သထုံမြို့

June 16, 2018

သထုံမြို့နယ်တွင် သဘာဝဓာတ်ငွေ့ ပိုက်လိုင်းယိုစိမ့် ပေါက်ကွဲမှု ဖြစ်ပွား

မွန်ပြည်နယ်၊ သထုံမြို့နယ်၊ ကတိုက်ကြီးကျေးရွာအနီး စားကျက်မြေတခုအတွင်းရှိ လယ်ကွက်ထဲမှာ ဇွန် ၁၃ ရက်နေ့၊ ညနေပိုင်းက သဘာဝဓာတ်ငွေ့ပိုက်လိုင်း ယိုစိမ့်မှုဖြစ်ပွားခဲ့တယ်လို့ ဒေသခံတွေက ပြောပါတယ်။ အဆိုပါသဘာဝဓာတ်ငွေ့ပိုက်လိုင်းဟာ မုတ္တမကမ်းလွန်မှ ရန်ကုန်မြို့ကို သွယ်တန်းထားတာဖြစ်ပြီး ဓာတ်ငွေ့ပိုက်လိုင်းယိုစိမ့်ရာမှ ပေါက်ကွဲမူဖြစ်ပွားခဲ့ရာ အမြင့်ပေ ၃၀ ခန့်အထိ လေထဲကို ရေပန်းတွေအဖြစ် ပန်းထွက်ခဲ့တာဖြစ်ပါတယ်။ ကတိုက်ကြီးကျေးရွာအုပ်ချုပ်ရေးမှူး ဦးသိန်းကြည်က "အသံက ဝုန်းကနဲဆိုပြီး တရွာလုံးကကြားကြပါတယ်။ မိုးကလည်း ရွာထားတော့ လယ်ကွင်းထဲမှာ ရေပြည့်နေလို့ အဲ့ဒီနားက လူတွေတော့ အန္တရာယ်မဖြစ်ခဲ့ကြပါဘူး။ မနှစ်ကလည်း ဒီနားမှာ တခါဖြစ်ဖူးသေးတယ်။ ခုလို ထပ်ဖြစ်တော့ ရွာသားတွေက ကြောက်ကြတာပေါ့" လို့ ပြောပါတယ်။ ဓာတ်ငွေ့ပိုက်လိုင်းဟာ ကံပေါက် - မြိုင်ကလေး ၂၀ လက်မ သဘာဝဓာတ်ငွေ့ပိုက်လိုင်းဖြစ်ကာ ဘီးလင်းမြစ်ထဲကို ပိုက်လိုင်းကျိုးပြတ်ခဲ့တာကြောင့် သထုံမြို့ဝင်ကြေးဂိတ်အနီးရှိ ၂၀ လက်မပိုက်လိုင်းကို ၁၄ လက်မ ဘောဘားနဲ့ ပိတ်ဆို့ခဲ့တာဖြစ်ပါတယ်။ ခုအခါ ဘီးလင်းမြစ်နဲ့ စစ်တောင်းမြစ်တို့မှ မြေအောက်လှိုင်ခေါင်း ဆက်သွယ်ပြီးစီးသွား၍ အဆိုပါ ၁၄ လက်မ ဘောဘားကို ဖြတ်တောက်ဖယ်ရှားပြီး ၂၀ လက်မ ပိုက်လိုင်းအစားထိုး ဆောင်ရွက်ဖို့အတွက် ဇွန် ၁၀ ရက်နေ့မှာ စတင်ပြင်ဆင်ဆောင်ရွက်နေစဉ် အခုလို ပေါက်ကွဲမှုဖြစ်ပွားခဲ့တာဖြစ်ပါတယ်။ ဓာတ်ငွေ့ယိုစိမ့်ပေါက်ကွဲရာနေရာကို နယ်မြေခံတပ်မတော် တာဝန်ရှိသူတွေ၊၊ ကတိုက်ကြီးကျေးရွာ ရဲတပ်ဖွဲ့ဝင်တွေနဲ့ သက်ဆိုင်ရာတာဝန်ရှိသူတွေက လာရောက်ကြည့်ရှုစစ်ဆေးခဲ့ကြောင်း သိရပါတယ်။ သတင်း-ယူမင်းစိုး ဓာတ်ပုံ-ကျော်ဇင်
3 years Ago

