သတိပေး

September 8, 2021

ဖလမ်းမြို့က ဘဏ်မန်နေဂျာကို CNDF က ကျည်ဆန်ဖြင့် သတိပေး

ရာခိုင်နှုန်းအဆမတန် တောင်းနေတဲ့ ဖလမ်းမြို့က ခရိုင်ဘဏ်မန်နေဂျာကို စက်တင်ဘာ ၆ ရက်နေ့က CNDF တပ်ဖွဲ့က ကျည်ဆန်တစ်တောင့်နဲ့ သတိပေးထားတယ်လို့ သိရပါတယ်။ 

ချင်းပြည်နယ် ဖလမ်းမြို့ မြန်မာ့စီပွားရေးဘဏ်မှာ တာဝန်ထမ်းဆောင်နေတဲ့ ခရိုင်ဘဏ်မန်နေဂျာ ဟာ ပြည်သူတွေ ငွေကြေးထုတ်ယူရာမှာ ရာခိုင်နှုန်း အဆမတန် တောင်းယူနေတာ ကြားသိရတယ်လို့ ဆိုပါတယ်။

အခုလို အများပြည်သူ အခက်ခဲ၊ အကျပ်အတည်း ကြုံတွေ့နေချိန်မှာ မတရားလောဘနဲ့ ခေါင်းပုံဖြတ်အမြတ်ထုတ်နေတာကို ရပ်တန့်ဖို့အတွက် ချင်းအမျိုးသားကာကွယ်ရေးတပ်ဖွဲ့ (CNDF) က စက်တင်ဘာ ၆ ရက်နေ့ ရက်စွဲနဲ့ ပြင်းထန်စွာသတိပေးထားတာပါ။

ခရိုင်ဘဏ်မန်နေဂျာအနေနဲ့ ပြည်သူလူထုအပေါ် ခေါင်းပုံဖြတ်နေတာကို မရပ်တန့်ပါက အသက်အန္တရာယ်ကို အာမခံမှာမဟုတ်ဘူးလို့ ထုတ်ပြန်ထားပါတယ်။

2 weeks Ago

August 28, 2021

စဉ့်ကူးမြို့နယ် ကျေးရွာအုပ်ချုပ်ရေးမှူးအား ကျည်ဆန်ဖြင့် SPDF သတိပေး

မန္တလေးတိုင်း ပြင်ဦးလွင်ခရိုင် စဉ့်ကူးမြို့နယ် ကျည်တောက်ပေါက်ကျေးရွာက စစ်ကောင်စီက ခန့်အပ်ထားတဲ့ အုပ်ချုပ်ရေးမှူး ဦးမောင်ငယ် နဲ့ ရာအိမ်မှူး ဦးမျိုးခိုင်တို့အနေနဲ့ ကျန်းမာရေးဂရုစိုက်ပြီး ထမင်းဝအောင်စားထားကြဖို့ စဉ့်ကူးမြို့နယ် ပြည်သူ့ကာကွယ်ရေးအဖွဲ့ (SPDF) က ကျည်ဆန်ပေးပို့ သတိပေးလိုက်တယ်ပါတယ်။

အုပ်ချုပ်ရေးမှူဦးမောင်ငယ်ဟာ  ဒေသခံပြည်သူတွေကို နှိပ်စက်ကြိမ်းမောင်းတာတွေ လုပ်ဆောင်ပြီး ဆန္ဒပြည်သူတွေအကြောင်း စစ်ကောင်စီကို သတင်းပေးနေတဲ့ အကြီးစား ဒလန်ဖြစ်တယ်လို့  စဉ့်ကူးမြို့နယ်ပြည်သူ့ကာကွယ်ရေးအဖွဲ့  သတင်းပြန်ကြားရေးနှင့် ဒလန်ရှင်းလင်းရေးတာဝန်ယူထားသူက ဒီဗွီဘီကိုပြောပါတယ်။

အဲဒီအပြင်  စစ်ကောင်စီတပ်ဖွဲ့ဝင်တွေနဲ့ပူးပေါင်းပြီးကျေးရွာအတွင်း  သတ်မှတ်ဆက်ကြေးကောက်ခံကာ လောင်းကစားဝိုင်းတွေကို ခွင့်ပြုပေးတယ်လို့ ဆိုပါတယ်။ 

အုပ်ချုပ်ရေးမှူး ဦးမောင်ငယ်အနေနဲ့ ပြည်သူတွေကို စစ်ကောင်စီနဲ့ပူးပေါင်းပြီး ဆက်ပြီး အနိုင်ကျင့်နေမယ်ဆိုရင် အသက်ကိုအာမမခံဘူးလို့ SPDF သတင်းပြန်ကြားရေးနှင့် ဒလန်ရှင်းလင်းရေးတာဝန်ခံက ပြောပါတယ်။

ပြည်သူတွေကို နှိပ်စက်နေတဲ့ ကျည်တောက်ပေါက်ရွာအုပ်ချုပ်ရေးမှူး ဦးမောင်ငယ်ကို  စဉ့်ကူးမြို့နယ် ပြည်သူ့ကာကွယ်ရေးအဖွဲ့က ပထမအကြိမ် သတိပေးပြီးနောက်ပိုင်းမှာ ကျေးရွာအတွင်း PDF တွေလက်နက်မချရင် လက်စတုန်းချေမှုန်းမယ်ဆိုတဲ့ စာရွက်တွေ လိုက်ကပ်ခဲ့တယ်လို့ ဆိုပါတယ်။

4 weeks Ago
More News
Up