သတင်းမီဒီယာကောင်စီ

November 10, 2018

သတင်းမီဒီယာကောင်စီဝင်အသစ်ကို တာဝန်လွှဲပြောင်း

မြန်မာနိုင်ငံသတင်းမီဒီယာကောင်စီ တာဝန်လွှဲပြောင်းတဲ့ အခမ်းအနားကို ဒီနေ့မနက် အမှတ် ၁၉၂/ ၁၉၆ ၊ ကုန်သည်လမ်း ဗိုလ်တစ်ထောင်မြို့နယ်ရှိ သတင်းမီဒီယာကောင်စီ ရုံးခန်းသစ်မှာ ကျင်းပခဲ့ပါတယ်။ မီဒီယာကောင်စီ ဒုတိယသုံးနှစ်သက်တမ်းအတွက် ကောင်စီဝင်များကို ၂၀၁၈ စက်တင်ဘာ (၈) ရက်နေ့က ရွေးချယ်ခဲ့ပြီး  အောင်တိုဘာ ၃၀ ရက်နေ့မှာ သတင်းမီဒီယာ ပုဒ်မ-၁၃ အရ မြန်မာနိုင်ငံ သတင်းမီဒီယာကောင်စီကို သမ္မတရုံး အမိန့်နဲ့ ဖွဲ့စည်းခဲ့တာပါ။ သမ္မတ ကိုယ်စားလှယ်၊ လွှတ်တော်ကိုစားလှယ်၊ မီဒီယာအဖွဲ့အစည်း၊ ပညာရှင်အဖွဲ့အစည်း၊ စာရေးဆရာအဖွဲ့အစည်းနဲ့ ကာတွန်းအဖွဲ့အစည်း စတဲ့အဖွဲ့အစည်းတွေက  ကိုယ်စားလှယ်တွေနဲ့ ဖွဲ့စည်းထားတာဖြစ်ပြီး အဖွဲဝင် ၂၉ ဦး ပါဝင်ပါတယ်။ မီဒီယာကောင်စီရဲ့ အဓိက တာဝန်တွေထဲမှာ သတင်းမီဒီယာဥပဒေ အမြန်ဆုံး ပေါ်ပေါက်ရေးနဲ့ သတင်းမီဒီယာနဲ့ ပတ်သက်တဲ့ အငြင်းပွားမှုကို ညှိနှိုင်းဖြေရှင်းရေးတို့ ပါဝင်ပါတယ်။
3 years Ago

October 31, 2018

မြန်မာနိုင်ငံ သတင်းမီဒီယာကောင်စီကို သမ္မတအတည်ပြု

မြန်မာနိုင်ငံ သတင်းမီဒီယာကောင်စီ ဖွဲ့စည်းတာကို နိုင်ငံတော် သမ္မတက အောက်တိုဘာ ၃၀ ရက်စွဲနဲ့ အတည်ပြုအမိန့် ထုတ်ပြန်လိုက်ပါတယ်။ မီဒီယာကောင်စီကို ဥက္ကဋ္ဌ ဦးအုန်းကြိုင် (ဟံသာဝတီဦးအုန်းကြိုင်)၊ ဒုဥက္ကဋ္ဌ ၁ ဒေါက်တာမျိုးသန့်တင်၊ ဒုဥက္ကဋ္ဌ ၂ ဦးကျော်နိုင် (ထက်မြက်)၊ အတွင်းရေးမှူး ဦးကျော်စွာမင်း၊ တွဲဖက် အတွင်းရေးမှူး ၁ ဦးမြင့်ကျော်၊ တွဲဖက်အတွင်းရေးမှူး ၂ ဦးလှိုင်းသစ်ဇင်ဝေတို့ အပါအဝင် ၂၉ ယောက်နဲ့ ဖွဲ့စည်းလိုက်တာပါ။ ဒုတိယအကြိမ် မြန်မာနိုင်ငံသတင်းမီဒီယာကောင်စီ အလုပ်အမှုဆောင်တွေကို စက်တင်ဘာ ၈ ရက်နေ့က ရန်ကုန်မှာ ရွေးချယ်ခဲ့ကြပြီး ကောင်စီမှာ သမ္မတက အဆိုပြုတဲ့ ကိုယ်စားလှယ် တယောက်နဲ့ လွှတ်တော်နှစ်ရပ်က အဆိုပြုတဲ့ ကိုယ်စားလှယ်တယောက်စီပါဝင်တာပါ။ သတင်းမီဒီယာ နည်းဥပဒေအရ ကောင်စီကို အယောက် ၃၀ နဲ့ ဖွဲ့စည်းဖို့ စီစဉ်ခဲ့ပြီး သတင်းသမား အဖွဲ့အစည်းတွေက ကောင်စီဝင် ၇ ယောက်၊ သတင်းမီဒီယာအဖွဲ့အစည်းတွေက ကောင်စီဝင် ၅ ယောက်၊ တဦးချင်းကိုယ်စားလှယ် ၃ ယောက် ရွေးချယ် တင်မြှောက်ခဲ့ကြပါတယ်။ ဒါ့အပြင် သတင်းအေဂျင်စီတွေ၊ ပုံနှိပ်ထုတ်ဝေသူများအသင်း၊ ထုတ်ဝေသူနဲ့ ဖြန့်ချိသူများအသင်း၊ ကဗျာဆရာအဖွဲ့၊ ကာတွန်းရုပ်ပြဆရာအဖွဲ့တွေက ၁ ယောက်စီ၊ စာရေးဆရာ အဖွဲ့အစည်းတွေက ၂ ယောက်၊ တတ်သိပညာရှင်တွေပါဝင်တဲ့ အရပ်ဘက် ကိုယ်စားလှယ် ၅ ယောက်၊ သမ္မတ၊ ပြည်သူ့လွှတ်တော်ဥက္ကဋ္ဌနဲ့ အမျိုးသားလွှတ်တော် ဥက္ကဋ္ဌတို့က အဆိုပြုတဲ့ ကိုယ်စားလှယ်  ၁ ယောက်စီ ဖြစ်ပါတယ်။ ဒါပေမယ့် ကဗျာဆရာအဖွဲ့အစည်းတွေက ကိုယ်စားပြု မပါဝင်ခဲ့တာကြောင့် လက်ရှိကောင်စီမှာ ၂၉ ယောက်ပဲ ရှိနေတာပါ။
3 years Ago
More News
Up