သတင်းမီဒီယာကောင်စီ

A d v e r t i s e m e n t With Us

March 1, 2021

ဖမ်းဆီးခံသတင်းထောက်များအတွက် မီဒီယာကောင်စီကို အကူအညီတောင်းရန် ဥပဒေ အကြံပေးပြော

အဖမ်းခံရတဲ့ သတင်းထောက်တွေပြန်လွတ်ဖို့ သတင်းမီဒီယာကောင်စီကို ဆက်သွယ် အကူအညီတောင်းဖို့ လိုတယ်လို့ ဥပဒေအကြံပေး ဦးခင်မောင်မြင့်က ပြောပါတယ်။

နိုင်ငံတဝန်း စစ်အာဏာရှင်ဆန့်ကျင်တဲ့သပိတ်တွေမှာ သတင်းရယူရင်း အဖမ်းခံရတဲ့ သတင်းထောက်တွေ အမြန်ပြန်လွတ်ဖို့ဆိုရင် သက်ဆိုင်ရာသတင်းဌာနတွေက မြန်မာနိုင်ငံ သတင်းမီဒီယာကောင်စီကို ဆက်သွယ်ဖို့ လိုတယ်လို့ ဥပဒေအကြံပေး ဦးခင်မောင်မြင့်က ဒီနေ့ ပြောပါတယ်။

ဦးခင်မောင်မြင့်ဟာ လတ်တလော အင်းစိန်ထောင်မှာ အဖမ်းခံထားရတဲ့ သပိတ်မှောက်ပြည်သူတွေ ပြန်လွတ်ရေးအတွက် ဆေင်ရွက်နေသူဖြစ်ပါတယ်။

အင်းစိန်အကျဉ်းထောင် ထောင်မှူးကြီး၊ ရဲတပ်ဖွဲ့တာဝန်ရှိသူတွေ၊ မြန်မာနိုင်ငံသတင်းမီဒီယာကောင်စီတာဝန်ရှိသူတွေနဲ့ တွေ့ဆုံဆွေးနွေးပြီးနောက် ဦးခင်မောင်မြင့်က အခုလိုပြောဆိုလိုက်တာပါ။

“မြန်မာနိုင်ငံသတင်းမီဒီယာကောင်စီရဲ့ ဒေါက်တာမျိုးသန့်တင်ကို အကူအညီတောင်းလို့ ရပါတယ်။ နယ်က သတင်းထောက်တချို့ အဖမ်းခံရပြီးနောက်ပိုင်း သူ့ကို ဆက်သွယ်လိုက်တာနဲ့ ချက်ချင်းဆိုသလို ပြန်လွတ်ပါတယ်” လို့ ဦးခင်မောင်မြင့်ကပြောပါတယ်။

မြန်မာနိုင်ငံ သတင်းမီဒီယာကောင်စီဥပဒေ ပုဒ်မ ၇ အရ သတင်းထောက်တွေဟာ လွတ်လပ်စွာ သတင်းရယူခွင့်ရှိပြီး ဖမ်းဆီးချုပ်နှောင်တာမျိုး ပြုလုပ်လို့မရပါဘူး။

ဒါပေမယ့် လတ်တလောအခြေအနေမှာ သတင်းဌာနတွေနဲ့ သတင်းထောက်တွေက စစ်ကောင်စီသြဇာခံတဲ့ သတင်းမီဒီယာကောင်စီအပေါ် ယုံကြည်မှုမရှိကြပါဘူး။ 

သတင်းမီဒီယာကောင်စီဝင်အများစုကလည်း စစ်ကောင်စီလက်အောက်မှာ အလုပ်မလုပ်ချင်တဲ့အတွက် သတင်းမီဒီယာကောင်စီကနေ နုတ်ထွက်ထားကြပါတယ်။

ဖေဖော်ဝါရီ ၂၈ ရက်နေ့အထိ စာရင်းတွေအရ သတင်းထောက် ၂၅ ဦးထက်မနည်း ဖမ်းဆီးခံထားရပြီး အဲ့ဒီအထဲက ၁၀ ဦးပဲ ပြန်လွတ်လာပါသေးတယ်။

5 days Ago

January 31, 2021

သတင်းသမားများကို ခြိမ်းခြောက်မှုများ ရှိလာသဖြင့် ဂရုပြုကြရန် မီဒီယာကောင်စီ တိုက်တွန်း

ထောက်ခံပွဲကျင်းပသူတွေ‌က သတင်းမီဒီယာတချို့ရဲ့ သတင်းထောက်တွေကို တွေ့တဲ့နေရာရှင်းပစ်ဖို့ လှုံ့ဆော်တဲ့စာတွေကို လူမှုကွန်ရက်မှာ ဖြန့်ဝေလာနေတာကြောင့် သတင်းသမားတွေအနေနဲ့ ကိုယ့်လုံခြုံရေးကို ဂရုစိုက်ကြဖို့၊ လုံခြုံရေးအဖွဲ့အစည်းတွေအနေနဲ့လည်း အကာအကွယ်ပေးဖို့ စာထုတ်တိုက်တွန်းသွားမယ်လို့ မီဒီယာကောင်စီ အတွင်းရေးမှူး ဦးမြင့်ကျော်က ပြောပါတယ်။

ဒါ့အပြင် မီဒီယာသမားတွေအနေနဲ့လည်း သတင်းရေးသားတဲ့အခါ ဘက်မလိုက်ဘဲ မျှမျှတတ ရေးသားဖို့ကိုလည်း တိုက်တွန်းပါတယ်။

“ကျနော်တို့က ပြောရုံတခုတည်းနဲ့တော့ အန္တရာယ်အားလုံးက မကင်းနိုင်ဘူးလေ။ ဆိုလိုချင်တာက သတင်းသမားတွေကိုယ်တိုင်ကလည်း alert ဖြစ်ဖို့လိုတယ်။ ကိုယ့်အန္တရာယ် ဘယ်လိုကာကွယ်ရမလဲဆိုတာ ဗဟုသုတရှိဖို့လိုတယ်။”

သတင်းသွားယူတဲ့အခါမှာလည်း သတင်းသမားတွေအနေနဲ့ တဦးချင်းမယူဘဲ စုစုစည်းစည်း သွားကြဖို့၊ တစ်ယောက်နဲ့တစ်ယောက် ကာကွယ်ကြဖို့ကိုလည်း တိုက်တွန်းပါတယ်။

ထက်ဝေအောင်

1 month Ago
More News
Up