August 2, 2017

သထုံမြို့ ဘုန်းကြီးကျောင်းတွင် ကျောင်းသူ ၁၀ ဦးခန့် သရဲပူးခံရ

မွန်ပြည်နယ်၊ သထုံမြို့၊ လိပ်အင်းရပ်ကွက်ရှိ ဓမ္မိကာရာမကျောင်းတိုက်မှာ နေထိုင်နေတဲ့ ကျောင်းသူ ၁၀ ဦးလောက်ဟာ  သြဂုတ်လ ၁ ရက်နေ့ ညပိုင်းက သရဲပူးကပ်ခြင်းခံရတယ်လို့ သိရပါတယ်။ ညနေ ၆ နာရီနောက်ပိုင်း ကျောင်းသူတဦး ဝင်ရောက်ပူးကပ်ခံရပြီးနောက် ဆက်လက်ပြီး ကျောင်းသူ ၁၀ ဦးလောက် ပူးကပ်ခံရတာလို့ ဓမ္မိကာရာမကျောင်းတိုက် ဆရာတော် ဦးဣန္ဒာစာရက မိန့်ပါတယ်။ “ညပိုင်း ၆ နာရီကျော်လောက်ကနေ တယောက်ကစပြီး ဖြစ်လိုက်တာ ၁၀ ဦးလောက်ဖြစ်သွားတယ်။ သူတို့အားလုံးကဖြစ်တဲ့ လက္ခဏာချင်းတူတယ်။ အသက်ရှူရကြပ်တယ်။ မောတယ်၊ အော်ဟစ်တာတွေဖြစ်တယ်။ သူတို့အပေါ် တက်ဖိထားတယ်လို့ ပြောတယ်။ လည်ပင်းညှစ်တယ်ပြောတယ်။ ကလေးတွေက ကျန်းမာရေးအားလုံး ကောင်းတယ်။ တခုက ကျောင်းမှာနေတဲ့ ကလေးတွေမှာ ယောက်ျားလေးတွေရော မိန်းကလေးတွေရော နေကြတာ။ ယောက်ျားလေးတွေကျတော့ မဖြစ်ဘဲ မိန်းကလေးတွေမှာပဲ ဖြစ်တာ။ ဘယ်လိုဖြစ်မှန်းကို မသိဖြစ်နေတယ်။ ယူဆတာက အမှောင့်ပယောဂ တခုခုကပ်နေတာလားပေါ့။ ဆေးရုံသွားပြတော့လည်း ဘာရောဂါမှ မရှိဘူးလို့ပြောတယ်။ အကောင်းကြီးကနေထဖြစ်တာပါ။ အားလုံးကတစ်ပြိုင်တည်း ဖြစ်တာမဟုတ်ဘူး။ တယောက်ပြီးတယောက်ဖြစ်တာ” လို့ ဆရာတော်က မိန့်ပါတယ်။ ဖြစ်ပွားတဲ့ ၂ ရက်စလုံးတွင် ညနေ ၆ နာရီနောက်ပိုင်းတွင် ဖြစ်တတ်ပြီး လူတဦးလျှင် အချိန် ၁ နာရီလောက် ပူးကပ်တဲ့အနေထားနဲ့ တွေ့ရှိရပြီး ကျောင်းအတွင်းနေထိုင်တဲ့ သက်တမ်းတလျှောက် တခါမျှ မဖြစ်ဘူးကြောင်း၊ ခုလိုဖြစ်ပွားတဲ့အတွက် ပရိတ်ရွတ်ဖတ်ခြင်း၊ ပဋ္ဌာန်းရွတ်ဖတ်ခြင်း၊ ကမ္မဝါစာရွတ်ဖတ်ခြင်းတွေ ပြုလုပ်သွားမှာဖြစ်တယ်လို့လည်း သိရပါတယ်။ ဇူလိုင် ၃၁ ရက် ညနေ ၆ နာရီနောက်ပိုင်းမှာ ကျောင်းသူ ၂ ဦး ယခုကဲ့သို့ဖြစ်ပွားခဲ့ပြီး သြဂုတ်လ ၁ ရက်နေ့ နေ့လယ်ပိုင်းမှာ ကျောင်းသူတဦးက စာသင်ကျောင်းမှာ ထပ်ဖြစ်ပြီး ညပိုင်းတွင် ၁၀ ဦးလောက် ထပ်ဖြစ်ခဲ့ပါတယ်။ ဓမ္မိကာရာမကျောင်းတိုက်တွင် လွန်ခဲ့သော ၄ နှစ်ခန့်မှ စတင်ကာ အနယ်နယ်အရပ်ရပ်မှ ကရင်၊ ပအိုဝ်း၊ တိုင်းရင်းသား တိုင်းရင်းသူများ၊ ကျောင်းသားကျောင်းသူတွေကို လက်ခံကာ ကျောင်းအိပ်ကျောင်းစားဖြင့် အတန်းပညာသင်ပေးနေတဲ့ ကျောင်းဖြစ်ပြီး ကျောင်းတိုက်မှာ ကျောင်းသား ကျောင်းသူ ၆၉ ဦးလောက် နေထိုင်လျှက်ရှိပါတယ်။ သတင်း-ယူမင်းစိုး
4 years Ago
Up