သတိပေ

A d v e r t i s e m e n t With Us

December 26, 2020

ကိုဗစ်လူနာတွေ့နှုန်း ကျဆင်းလာသော်လည်း စည်းကမ်းချက်များ လုံးဝမပေါ့ရန် သတိပေး

အတည်ပြုလူနာ တွေ့ရှိမှုနှုန်း ကျဆင်းလာပေမယ့် ကိုဗစ်စည်းကမ်းတွေကို လုံးဝ ပေါ့လို့ မရသေးကြောင်း ကျန်းမာရေးဆိုင်ရာ တာဝန်ရှိသူတွေက သတိပေး ပြောကြားပါတယ်။  မြန်မာနိုင်ငံရဲ့ ကိုဗစ်-၁၉ အတည်ပြုလူနာ တွေ့ရှိမှုဟာ ဒီဇင်ဘာ ၁၉ ရက်နေ့ကစတင်ပြီး ၁၀၀၀ အောက်ကို လျော့ကျလာ ၁ ပတ်လောက် ရှိလာနေပြီး ဒီဇင်ဘာ ၂၅ ရက်နေ့မှာတော့ ပိုးတွေ့မှုက ၄ ရာခိုင်နှုန်းအောက်ကို ကျဆင်းလာတာ ဖြစ်ပါတယ်။  အခုလို ပိုးတွေ့ရှိမှုနှုန်း လျော့ကျလာပေမယ့် အရေအတွက်အနေနဲ့တော့ ရာဂဏန်းလောက်အထိ တွေ့နေရဆဲဖြစ်လို့ ကိုဗစ်-၁၉ ကာကွယ်ရေးနည်းလမ်းတွေကို လုံးဝပေ့ါလျော့လို့ မဖြစ်သေးဘူးလို့ ကျန်းမာရေးနဲ့ အားကစားဝန်ကြီးဌာန ညွှန်ကြားရေးမှူး ဒေါက်တာသန်းနိုင်စိုး တာဝန်ရှိသူက ပြောပါတယ်။ ရန်ကုန်တိုင်းအတွင်းမှာလည်း အတည်ပြုလူနာတွေ့ရှိမှုနှုန်း လျော့ကျလာပြီး တစ်နိုင်ငံလုံး အတည်ပြုလူနာတွေရဲ့ ၃၀ ရာခိုင်နှုန်းကျော်သာ တွေ့နေရတော့တဲ့ အနေအထားဖြစ်ပါတယ်။  ကိုဗစ်-၁၉ အတည်ပြုလူနာ တွေ့ရှိတာကို ရန်ကုန်တိုင်းအပြင် တခြားတိုင်းနဲ့ ပြည်နယ်တွေမှာလည်း ထိန်းချုပ်လာနိုင်တာ တွေ့ရပြီး မန္တလေးတိုင်းကတော့ ထိန်းချုပ်ဖို့ ကြိုးစားနေရဆဲ အခြေအနေမှာရှိတယ်လို့ ဆိုပါတယ်။ အခုလို အတည်ပြုလူနာတွေ့ရှိမှုနှုန်း လျော့ကျလာပေမယ့် ကိုဗစ်-၁၉ ကာကွယ်ထိန်းချုပ်ရေးနည်းလမ်းတွေကို မလျှော့ချဖို့ ကျန်းမာရေးနဲ့အားကစားဝန်ကြီးဌာန ပြည်ထောင်စုဝန်ကြီးက အသိပေးပြောကြားထားပါတယ်။  စျေးတွေ၊ လက်ဖက်ရည်ဆိုင်တွေနဲ့ အများပြည်သူကို ဝန်ဆောင်မှု ပေးနေတဲ့နေရာတွေ၊ လုပ်ငန်းတွေမှာ ကိုဗစ်စည်းကမ်းတွေ လိုက်နာစေဖို့ကိုလည်း တိုက်တွန်းထားပါတယ်။  မြန်မာနိုင်ငံမှာ ဒီဇင်ဘာ ၂၅ ရက် ည ၈ နာရီအထိ ကိုဗစ်-၁၉ အတည်ပြုလူနာစုစုပေါင်း ၁၂၀,၅၄၆ ယောက်၊ သေဆုံးသူ ၂,၅၅၂ ယောက်နဲ့ ဆေးရုံက ဆင်းခွင့်ရသူပေါင်း ၁၀၀,၉၄၀ ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ သင်းသင်းဇော်
1 month Ago

September 27, 2020

ဝက်စ်ဘရွန်းနှင့်ပွဲ ခံစစ်ပိုင်း တဦးချင်းအမှားများ ချဲလ်ဆီးနည်းပြ သတိပေး (ရုပ်သံဟိုက်လိုက်)

ဝက်စ်ဘရွန်းနဲ့ ပွဲစဉ်မှာ တစ်ဦးချင်းအမှားတွေရှိခဲ့တဲ့ အသင်းခံစစ်ပိုင်းကို ချဲလ်ဆီးနည်းပြ လမ်းပတ်က သတိပေးစကားဆိုလိုက်ပါတယ်။  ချဲလ်ဆီးအသင်းဟာ တန်းတက်ဝက်စ်ဘရွန်းကို ပထမပိုင်းမှာပဲ ၃ ဂိုးအထိ ခွင့်ပြုခဲ့ရတာပါ။  ဒုတိယပိုင်းရောက်မှသာ မေဆန်မောင့်၊ ဟန်ဆန်အိုဒွိုင်းနဲ့ တမ်မီအီဗရာဟမ်တို့က ချေပဂိုး သုံးဂိုးသွင်းယူပေးခဲ့တာပါ။  ပေးလိုက်ရတဲ့ သုံးဂိုးမှာ မားကို့စ်အလွန်ဆိုနဲ့ သီယာဂို ဆေးလ်ဗားတို့ရဲ့ အမှားတွေ ရှိခဲ့ပြီး ပြန်လာနိုင်ဖို့ ခက်ခဲစေခဲ့တယ်လို့ လမ်းပတ်က ပြောပါတယ်။  ဝက်စ်ဘရွန်းအသင်းကို လေးစားမှုရှိပေမယ့် ရမှတ် ၂ မှတ် ဆုံးရှုံးသွားခဲ့ရတာဖြစ်ပြီး တစ်ဦးချင်း အမှားတွေလုပ်နေမယ်ဆိုရင် တောင်ပေါ်တက်နေရသလို ခက်ခဲလိမ့်မယ်လို့ နည်းပြလမ်းပတ်က ပြောပါတယ်။  ပွဲပြီးခါနီးမှာ ချေပဂိုးသွင်းခဲ့တဲ့ တမ်မီအီဗရာဟမ်ကတော့  မဖြစ်သင့်တဲ့ အမှားတွေရှိခဲ့ပေမယ့် စုစည်းညီညွတ်မှုရှိရှိနဲ့ တစ်ဦးကို တစ်ဦး အားပေးသွားကြဖို့ လိုအပ်တယ်လို့ ပွဲအပြီးမှာ ပြောကြားခဲ့ပါတယ်။ 
4 months Ago
More News
Up