သတိပေးချက် ထုတ်ပြန်

July 4, 2017

ဧရာဝတီနှင့် ချင်းတွင်းမြစ်ရေကြီးခြင်း သတိပေးချက် ထုတ်ပြန်

ဧရာဝတီမြစ်နဲ့ ချင်းတွင်းမြစ်တွေမှာ မြစ်ရေကြီးနိုင်တဲ့အတွက် ရွှေကူမြို့နယ်၊ မင်းကင်းမြို့နယ်နဲ့ မုံရွာမြို့နယ်အတွင်းရှိ မြစ်ကမ်းအနီးနဲ့ မြေနိမ့်ပိုင်း နေထိုင်သူတွေ အထူးသတိပြု နေထိုင်ကြဖို့ မိုးဇလဌာနက တိုက်တွန်းလိုက်ပါတယ်။ ဇူလိုင် ၄ ရက် မွန်းလွဲ ၁ နာရီခွဲအချိန် တိုင်းထွာချက်အရ ဧရာဝတီမြစ်ရေဟာ ရွှေကူမြို့မှာ မြို့ရဲ့ စိုးရိမ်ရေမှတ်အောက် ၁ ပေခွဲခန့်တွင် ရောက်ရှိနေပြီး နောက် ၂ ရက်အတွင်း စိုးရိမ်ရေမှတ်ကို ရောက်ရှိနိုင်တယ်လို့ ခန့်မှန်းထားပါတယ်။ အလားတူ ချင်းတွင်းမြစ်ရေဟာလည်း  မင်းကင်းမြို့မှာ  ယင်းမြို့ရဲ့ စိုးရိမ်ရေမှတ်အောက် ၂ ပေခွဲခန့်မှာ ရောက်ရှိနေပြီး နောက် ၂ ရက်အတွင်း ယင်းမြို့၏စိုးရိမ်ရေမှတ်သို့ ရောက်ရှိနိုင်သလို၊ မုံရွာမြို့မှာလည်း ယင်းမြို့ရဲ့ စိုးရိမ်ရေမှတ်အောက် ၂ ပေခွဲခန့်မှာ ရောက်ရှိနေပြီး နောက် ၃ ရက်အတွင်း စိုးရိမ်ရေမှတ်သို့ ရောက်ရှိနိုင်တယ်လို့ ခန့်မှန်းထားပါတယ်။
4 years Ago

March 16, 2017

ထိုင်းနိုင်ငံ ခရိုင် ၃၄ ခုတွင် မိုးသက်လေပြင်းသတိပေးချက် ထုတ်ပြန်

ထိုင်းနိုင်ငံ မြောက်ပိုင်း၊ အလယ်ပိုင်း၊ အရှေ့မြောက်ပိုင်းနဲ့ အရှေ့ပိုင်းဒေသတွေမှာ မတ်လ ၁၆ ရက်နေ့မှ ၁၈ ရက်နေ့အတွင်း မိုးသက်လေပြင်းတိုက်ခတ်ပြီး မိုးသီးတွေ ကြွေကာ ထိခိုက်မှု ရှိနိုင်တယ်လို့ ထိုင်းမိုးလေ၀သဦးစီးဌာနက ဒီကနေ့ မနက်ပိုင်းက ထုတ်ပြန်ကြေညာလိုက်ပါတယ်။ မိုးသက်လေပြင်းတိုက်ခတ်နိုင်တဲ့ ခရိုင်တွေကတော့--- ထိုင်းနိုင်ငံ မြောက်ပိုင်း - နန့်၊ ဖရဲ့၊ ဥဒရာဒစ်၊ တာ့ခ်၊ ကမ်ဖိုင်ဖစ်၊ ဆုခိုထိုင်း၊ ဖိကျစ်၊ ဗိသနုလုတ်၊ ဖစ်ဘွန်း။ ထိုင်းနိုင်ငံ အလယ်ပိုင်း - ချိုင်းနတ်၊ နခွန်းဆ၀မ်၊ လုပ်ပူရီ၊ ဖရနခွန်းဆီအယုဒ္ဓယ။ ထိုင်းနိုင်ငံ အရှေ့မြောက်ပိုင်း - ချိုင်းယဖုမ်း၊ ခွန်ကဲင်၊ လွေး၊ ဥဒွန်းဌာနီ၊ ကာလာဆင်၊ မဟာဆာရခမ်း၊ လွဲ့အစ်၊ ဆကွန်းနခွန်း၊ နခွန်းဖနုန်၊ နခွန်းရာ့ခ်ျဆီမား၊ ဘူရီရမ်၊ နောင်ဘိုလမ်ဖူး၊ ဘိန်ကမ်။ ထိုင်းနိုင်ငံ အရှေ့ပိုင်း - ပရာကျင်းပူရီ၊ ဆာကျောက်၊ ချချိန်းဆောင်း၊ ချွန်းပူးရီး၊ ကျန်ထပူရီ၊ တလတ် စတဲ့ခရိုင်တွေ ဖြစ်ပါတယ်။ မတ်လ ၁၈ ရက်ကနေ ၂၀ ရက်အတွင်း ထိုင်းနိုင်ငံမြောက်ပိုင်းနဲ့ အလယ်ပိုင်းတွေမှာ လေပြင်းအားလျော့ကျသွားမှာဖြစ်ပေမယ့် အရှေ့မြောက်ပိုင်းနဲ့ အရှေ့ပိုင်းဒေသတွေမှာ လေပြင်းမုန်တိုင်း ဆက်တိုက်နိုင်ဖွယ်ရှိတာကြောင့် သတိပေးထားတဲ့ နေ့ရက်တွေအတွင်း လေဟာပြင်၊ သစ်ပင်ကြီးအောက်၊ ပိုစတာဆိုင်းဘုတ်ကြီးအောက်၊ ခိုင်ခံ့မှုမရှိတဲ့ အဆာက်အဦအောက်ကနေ ရှောင်ကြားကြဖို့  ထုတ်ပြန်ထားပါတယ်။
5 years Ago
Up