သတ်မှတ်ချက်

A d v e r t i s e m e n t With Us

September 21, 2020

တောင်ကိုရီးယားတွင် လူချင်းခွာနေရမည့် သတ်မှတ်ချက်သက်တမ်း တပတ်ထပ်တိုး

တောင်ကိုရီးယားအစိုးရဟာ နိုင်ငံတွင်း အဆင့် ၂ လူချင်းခွာနေရမယ့် သတ်မှတ်ချက်ကို စက်တင်ဘာ ၂၇ ရက်အထိ နောက်ထပ် သီတင်းပတ်တပတ် သက်တမ်းတိုးလိုက်ပါတယ်။ စက်တင်ဘာ ၂၀ ကြေညာချက်အရ အခန်းတွင်း လူစုလူဝေးကို အယောက် ၅၀ အောက်မှာပဲ စုဖွဲ့ဖို့ ကန့်သတ်ထားပြီး လေဟာပြင် လူစုလူဝေးကိုတော့ လူတရာအောက်မှာပဲ စုရုံးဖို့ ကန့်သတ်ထားပါတယ်။ ကိုရီးယားရိုးရာ မိသားစုဆုံစည်းပွဲ ကျင်းပရာ ချူဆောင် အားလပ်ရက်အတွက် ကန့်သတ်ချက်တွေကိုလည်း ထပ်ပြီးတင်းကျပ်ကောင်းတင်းကျပ်နိုင်တယ်လို့ ရိုက်တာသတင်းသတင်းမှာ ဖော်ပြပါတယ်။ စက်တင်ဘာ ၃၀ ကနေ အောက်တိုဘာ ၂ ရက်ထိ ကျင်းပမယ့် ချူဆောင် အားလပ်ရက်အတွက် လူချင်းခွာနေရမယ့် မူဝါဒတွေကို လာမယ့်ရက်တွေမှာ အာဏာပိုင်တွေက ကြေညာဖို့ မျှော်လင့်ထားပါတယ်။ တောင်ကိုရီးယားနိုင်ငံမှာ စက်တင်ဘာ ၁၉ တရက်တည်း ကိုရိုနာဗိုင်းရပ်စ် ကူးစက်ခံရသူ လူနာသစ် ၈၂ ယောက်ကို အတည်ပြုထားပါတယ်။ ဒါဟာ သြဂုတ်လလယ်တည်းက အခုထိ တရက်အတွင်း အနိမ့်ဆုံး ကူးစက်မှုလည်း ဖြစ်တယ်လို့ ကိုရီးယား ရောဂါဟန့်တားရေးနဲ့ ထိန်းချုပ်ရေးဌာနက ဆိုပါတယ်။ တောင်ကိုရီးယားမှာ အခုထိ ကူးစက်ခံ အတည်ပြုလူနာဦးရေ ၂၂,၉၇၅ ယောက် ရှိထားပြီး ကူးစက်ခံ သေဆုံးသူ ၃၈၃ ယောက် ရှိပါတယ်။ သြဂုတ်လက ဒုတိယကူးစက်လှိုင်းအတွင်း နေ့စဉ် ကူးစက်ခံဦးရေဟာ အယောက် ၄၀၀ ကျော်ခဲ့ပြီး စက်တင်ဘာအစောပိုင်းမှာတော့ ကူးစက်ခံအရေအတွက်ဟာ အယောက် ၁၀၀ အောက် ပြန်လည်ကျဆင်းခဲ့ပါတယ်။ 
5 months Ago

July 4, 2020

Mask တပ်ရန် သတ်မှတ်ချက် ဘရာဇီးသမ္မတ ဗီတိုအာဏာသုံး ပယ်ဖျက်

အများပြည်သူ စုဝေးတဲ့နေရာတွေမှာ မဖြစ်မနေ Mask တပ်ဖို့ သတ်မှတ်ထားတဲ့ ဥပဒေရဲ့ အစိတ်အပိုင်းတချို့ကို ဘရာဇီးသမ္မတ ဘော်ဆိုနာရိုက ဇူလိုင်လ ၃ ရက်နေ့မှာ ဗီတိုအာဏာသုံးပြီး ပယ်ဖျက်လိုက်ပါတယ်။   ဘော်ဆိုနာရိုဟာ ကျန်းမာရေးပညာရှင်တွေက အကြံပေးတဲ့ လူချင်းခပ်ခွာခွာနေဖို့ စည်းကမ်းတွေကိုလည်း အမြဲချိုးဖောက်ပြီး သူ့ထောက်ခံသူတွေကို လက်ဆွဲနှုတ်ဆက်တာ၊ ပွေ့ဖက်နှုတ်ဆက်တာတွေ လုပ်လေ့ရှိပါတယ်။  သူဟာ  အရင်က အားကစားသမားဟောင်းတဦးဖြစ်ခဲ့တာမို့  ကိုရိုနာဗိုင်းရပ်စ်ပြီးတယ်လို့ လည်း လူသိရှင်ကြားပြောဖူးတာ ရှိပါတယ်။  သူရဲ့ဗီတိုအာဏာနဲ့ ဥပဒေကိုပယ်ဖျက်ချိန် သောကြာနေ့မှာပဲ ဘရာဇီးမှာ အတည်ပြုလူနာ  ၁ ဒဿမ ၅ သန်း ရှိနေပါပြီ။  ဘရာဇီးဟာ ကိုဗစ်-၁၉ကပ်ဘေးမှာ အမေရိကန်ပြည်ထောင်စုပြီးနောက် ကမ္ဘာ့ ဒုတိယ မြောက် အတည်ပြုလူနာ အများဆုံးပါ။  သေဆုံးသူကလည်း  ခြောက်သောင်းကျော်ပြီလို့ ရိုက်တာသတင်းက ရေးပါတယ်။
8 months Ago
Up