္ဂြိုလ်နေပါတယ်" လို့ ဒေသခံတယောက်က ပြောပါတယ်။

ဒါ့အပြင်"အမေစု ကျန်းမာပါစေ"လို့ အော်ခိုင်းပြီး ရိုက်နှက်နှိပ်စက်ခဲ့တယ်လို့သိရပါတယ်။

အသက် ၄၀ ဝန်းကျင်အရွယ် ဆရာဦးဇော်မင်းအောင်ဟာ ရွှေစကာကျေးရွာ (အထက)ခွဲက ကျောင်းဆရာတယောက်ဖြစ်ပြီး သူနဲ့အတူဖမ်းခံရတဲ့ ကိုမိုးကျော်ဟာလည်း ရိုက်နှက်ခံထားရလို့ နားထဲ သွေးထွက်နေတယ်လို့ သိရပါတယ်။

2 months Ago

September 22, 2021

သပိတ်ကျင်းမြို့နယ် ချောင်းကြီးကျေးရွာရှိ Mytel တာဝါတိုင် ဖျက်ဆီးခံရ

မန္တလေးတိုင်းဒေသကြီး၊ သပိတ်ကျင်းမြို့နယ်၊ ချောင်းကြီးကျေးရွာအနောက် သုသာန်အနီးရှိ စစ်တပ်ပိုင် Mytel တာဝါတိုင်ကို စက်တင်ဘာ ၂၀ ရက် ညနေ ၆ နာရီခွဲလောက်က  မိုင်းခွဲဖျက်ဆီးခံရတယ်လို့ ဒေသခံတွေထံက သိရပါတယ်။ 

ဒီပေါက်ကွဲမှုနဲ့ ပတ်သက်ပြီး ဘယ်အဖွဲ့က မိုင်းခွဲဖျက်ဆီးခဲ့တယ်ဆိုတာကို ထုတ်ပြန်ထားတာ မရှိသေးပါဘူး။ 

သပိတ်ကျင်းမြို့နယ်မှာအခု မိုင်းခွဲဖျက်ဆီးခံရတဲ့ တာဝါတိုင် အပါအဝင် အနည်းဆုံး တာဝါတိုင် ၃ တိုင် မိုင်းခွဲခံထားရတယ်လို့ ဒေသခံတွေထံက  သိရပါတယ်။

သပိတ်ကျင်းမြို့နယ်၊ ချောင်းကြီးကျေးရွာအနီး စစ်‌ကောင်စီတပ်ဖွဲ့ဝင်တွေက လုံခြုံရေးတင်းကျပ်  စောင့်ကြည့်စစ်ဆေးနေပါတယ်။

4 months Ago
More News
Up